Aisaya 51:5 - Yennu Gbouŋ Mɔɔr

⁵ N saa baar yiame ki tinnib, n nyannu yoo na pera. N mɔŋe sii dia digbana. Digbanbanfɔka guu n baarue, ki guu nan dindann a man tinnib.

Aisaya 51:5 ပူးပေါင်းရင်းမြစ်များ

Yaŋ 110:6

U saa bu digbana buut, ki te ki nikpeena lar tɔb ni; u saa nyann kpanbara tingbouŋ na kur po.

Yaŋ 67:4

Ŋaant ki digbana teeb-ii mɔk parpeenn ki yin yanii nan kpinkpammuk, kimaan a bu niib buut nan barmɔnii, ki bia ŋmakitir digbana kur tingbouŋ na paak.

Yaŋ 85:9

Barmɔnii, u teen siir nan wun tinn binba baakitɔ, ki u baakir saa kpakin ti tiŋ ni.

Yaŋ 96:13

yoo nba ki Yennu saa baar a wun dia tingbouŋ na. U saa dia durinya na niib nan mamɔmm nan ŋante.

Yaŋ 98:9

kimaan u baate a wun bu niib buut. U saa dia durinya na nan mamɔmm nan ŋante.

Aisaya 11:11

Li daar-i baar, Yennu saa ŋamm jii u paŋ na ki jen nan u niib nba biar Asiria nan Ijipt nan Patros nan Sudann nan Elam nan Babilonn nan Hamaf tinii ni, nan mɔkgbiant nan nyun ni kunkona paak na, bi doi ni.

Aisaya 24:15

ki binba be yondo po na saa dont u sann. Niib nba kar kpia mɔkgbeŋir na saa dont Israel teeb Yomdaanɔ Yennu maŋ.

Aisaya 26:4

Teent i dindann Yennu ni yaayoo siiyoo, u sii guut yoo kur.

Aisaya 33:2

Yennu, ii mɔk ninbatinu nant. Ti teen ti dindann a nie. Ii guut daar kur, ki tinnit daamii yoo.

Aisaya 33:22

Ŋarint maŋ bona kur tee yanne; li chinchena na kan fit tanti. Ti saa fat jab nba tee ti datai na mɔkint kure, ki li sii yab bonchiann, ki dianii gbaa saa gaar tora. Yennu tiɔŋo sii tee ti kpanbar; ŋɔɔe sii diat, ki guut.

Aisaya 40:10

Yabint Yennu baat a wun dia durinya na nan yiikoo. U baat ki dia niib nba ki u tinnib na.

Aisaya 42:4

U kan ŋaa tama, koo dindanni; u saa baar nan mamɔmme durinya paak. Digbanbanfɔka damm kpan guu u tumiiue.”

Aisaya 46:13

N chari nan nyannu daar nae, ki nakint, li ki fɔk nan waama. N nyannu na kan wei nan baaru. N saa tinn Jerusalem-e, ki Israel teeb n la baakir leŋ.”

Aisaya 49:1

Yimm digbanbanfɔka damm, gbiintir man, yimm nba be banfɔka na. Bi din tan maarin na, ki sɔɔ Yennu gannin ki teenin u toontunnɔwa.

Aisaya 54:17

Ŋaan jatiɔk kaa ki saa fit paana daŋi, ki a sii mɔk gatu ki tur binba kur piak biira na. N saa kɔn n toontunna paak ki turib nyannu.” Yennu-e pak na.

Aisaya 56:1

Ki Yennu yet u niib a, “Ii tuun linba ŋan ki bia took, kimaan li kan wei, ki n saa tinni.

Aisaya 59:16

Li bakitɔe nan waa la ki sɔɔ kaa ki saa somm binba ki bi dintib biak na. Li paak, u saa jii u tiɔŋ yiikooe ki nyinnib, ki te bin nyann.

Aisaya 60:9

Li tee ŋarint nba nyii banfɔkae, ki kpent nan Yennu niib. Bi dia salimpeena nan salimmɔna, a bin tur Yennu sann baakir; ŋɔɔe tee Israel teeb kasii Yennu nba te ki digbana kur teen u niib baakir na.

Aisaya 62:11

nan Yennu mɔɔntir teen tingbouŋ kure a, “Pakin Jerusalem teeb a, ‘Yennu baat a wun tinni, ki tɔk nan niib nba ki u tinnib na.’ ”

Aisaya 63:5

Li bakitime, yoo nba ki n got ki la nan sɔɔ kaa ki saa sommin na. Ŋaan n wutoor na turin paŋe, ki n mɔŋ kɔn ki nyann.

Joel 3:12

“A te digbana na niib n teen siir, ki baar Buut Baauk na ni. Leŋe ki min Yennu saa kar ki bu digbana kur buut.

Sefania 2:11

Yennu saa kɔɔmm jaŋmaanii. U saa biir yenbis nba be tingbouŋ na paak kur, booru kur saa jiantɔ bi tinii ni.

Matiu 28:18

Ŋanne ki u chat nakimm, ŋaan yet a “Yennu turin sanpaak nan tiŋ yent kurawa.

Matiu 3:2

“Nyikin man i biit, kimaan Yennu ŋaanaan dinu per na.”

Barŋanii nba ki MAK din sɔb nae na 16:15

Ki u bia yetib a “Ii saa kii mɔɔntir barŋanii na ki tur sɔɔ kur, tingbouŋ na kur po.

Barŋanii nba ki LUK din sɔb nae na 24:47

a bin saan ki mɔɔnt u sann ni, a niibi-i nyik bi biit, Yennu saa nyik chabib; a bin piin mɔɔnt barii maŋ ki tur Jerusalem teeb, ki bia mɔɔnt tur nibooru kur.”

Toona 17:31

kimaan ŋɔɔ Yennu poŋ senn daar nba ki u saa bu tingbouŋ na ŋaateeb kur buut chib chiba. U saa te ki wunba ki u gannɔ nae n bu buut maŋ. Waa set fiinɔ kuun ni na, ki li tee nyinn ki tur sɔɔ kur a ŋɔɔe sii tee barbuurɔ.”

Rom Teeb 2:16

Tɔn, li tan sii tee nnae daar nba ki Yennu saa bu niib kur para ni buut Yiisa Masia paak, nan maa mɔɔntir barŋanii maŋ biaŋinba na.

2 Korint teeb 5:10

Kimaan ti kur binbeŋ tan saa nyi paanu Masia tɔɔnn, buut daar, ki sɔɔ kur tan saa gaar paauk nan u toona nba tuu tee biaŋinba tingbouŋ na ni nae, laa tan ŋani, laa bii, li fan nana.

Sennu 30:14

Aaii, mɔmaan na be i boor ni. I mir ki bia saa fit tiara. Li paak, sakin man.

1 Samuel 2:10

Binba tee Yennu datai na, u saa biiriba. U saa te ki satianii n nyi sanpaapo ki tian bi paak. Yennu saa bu durinya niib kur buut. U saa jii paŋ ki tur u kpanbar, ki te ki u kpanbar ganntɔɔ maŋ n nyann.”