Aisaya 51:3 - Yennu Gbouŋ Mɔɔr

³ “N saa wann Jerusalem nan binba be langbent ni na, n ninkpabauŋ. U tiŋ nba lek tee tinkokirik na, ŋaan n saa teenir tinkpiasir, nan kpaab nba ki n din teen Edenn ni na. Parpeenn nan manu sii be leŋ, ki dontir nan niipoturu yanii sii yiin leŋ ki teenin.

Aisaya 51:3 ပူးပေါင်းရင်းမြစ်များ

Pinpiik 13:10

Lot nba got lint tiŋ na, ki u la ki Jɔɔdann paauŋ na ŋan bonchiann, ki naan nan Yennu kpaab na, koo Ijipt paauŋ nba dɔɔ ki jiin Soann po na. (Li yoo na, ki sɔɔ ki Yennu daa din ki joo Sodom nan Gomora muu.)

Yaŋ 85:8

N saa gbiint linba ki ti Yomdaanɔ Yennu yete; li-i tee ki ti ki ŋmat ti jat binbeŋ ni, u senn mɔsonn a u saa tur timm u niib parmaasira.

Aisaya 12:1

Yoo baat ki niib saa yin yaŋ a, “N dontira, Yennu. A wutoor bo doo n paake, ŋaan mɔtana a maan n para, ki a wutoor bia ji ki do.

Aisaya 25:9

Li-i tun nna yoo nba, sɔɔ kur saa yet a, “Ŋɔɔe tee ti Yennu. Ti teen ti dindann u nie, ki u fatit. Ŋɔɔ-i tee ti Yomdaanɔ. Ti teen ti dindann u nie, ki mɔtana ti mɔk parpeenn nan kpinkpammuk, kimaan u tinnita.”

Aisaya 35:6

ki dianii sii yuuk ki mobit, ki waa waak, ki binba ki fit piak na saa hoot nan parpeenn. Nyun nan kpenii saa pubir kunkoouk paak;

Aisaya 41:16

I saa faa donnib sanpaapo, ki wouŋ n pebirib ki yaat, ki wonpaaruk saa yatib. Ki i ji sii mɔk parpeenn, kimaan mine tee i Yennu; ki i saa dont min nba tee yimm Israel teeb kasii Yennu na sann.

Aisaya 43:19

Ii gorii bonpaann nba ki n yaa man tun na. Li poŋ tuume, ki i saa fit lar mɔtana. N saa faa sɔnu ki gaan kunkoouk paak, ki turi kpenii nba mɔk nyun leŋ.

Aisaya 44:26

Ŋaan n toontunnɔ-i bunt buntir, koo mi-i tun toomii a wun wann n lora, n tuu te ki buntir na, nan n lora na n teen mɔniie. N pak Jerusalem, a niib tan saa ŋamm kar leŋ, ki pak Juda doi, a niib tan saa ŋamm maab. Bi saa ŋamm ki fiin doi maŋ langbent.

Aisaya 49:13

Sanpaak, ii yiin yaŋ. Tingbouŋ, ii hoot kii kpamm, ŋaant kunkona-ii yiin yanii. Yennu saa maan u niib para, u sii mɔk ninbatinu nan u niib nba di biak na.

Aisaya 49:19

“A tingbouŋ din boonte ki teen yann. Ŋaan mɔtana li saa waab nan binba jent na karuwa. Ki binba teen a doi langbent na saa nyi ki fɔkit nana.

Aisaya 49:8

Yennu yet u niib a, “Yoo-i baar nan man tinni, n saa sommi, ki saa gbat i mɔnii nba jiin sommir po na. N saa guuri ki nyinni, ki i paak, n saa lor mɔlor nan nibooru kur. N saa te ki yin ŋamm kar i tiŋ nba dɔɔ yann na ni.

Aisaya 51:12

Ki Yennu yet a, “Mine kɔɔnta paŋ. Bee ki a tiin nisaarik nba saa kpo na, nisaarik nba ki yukii nan mɔɔt nba ki yukii na?

Aisaya 52:9

Yimm Jerusalem langbent, ii hoot parpeenn po man. Yennu saa tinn u doo, ki maan u niib para.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Aisaya 65:18

Ii mɔk parpeenn kii kpamm, linba ki n nan na paak yaayoo siiyoo. Jerusalem paann nba ki n naan na saa gbee nan kpinkpammuko, ki u niib sii mɔk parpeenn.

Jeremaya 31:25

N saa maan binba bak na gbanu, ki bia gboon wunba ki kon baŋɔ.

Esekiel 28:13

A din kɔɔ Edenn-e, Yennu tilontii kpaab na niŋ, ki lia tanbinyinyira booru nba fan, ki li daauk paar, ki kokin li kur salima, ki bi nan li kur, ki li guua daar nba ni ki bi din mara na.

Esekiel 36:11

N saa te ki i niib nan bonkobit n pɔt, ki niib nba sii be sii yab gar niib nba tuu teewa. Ki i sii mɔk waas bonchiann, ki n saa te yin kɔɔ kar siaminba ki i tuu be na, ki te yin ŋamm mɔkit. Ki i ji saa bann nan mine tee Yennu.

Esekiel 36:35

Ki sɔɔ kur saa pak a tiŋ nba din tuu tee langbent nae ji tan naan nan Edenn kpaab, ki doi nba siab din yeer, ki jii li mɔkint, ŋaan nyikir langbent na, bi ŋamm maar, ki li mɔk paŋ, ki niib kɔɔ leŋ.

Joel 2:3

Ki bi dii bonbuburit na nan muu nba tuu di biaŋinba na. Ki bi tɔɔnn po, bonbuburit na ŋan nan Edenn kpaab na, ŋaan baa gar sian tee tanbiinsaarik, ki siar ki biar leŋi.

1 Piita 1:8

I ki mi lau ŋaan loonɔ; i bia ki laatɔ mɔtana, ŋaan teenɔ yada, ki mɔk parpeenn bonchiann nba ki nirɔ kan fit wann laa tee biaŋinba.