Aisaya 51:10 - Yennu Gbouŋ Mɔɔr

¹⁰ Fine bia din te ki mɔkgbeŋir fɔɔr, ki faa sɔnu mɔkgbeŋir maŋ ni, a binba ki a tinnib na n fit poot.

Aisaya 51:10 ပူးပေါင်းရင်းမြစ်များ

Yaŋ 106:10

U din nyinnib binba ki loomm na nuu nie, ki fatib bi datai maŋ nuu ni.

Yaŋ 106:9

U din yet Mɔkmuŋ na, ki li fɔɔr; ki u poon u niib tinkooŋ paak.

Yaŋ 74:13

ki jii a panchiɔŋ ki te mɔkgbeŋir bɔkit, ki faa yeer bonsusoot nba be nyun ni na yura.

Yaŋ 77:19

Ki a somm gaar nyunpana ni, ki tɔkin poot mɔkgbeŋir, ŋaan sɔɔ ki laat a taaboota.

Nyinu 14:29

Ki sɔɔ Israel teeb na ŋarin somm tinkooŋ ki poota, ki nyunjoona be gaŋ nan diitu kur po.

Nyinu 15:13

A dia a mɔsonn, ki gar a niib nba ki a fatib na tɔɔnn. A jii a paŋe ki saan namm a kasii tiŋ na ni.

Aisaya 11:15

Yennu saa te ki Sues mɔkgbeŋir n fɔɔr, ki bia baar nan wontouŋ ki lin fɔɔr Yufrates mɔkir, ki kpenbis ŋanlore-e saa tenn, ki sɔɔ kur saa fit somm poot.

Aisaya 11:16

Sɔnjar saa nyi Asiria ki tur u niib nba tee Israel teeb ki tinn leŋ na, nan laa din tun biaŋinba ki tur bi yeejamm, yoo nba ki bi din nyii Ijipt na.

Aisaya 35:10

Bi saa baar Jerusalem nan kpinkpammuko, ki yiin ki hoot nan parpeenn. Bi sii yɔɔ be parpeenn nie, ki nyi parbiir nan yanyêtuk ni yaayoo siiyoo.

Aisaya 35:8

Sɔnjar sii be leŋ ki li sann tee, “Kasii Sɔnu.” Biit daanɔ kan ban tɔkin sɔnu maŋi, ki jatit kan turin binba tɔk sɔnu maŋi.

Aisaya 35:9

Yanbɔra sii kaa leŋ, bonkob-biiuk kan tɔkin sɔnu maŋ. Binba ki Yennu tinnib nae saa tɔkin sɔnu maŋ ki kun.

Aisaya 42:15

N saa biir kunkona nan jɔɔt, ki te mɔɔt nan tiinii kur n koor. N saa kpint mɔka ki teenir kunkoot, ki te nyundɔɔna kur n fɔɔr.

Aisaya 43:16

Sianyoo Yennu din teen sɔnjouk ki gaan mɔkgbeŋir ni, ki faa sɔnu ki gaan nyunpubirkan ni,

Aisaya 50:2

“Bee ki n niib yêt bin gbiint, yoo nba ki n baar bi boor maa n tinnib na? Bee ki bi yêt gatu, yoo nba ki n yiinib na? N ki mɔk paŋ nba saa tinnibe-e? N saa fit yet maan ki mɔkgbeŋir n fɔɔr, ki mɔka n kpant kunkoot, ki li janii na n kpo nyunkon.

Aisaya 62:12

I sann sii tee “Yennu kasii niib,” nan “Niib nba ki Yennu tinnib.” Jerusalem sann sii tee “Doo nba ki Yennu loon,” nan “Doo nba ki Yennu ki yêtir.”

Aisaya 63:9

bi biak dinu kur ni. Li din ki tee malaka kaa, ŋaan Yennu tiɔŋo din tinn u niib. U lomm nan u ninkpabauŋ paak ki u nyinnib. Yoo nba gar, u yɔɔ goriib,

Maika 7:15

Yennu, tumin bakitnauŋ toona ki turit, nan faa din tun biaŋinba Ijipt, daa nba ni ki a din nyinnit na.

Sekaria 10:11

Yoo nba ki bi be bi daamii mɔkir ni na, min Yennu saa soor li nyunjiinu na, ki Nail nyun sunsuŋ na saa fɔɔr. Asiria teeb karinbaanii na saa maak, ki Ijipt teeb paŋ na saa gbenn.