Aisaya 5:1 - Yennu Gbouŋ Mɔɔr

¹ Gbiintir ki man yin yaŋ na ki tura. Yaŋ maŋ jiin n yɔɔk nan u daan tiinii kpaab poe. N yɔɔk mɔk daan tiinii kpaab, kunkonn nba kpai paak.

Aisaya 5:1 ပူးပေါင်းရင်းမြစ်များ

Yaŋ 101:1

Yennu, n yaŋ jiin a lomm nan a barmɔnii binbeŋ poe, ki n yiin ki teena.

Yaŋ 45:1

Mɔbonŋanae gbee n yur, ki n yin yaŋ na ki tur kpanbar, ki li tee nan sɔbtɔŋanɔ sɔbinii na. Ki n lamm teen siir nan lin yin.

Yaŋ 60:5

A tinnit nan a paŋ, ki turit gatu, ki lin te binba ki a lomm na n la woruku.

Yaŋ 80:8

A nyii nan tiik nyakir Ijipt tiŋ nie, ki ber digbanlia, ki nyinnib, ŋaan bur nyakir maŋ bi tiŋ ni.

Yankpaŋii 2:16

Mine yen n yɔɔk, ki u mun yenin. N yɔɔk kpaar u pei titubira na ni.

Yankpaŋii 5:16

Ki u mɔgbana na mɔɔtu man; ki u gbanant kur po ŋan. Jerusalem poob, n yɔɔk nba naan biaŋinbae na.

Yankpaŋii 5:2

N dɔɔr gɔɔne, ki damii damiit, ki li damiit ni ki n yɔɔk koon n tammɔb. N yɔɔk, ŋaant man kɔɔ. N pooloŋir, a tee nan ŋmann nae n boor. Marin borik n yura, ki n yut borik nan sinsamiin.

Yankpaŋii 6:3

Mine yen n yɔɔk, ki u mun yenin; u kpaar u pei titubira na nie.

Jeremaya 12:10

Digbangana yent damm bonchiann biir n daan tiinii kpaaba, bi ŋmaa n kpaant ki biirir, ki kpint n tinŋaŋ na ki teenir kunkoouk.

Jeremaya 2:21

N burae, ki a tee nan daan tiik nba ŋan, ki nyii bin nba ŋan ni na, ŋaan gotir faa ji tan tee biaŋinba na. A ji tee daan tiik nba loon lɔɔnbiite.

Esekiel 15:2

“Nisaarik, li-i tee ki bi pɔɔr daan tiik lɔɔna ki gbenni, bee tuu teen tiik na? Li ki tee nan tilia nba be muuk ni na,

Esekiel 19:10

“I naa din tee nan daan tilontik nba ki bi burɔ kpengbiɔŋ nae. Nyunchiɔŋ nba be leŋ na paak, ki li te tiik na yiinii gbee nan lɔɔna.

Hosea 10:1

Israel teeb tuu tee nan daan tilontii nba gbee nan lɔɔna nae. Baa mɔkitir ki pukii biaŋinba na, nnae ki bi bia maa yenbis binbinta ki pukii. Bi tiŋ nba naan jeet fanu biaŋinba na, nnae ki bi bia chaant tana, ki jiantir.

Matiu 21:33

Ki Yiisa bia betib a “Gbiintir man barjouk leer. Ŋaadaansɔɔ nnae din be ki koo tilontii kpaab, ki chaan gungouŋ ki lintir, ki bia gbiir gbiouk nba ki bi tuu sii ŋmakii tiinii maŋ lɔɔna nyun leŋ, ki maa difoouk a wuu guu tiinii na; ki jii kpaab na ki teen toontunna nii ni a bii gorii. A li-i taŋi jaŋ nan pɔɔru, bin pɔɔr ki turɔ, ŋaan mun pɔɔr bi yar. Li poorpo ki u yaat saan digbansiar.

Barŋanii nba ki MAK din sɔb nae na 12:1

Li yoo ki Yiisa yimm barjouk a “Jasɔɔ din koo tilontii kpaab, ki chaan gungouŋ lintir, ki gbiir gbiouk nba ki bi tuu sii ŋmakii tiinii maŋ lɔɔna nyun leŋ; ki bia maa difoouk a wuu guu tiinii na; ki jii kpaab na ki teen toontunna nii ni a bii gorii. Li-i taŋi jaŋ nan pɔɔru, bin pɔɔr ki turɔ, ŋaan mun pɔɔr bi yar. Li poorpoe, ki u din yaat saan digbansiar.

Barŋanii nba ki LUK din sɔb nae na 20:9

Li yoo na ki Yiisa yin niib na barjouk a, “Jasɔɔ din koo tilontii kpaab, ki jii kpaab na ki teen toontunna nii ni a bii gorii, ki tan yaat saan siar po ki saa yukir.

Jɔɔnn 15:1

Yiisa din yet a, “Mine tee tilontik nan mɔnii, ki n Baa Yennu tee li ŋammtɔɔ;

Sennu 8:10

I tan saa di gboo, ki tur i Yomdaanɔ Yennu niipoouk nan tinkpiasir nba ki u turi na.

Sennu 8:7

kimaan u kɔɔnti tinŋaŋ nie, tiŋ nba mɔk nyuntona nan kpenii, nan mɔktona ki li puub saa baat nan kunkona nyaka ni,