Aisaya 51:17 - Yennu Gbouŋ Mɔɔr

¹⁷ Jerusalem, fiit gɔɔn ni, kutir fiir. A nyuu tubdatu nyubitik nba ki Yennu wutoor doo ki u tura, a fan nyu nawa. A nyuur, ki li sike, ki te ki a tukintir.

Aisaya 51:17 ပူးပေါင်းရင်းမြစ်များ

JOB labaar 21:20

Ŋaant ki toonbiit damm na n gaar bi mɔŋ tubdatu; ŋaant ki bin la Yabint Yennu wutoor tonu.

Yaŋ 11:6

U sikint mupeenu nan sarwuuta nitont paak. U daar bi tuba nan wartouŋ nba koot bona nae.

Yaŋ 60:3

A te ki a niib dii fara bonchiann ki te ki ti ŋmaan gbeŋit nan ti yib daan na.

Yaŋ 60:5

A tinnit nan a paŋ, ki turit gatu, ki lin te binba ki a lomm na n la woruku.

Yaŋ 75:10

U saa pot nɔɔnbiit damm paŋ, ŋaan pukin kasii damm yar.

Yaŋ 75:8

Yennu dia nyubitike, ki li gbee nan daamii nba tee u wutoor, ki u kpaan mɔ, ki tingbouŋ na nɔɔnbiit damm nyu; bi nyuu li kur ki gbenn.

Aisaya 29:9

I-i tee bonliinii man. I-i tee jɔɔnii man. I daa nyu daan, ŋaan yib. I-i baantir man, ŋaan ki lemm daan.

Aisaya 40:2

Turin Jerusalem teeb na parcheenn. Pakimm nan bi dii fara ki li yukir jaŋa, ki mɔtana bi biit la nyikinchaba. N dat bi tuba bi biit kur paaka.”

Aisaya 51:21

Yimm Jerusalem teeb nba di wahala na, yimm nba tukintir nan i yib na,

Aisaya 51:22

i Yomdaanɔ Yennu kɔn i paak ki yeen a, “N jikit nyubitik nba ki n bo be wutoor ni ki n turi nae, ki yaatir nann. I ji kan ban nyu daan nba te ki i tukintir na.

Aisaya 51:9

Yennu, fiit ki sommit. Jiin a yiikoo na ki tinnit, ki tun a yiikoo toonn nan faa din tun yaayoo ni biaŋinba na. Fine din gbat Ijipt nba tuu naan mɔkir ni bonkob-paaruk na burii burii.

Aisaya 52:1

Jerusalem, a ŋamm kii mɔk paŋ kii paar. Yennu kasii digbann, a lia baakir. Binba ki mi Yennu ki bia ki yeen na ji kan ban kɔɔ a ni.

Aisaya 63:6

N wutoor nie ki n ŋmaa digbanmuna ki matib. N kpaar bi manfoor sɔme ki mɔɔn.”

Jeremaya 13:13

Li poor po, fan pakib nan min Yennu loon man gboon tiŋ na ni nirɔ kur daame nan baa tan saa yib, li kpanbara nba tee Defid yaaboona na, nan mannteeb, nan n sɔkiniinba, nan Jerusalem niib kur.

Jeremaya 25:18

Ki n te Jerusalem nan Juda doi kur, nan li kpanbara nan tɔɔndamm na nyuu daŋmaŋ maŋ ni, a doi na n kpant langbent nba mɔk jaŋmaansooruk, ki niib-ii dia bi sann kii poor mɔpora, nan laa tee mɔtana.

Jeremaya 25:27

Ŋanne ki Yennu pakin a, “Pakin niib na nan min Yabint Daanɔ nba tee Israel teeb Yennu na teemm sennu nan bin nyur nan baa tan saa yib ki sii, ki baa tiŋ ni ki gbar fiiru, kimaan tɔb nba ki n baat nann bi paak na.

Jeremaya 44:6

Ŋanne te ki n mɔɔn n wutochiɔŋ Jerusalem nan Juda dolia ni, ki joo doi maŋ muu. Doi na din kpant langbente, ki tee jaŋmaansooruk boor nan dinna.

Sekaria 12:2

“N saa te ki Jerusalem-ii tee nan daan nae, ki booru nba kpiau na saa nyu, kii taŋii tee nan jab nba tuu yib na. Ki bi-i lek Jerusalem yoo nba, bi bia saa lek Juda digbana nba tenn na.

Matiu 20:22

Yiisa din bet Jeems nan Jɔɔnn a, “I ki mi yaa mei linba. I saa fit jii jik-kpiatir nba ki n yaa n jii nawa-a?” Ki bi jiin a “Ti saa fita.”

1 Korint teeb 15:34

Ŋaant ki i yan n jen, ki ji daa tuun toonbiiti. I siab ki mi Yennu; ŋanne ki n sɔbin na ki yaa n dinni fei.

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a: “Fin nba gɔɔnt, fan fiir gɔɔn ni, ki fiir kuun ni, ki Masia saa tura u yentu.”

Sennu 28:28

Yennu saa te ki i yura n labir, u saa te yin jɔɔn, ki bia ŋmat i dudukit.

Sennu 28:34

I nabsuk saa te ki i yura n labr.

Fiitu 14:10

li daanɔ saa la Yennu wutoor nba tee nan dapaarin nba ki u kpaar daŋmanbaŋ ni na. Li daanɔ bia tan saa la biak, muu nba di nan sarwuuta na ni, Yennu malakanba nan Pegann na tɔɔnn po.

Fiitu 16:19

Ki dogbeŋir na bɔkit taar muntaa, ki nibooru kur digbana baa, kimaan Yennu-e tiar dogbeŋir Babilonn maŋ niib na biit po, ki u wutogbeŋir nba doo bi paak biaŋinba na, ki u dat bi tuba bonbiir.

Fiitu 18:6

Tɔn, bin mun tun ki jiinɔ nan waa tuu tuun biaŋinba na, ki pau u biit pann taar munlee, ki dat u tubir bonbiir, kimaan u te ki niib tun toonbiit bonchiann.

Barbuura 5:12

Fiit, Deboora, fiit. Fiit ki yin yaŋ. Fiit Barak, wunba tee Abinoam bija na, ki jii binba ki a nyannib.