Aisaya 51:1 - Yennu Gbouŋ Mɔɔr

¹ Ki Yennu yet a, “Gbiintir man, yimm nba loon tinnu na, yimm nba baat n boor ki loon sommir na. Dukint yaa din nyii tann nba ni na po, ki dukin baa din gbiir ki nyinni tanpiiuk nba ni na po.

Aisaya 51:1 ပူးပေါင်းရင်းမြစ်များ

2 Barkperii 15:2

ki u chet kpanbar Asa, ki yetɔ a, “Kpanbar Asa, nan yimm Juda teeb, nan Benjaminn teeb kur, gbiintir man. Li-i tee ki i be nan Yennu, u mun sii be nani. Li-i tee ki i loonɔ, u saa te ki yin lau, ŋaan li-i tee ki i yêtɔ, u saa ŋaaiwa.

2 Barkperii 15:4

Ŋaan yoo nba ki daamii tan baarib, bi din tuu ŋmante ki kpaan ŋamm Israel teeb Yomdaanɔ Yennu, ki lau.

Yaŋ 24:6

Li niboorue tee binba jiantir Yennu, wunba ki Jakɔb mun din jiantir na.

Yaŋ 94:15

Barmɔnii saa ŋamm kii be buut damm boor, ki binba tee kasii na kur saa gaarir.

Barjokit 15:9

Yennu ki loon toonbiit damm sɔnu nba ki bi tɔk na, ŋaan loon binba tuun linba took na.

Barjokit 21:21

Ii mɔk lomm nan yentinu, ki a manfoor saa fɔkit, ŋanne ki a leeb saa tura baakir ki bia dia-a fanu.

Aisaya 45:19

N ki bɔr pak kaa, koo n ki bɔr n lora. N ki yet a Israel teeb n lomin yann boori. N tee Yennu-e ki piak barmɔnii, ki fiitir linba took ki want.”

Aisaya 48:1

Israel teeb, gbiintir na man, yimm nba tee Juda yaaboona na. I poor Yennu sann nie, ki want nan i waa Israel teeb Yennu na, ŋaan i ki fiin mɔbona nba ki i piak na po,

Aisaya 48:12

Yennu din yet a, “Gbiintir man, yimm Israel teeb nba ki n yiini na. Mine tee Yennu, ki tee piinu nan joontu, ki tee Yen-yemmir.

Aisaya 51:4

“Gbiintir turin man, n niib, gbiintir linba ki n piak. N teen digbana n tumiiu, n sennu na saa turib yentu.

Aisaya 51:7

“Gbiintir turin man, yimm nba mi linba ŋan, ki tee binba jii n tumiiu ki teen bi para ni. I daa tiin jaŋmaanii, li-i tee ki niib yisimi ki sukii-i.

Aisaya 55:6

Jenin Yennu boor, ki miarɔ yoo nba ki u naak na.

Aisaya 65:10

Bi sii jiantirin, ki tuu saan nan bi pei nan nei Saronn paanu ni, yonbaa po, ki bin ŋman mɔɔt, ki bia saan yondo po, Daamii Baauk na ni.

Amos 5:6

Saant Yennu boor, ki i saa la manfoor. Li-i tee ki i ki saan u boori, u saa sik yimm Israel teeb paak nan muu nae, ki bia di Betel teeb, ki sɔɔ sii kaa ki saa kpeeniri.

Sefania 2:3

Jenin man Yennu boor, yimm nba tee sikin-n-mɔŋ damm ki be tiŋ maŋ ni kura, ki sak u sennu na. Ii tuun linba took, ki sikin i mɔŋ Yennu boor. Li ki gar yimm n tan nyi tubdatu ni, daar nba ki Yennu saa wann u wutoor na.

Matiu 5:6

“Binba ninbina mɔn ki bi para lakib nan Yennu toona, parpeenn tee bi yare, kimaan Yennu saa gboomm bi para nba lakib linba paaka.

Matiu 6:33

Ŋaant man ki i baka-ii be Yennu naan ni nan yentinu labaar ni, ki u saa jii bona nba na kur ki turi.

Rom Teeb 10:3

Bi ki mi sɔnu nba te ki Yennu yet a niib tee niŋamm u boor, ŋaan loon bi mɔŋ sɔnu, ki li paak, bi ki jii bi mɔŋ ki lor nan Yennu sɔnu na.

Rom Teeb 14:19

Li paak, ŋaant man ki tin yabir ki tun linba baat nan parmaasir, nan linba saa somm ti leeb.

Filipi teeb 3:13

N naa waas, n ki dukii a n poŋ nyannir ki li tee n yari, ŋaan bonyennkɔɔe ki n tuun, n tammit linba be n poorpoe, ŋaan gbaa maa n baar linba be n tɔɔnn po na.

1 Timoti 6:11

Tɔn, fin Timoti nba tee Yennu nirɔ na ŋarin, li ŋan ki a dɔŋ nyi linba na kura ni, ŋaan yabir kii be fanu, kii mɔk yentinbinbeŋ, kii tuun Yennu toona fanu, kii loon niib, kii mɔk sukuru, kii be soon nna.

2 Timoti 2:22

Nyint a mɔŋ nipaauŋ nianbiiuk na ni, ŋaan kot ki fin nan binba para yeen ki bi yi ti Yomdaanɔ ki loon sommir na n wei yentinu sɔnu, nan yada sɔnu, nan lomm sɔnu, nan parmaasir sɔnu.

Hiibru teeb 12:14

Yabit kii mɔk parmaasir i leeb sinsuuk ni, kii mɔk binben-yeeŋ, kimaan sɔɔ-i kii mɔk ŋann, li yɔɔ tan kan la ti Yomdaanɔ.