Aisaya 51:20 - Yennu Gbouŋ Mɔɔr

²⁰ Sɔngɔnt boor kur, gbananchɔkinte tuu te ki a niib n baa, bi tee nan waarɔ baruk nba tuu soor piarɔ nae. Yennu wutoor paŋ na gbatiba.

Aisaya 51:20 ပူးပေါင်းရင်းမြစ်များ

Aisaya 29:9

I-i tee bonliinii man. I-i tee jɔɔnii man. I daa nyu daan, ŋaan yib. I-i baantir man, ŋaan ki lemm daan.

Aisaya 40:30

Binba paan na gbaa baŋit, ki naasimm bakit,

Aisaya 49:26

N saa te ki binba dinti biak na n kpi bi leeb, ki nikpinu nan wutoor saa yibib, ki niib kur saa bann nan mine tee Yennu nba tinti ki nyinti yann. Bi saa bann nan mine tee Israel teeb Yennu nba mɔk paŋ.”

Aisaya 5:25

Yennu wutoor doo u niib paak, ki u tant u nuu a wun dat bi tuba. Kunkona nba fɔk na saa damm, ki binba kpo na gbanant saa biar dɔɔ sɔnii ni nan mɔɔt na. Ŋaan Yennu wutoor lek kan maaki, ki u nuu sii tian a lin dat niib tuba.

Aisaya 51:17

Jerusalem, fiit gɔɔn ni, kutir fiir. A nyuu tubdatu nyubitik nba ki Yennu wutoor doo ki u tura, a fan nyu nawa. A nyuur, ki li sike, ki te ki a tukintir.

Aisaya 51:21

Yimm Jerusalem teeb nba di wahala na, yimm nba tukintir nan i yib na,

Aisaya 66:15

Yennu saa baar nan muue, ki baar nan sajaperinn na, ki dat binba ki u wutoor doo bi paak na tuba.

Aisaya 8:21

Niib na saa lin yirib muuk ni, ki sii kaa dindann, ki kon sii mɔkib. Baa sii be kon nan wutoor ni na, bi saa mɔ Yennu nan bi kpanbar mɔtont. Bi saa gokit got sanpaapo,

Jeremaya 14:16

Binba ki bi pak maan na ki turib na mun bia saa kpo li sɔnu nie. Ki bi saa lu bi gbanant Jerusalem sɔnjot ni, ki sɔɔ sii kaa ki saa piibi. Linba na saa tun ki tur bi kur nan bi poob nan bi bonjai nan bi bonpoi. N saa te ki bin pa bi toonbiit paaka.”

Jeremaya 14:18

Mi-i kɔɔ muuk, n tuu la jab nba ki bi kpiib tɔb ni na gbanante, ki mi-i saan doi ni, man la ki niib kpenn kon. Yennu sɔkiniinba nan mannteeb na tuun toona, ŋaan bi ki mi baa tuun linba.”

Fabinii 1:15

“Yennu laa n kunkɔnkɔnwakita nba ki n mɔk nae; u te ki kunkɔnkɔnna baar kpii n naasinpaauŋ nawa. U mat n niib na ki li tee nan daan tilɔɔna nba ki bi ŋmaan ki nyint nyun nae.

Fabinii 1:19

“Ki n tun yiin n yɔɔsnba, ŋaan ki bi yêt ki ki sommin. Ki mannteeb nan tɔɔndamm kpenn doo na sɔnjot ni, ki loon jeet a bin di ki foor bi mɔŋ.

Fabinii 2:19

A tuu fiir nyiɔk kur kii fabin kii teen Yennu. A loot a par, ki barimɔ ki wuu mɔk ninbatinu a waas nba kpenn kon sɔnjot ni lokir kur po na paak.

Fabinii 4:11

Yennu wutoor mantik doo Sayɔnn doo paake, ki u joor muu ki li dii boont.

Fabinii 4:2

Sayɔnn naasimm na tuu mɔk nyɔɔt nan salima nae ki turit, ki mɔtana ki bi ji diab nan yɔkboba na.

Fabinii 5:13

ki mukis ti naasimm na, ki bi naan dii, ki li tee nan bi tee daabae na, ki bonjabis na lin jikin dakpiata nba gar bi paŋ terik.

Esekiel 12:13

Ki n saa pii baruk ki soorɔ, ki ji jiiu ki saan nanɔ Babilonn doo ni. Leŋe ki u sa saa kpo, ŋaan kan la doo maŋ.

Esekiel 17:20

N saa pii baruko ki soorɔ, ki baar nanɔ Babilonn, ki dat u tubir, waa ki dia u mɔlor na paak.

Esekiel 39:19

Mi-i taŋi kpii niib na, ki li tee nan maruŋ na yoo nba, nɔɔnii nan bonkobit tan saa ŋman kpapana, ki bia nyu sɔn, nan baa tan saa gboo.

Sennu 14:5

nan piarii booru booru.

Sennu 28:20

“Li-i tee ki i tuun bonbiir ŋaan yêt Yennu sennu, u saa baar nan parbiir i paak, nan kpikpiruk nan daamuk linba ki i tuun kur ni tee-e nan i kur nba tan saa boont.

Fiitu 14:10

li daanɔ saa la Yennu wutoor nba tee nan dapaarin nba ki u kpaar daŋmanbaŋ ni na. Li daanɔ bia tan saa la biak, muu nba di nan sarwuuta na ni, Yennu malakanba nan Pegann na tɔɔnn po.