Aisaya 51:4 - Yennu Gbouŋ Mɔɔr

⁴ “Gbiintir turin man, n niib, gbiintir linba ki n piak. N teen digbana n tumiiu, n sennu na saa turib yentu.

Aisaya 51:4 ပူးပေါင်းရင်းမြစ်များ

Yaŋ 106:5

Ŋaant ki man la ki a niib mɔkitir, ki biit namm bi parpeenn, ki bia biit nan a niib maŋ parpeenn kpinkpammuk.

Yaŋ 147:20

ŋaan u ki tun linba na booru ki tur nileeb na, bi ki mi u sennii maŋi. Pakin Yennu man.

Yaŋ 33:12

Parpeenn be digbann nba ki Yennu tee bi Yomdaanɔ na paak. Parpeenn be niib nba ki u gannib ki bi tee u yab na paak.

Yaŋ 50:7

“N niib, gbiintir, ki man pak. N niib Israel teeb, n saa di siara ki biiri. Mine tee Yennu, ki tee i Yennu.

Yaŋ 78:1

N niib, gbiintir n wannu maŋ, kii tee soon nna ki gbat maa yaa man beti linba.

Nyinu 19:6

niib nba tee n kuukɔɔ niib, ki sii tee mannteeb ki tuun teenin.”

Nyinu 33:13

Mɔtana, li-i setiki tee ki a par mei n paak, fan wannin a dudukit nba tee, ki lin te min fit tun a toona ki a par-ii mei. Tiat nan booru nba nae ki a gannib ki bi tee a tiɔŋ niib.”

Barjokit 6:23

Bi tumiiu maŋ tee yentu nba nyiirie; ki bi ŋmakitu na saa fit wanna faa sii be biaŋinba.

Aisaya 1:27

Yennu nba tee kasii na paak, u saa tinn Jerusalem, nan wunba kur be leŋ ki nyik toonbiit tumu.

Aisaya 2:3

Ki bi niib sii yeen a, “Ŋaant ki tin do Yennu kunkonn paak, ki saan Israel teeb Yenjiantu ŋaak na ni. U saa wannit waa loon tin tun linba; ti saa somm sɔnii nba ki u gann ni, kimaan Yennu wannu nyi Jerusalem-e; u be Sayɔnn-e ki piak nan u niib.”

Aisaya 26:2

Lootir doo na tammɔi ki ŋaan digbann nba ki mɔk biit na n kɔɔ, digbann nba niib tuun linba took.

Aisaya 26:8

Ti waa a loomme, ki teen ti dindann a ni. A kuukɔɔe ki ti loon.

Aisaya 33:22

Ŋarint maŋ bona kur tee yanne; li chinchena na kan fit tanti. Ti saa fat jab nba tee ti datai na mɔkint kure, ki li sii yab bonchiann, ki dianii gbaa saa gaar tora. Yennu tiɔŋo sii tee ti kpanbar; ŋɔɔe sii diat, ki guut.

Aisaya 42:21

Yennu tee Yomdaanɔ nba ki u nunii mɔn nan wun tinn niibe, ŋanne ki u donn u sennii nan u wannu na sanpaapo, ki loon u niib n turir baakir.

Aisaya 42:6

“Min Yennu-e yiina ki tura yiikoo maa fan te ki mamɔmm-i be tingbouŋ na paak. Li saa nyi a nie, ki n saa lor mɔlor nan nisaarii; li saa nyi a nie, ki n saa baar nan yentu, digbana kur paak.

Aisaya 49:6

Ki Yennu yetin a, “N toontunnɔ, n mɔk toonjaanne ki teena. Li ki tee nan a saa ŋamm teen Israel teeb nba ki n tinnib na kɔɔ kaa-ii yabii, ŋaan n saa te ki a tee yentue ki tur digbanlia, ki lin te tingbouŋ na niib kur n tinn.”

Aisaya 55:3

“N niib, gbiintir turin man, ki baar n boor. Baat n boor, ki i saa la manfoor. N saa lor mɔlor kangbennuk nani, ki turi piisin nba ki n din senn mɔsonn ki tur Defid na.

Aisaya 63:8

Yennu yet a, “Bi tee n niibe, bi kan kpannin.” Li paak ki u tinnib

Maika 4:2

Niib maŋ tan sii yeen a, “Ŋaant ki tin do Yennu kunkonn na paak, ki saan Israel teeb Yenjiantu ŋasaakak na ni. Ki u saa wannit waa loon ki tin tun linba; ki ti saa somm sɔnii nba ki u gann na ni. Kimaan Yennu wannu na nyii Jerusalem-e, ki u be Sayɔnn ki piak teen u niib.”

Barŋanii nba ki LUK din sɔb nae na 2:32

U sii tee yentu ki fiit a sɔnu ki wann binba ki tee Israel teeb na, ki bia baar nan dontir ki tur a niib Israel teeb.”

1 Korint teeb 9:21

Binba ki waa sennu na, ki n jii n mɔŋ ki teen nan bi yenɔ na, a bin tinn. Linba na ki wann nan n ki waa Yennu sennu na; n waa Masia sennu na.

Sennu 18:18

N saa turib sɔkinii nba sii tee nan fin na, ki u saa nyi bi booru ni. N saa wannɔ linba ki u saa pak, ki u saa bet niib na n sennu kur.

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.