Aisaya 5:13 - Yennu Gbouŋ Mɔɔr

¹³ Li paak, bi saa teeni yommiie ki saan nani digbangann ni. Kome saa kpi i tɔɔndamm, ki nyunnyukuru n kpi nileeb na.

Aisaya 5:13 ပူးပေါင်းရင်းမြစ်များ

2 Kpanbara 17:6

ki li tee Hosea naan bina ŋanyia ni, ki Asiria kpanbar Salmaneser nyann Samaria, ki soor Israel teeb na ki teenib yommii, ki kun namm Asiria yent ni, ki saa kaan siab Hala doo ni, ki kaan siab ki kpian Habor mɔkir ki li be Gosann yent ni, ki kaan leeb Media doi ni.

Barjokit 10:21

Niŋanɔ mɔbona saa tur niib bonchiann nyɔɔt, ŋaan a mɔŋ liinsin saa fit kpia.

Aisaya 1:3

Nei mi bi daanɔ, ki bonii mi siaminba ki bi daanɔ dintib. Linba na gar n niib Israel teeb nba mi linbawa. Bi ki bant maan paaki.”

Aisaya 1:7

Bi biir i digbann, ki joo i doi muuwa. I goriie ki boorganu niib yent i tiŋ, ki bont kur teen yann.

Aisaya 23:9

Yabint Yennu-e lor linba na. U lor nna a wun boon bi parbifaant nba ki bi mɔk bi toona ni nae, ki dinn bi jab nba ki bi baakitib na fei.

Aisaya 27:11

Tiinii na yiinii koore ki kɔnn baa, ki poob tɔkii ki kuunt. Niib na nba ki bann siar na, Yennu nba tee bi nantɔɔ na kii mɔk ninmaanii, koo ki timm ninbaauku.

Aisaya 3:1

Tɔn, ti Yomdaanɔ Yabint Yennu yaa wun nyinn bont kur nan nisaarik kur nba ki niib gaa bi paak nae, Jerusalem doo ni, nan Juda tiŋ ni. U yaa wun nyik bi jeet nan bi nyun turue,

Aisaya 3:3

nan bi kunkɔnkɔnna saakab, nan bi saakaleeb, nan bi kpaanteeb, nan binba kur dia nyɔkii ki ŋmakitir bona na.

Aisaya 44:19

Wunba naan pata na ki mɔk yan nba ki u saa yet a, “Daat maŋ yenn nbae ki n joo muu na. N pur boroboro nan nant li muu nie, ki ŋman, ŋaan tont daat nba tenn na ki nan patir, mɔtana n ji jiantir daat maŋe.”

Aisaya 49:21

Li yoo na, a saa yet a mɔŋ a, ‘Ŋmee mar waas na kur ki turimi? N din kɔŋ n waas, ki ji din ki fit mar waasi. Bi din ber ki nyinnin ki teenin yommik. Ŋmee wubir waas na? N din biar n kɔɔe, ki waas na nyii lee?’ ”

Aisaya 65:13

Ki n beeri nan binba jiantirin ki saak n mɔb na sii mɔk bonchiann ki di ki nyu, ŋaan yimm n sii be kon nan nyunnyukurue. Bi sii mɔk parpeenne, ŋaan ki yimm di fei.

Jeremaya 14:18

Mi-i kɔɔ muuk, n tuu la jab nba ki bi kpiib tɔb ni na gbanante, ki mi-i saan doi ni, man la ki niib kpenn kon. Yennu sɔkiniinba nan mannteeb na tuun toona, ŋaan bi ki mi baa tuun linba.”

Jeremaya 14:3

Mɔkita na tun bi daabae nyun po, ki bi saan bunbuna boor, ŋaan bi ki la nyun, ki ŋmat jen nan sɔkoona. Bi yan ŋmate, ki bi ŋaa tama, ki bɔri bi numpo.

Jeremaya 8:7

Barŋmaauŋ gbaa mi yoo nba jaŋ nan u ŋmatu, ki pinpara nan silaantoont nan naakpaapeenii mi yoo nba tee bin yaat ki lee doo, ŋaan yimm n niib ki mi sennii nba ni ki n diai.

Fabinii 4:9

Binba din kpo tɔb ni na yar din sɔ ki gar binba din ki laat jeet ki fɔi, ki tan kpenn kon li poor po na.

Esekiel 7:12

Yoo baate, ki daar nakin ki tee yoo nba bona kɔiu nan li daanu ji kii mɔk nyɔɔt, kimaan Yennu tubdatu na saa baa sɔɔ kur paaka.

Hosea 4:6

N niib na nba ki min na, li biiribe, kimaan yimm mannteeb na yêt yin bannin, ki bia yêt n wannu na dianuwa, li paak, n mun saa yêti, ki bia kii fiin i bonjai na po nan bi tee n mannteebi.

Amos 8:13

Ki daar maŋ ni, li naasinpaara nan sapaanfanii gbaa, nyunnyukuru saa te ki bin fib.

Barŋanii nba ki LUK din sɔb nae na 19:44

ki libit i kur nan tiŋ ki kpi-i perrr. Bi tan saa biir i ŋei maŋe chain, ki tangbiinn gbaa kan tenni. Mukisuk na kur tan saa tun, kimaan yaa ki bann Yennu tinnu yoo na paak.”

Rom Teeb 1:28

Nisaarii nba din ki loon bin bann Yennu na, li paake ki Yennu nyikib nan bi dudukbiit, ki bi tuun toona nba bi bonchiann.

2 Piita 3:5

Li nibooru ki saak bin tiar nan Yennu din yet mɔmaame ki nan sanpaak nan tiŋ yaayoo ni, ki nyinn tiŋ na nyun ni, ki te ki li be nyun na sinsuuk ni,