Aisaya 49:18 - Yennu Gbouŋ Mɔɔr

¹⁸ Gotir lint ki la linba tuun na. A niib na lakinte ki kpent. Barmɔnii nan maa tee Yennu nba fo na, a sii mɔk parbifaant a niib paak, nan pooyookir nba tuu mɔk parbifaant u salinbana paak nae.

Aisaya 49:18 ပူးပေါင်းရင်းမြစ်များ

Pinpiik 13:14

Lot nba yaat, li poorpo ki Yennu pak Abram a, “Jiantir got tɔɔnn, nan poor, nan gaŋ, nan diitu.

Pinpiik 22:16

“N por nan n mɔŋa nan n saa teen piisin bonchiann a paak, kimaan faa tun linba, ki ki minnin a biyemmir na paak,

Barjokit 17:6

Nikpera mɔk parbifaant bi yaaboona paak, nan waas nba mɔk parbifaant bi baanba paak biaŋinba nae.

Aisaya 45:23

N mɔsonn tee barmɔniie, ki kan lebiti. N senn mɔsonne ki turib nan n kpan tee maa tee wunbae, a nisaarik kur saa baar ki gbaan n boor ki por senn nan u sii waan.

Aisaya 49:12

N niib saa nyi banfɔka ki baar. Bi saa nyi gaŋ po nan yondo po nan Asuann nba be diitu po na.”

Aisaya 49:22

Yabint Yennu yet u niib a, “N saa tur digbana nyinn, ki bi saa kunn i waas.

Aisaya 52:1

Jerusalem, a ŋamm kii mɔk paŋ kii paar. Yennu kasii digbann, a lia baakir. Binba ki mi Yennu ki bia ki yeen na ji kan ban kɔɔ a ni.

Aisaya 54:7

“Yoo waaminnae ki n nyika, ŋaan n saa ŋamm gaara nan lonchiɔŋo.

Aisaya 54:9

“Nowa yooewa ki n din senn mɔsonn nan n ji kan biir tingbouŋ na nan nyumi. Mɔtana n senn mɔsonn nan n ji kan ban donn wutoor a paak, n kan ban ŋmakita nan biak, koo ki dat a tubiri.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Aisaya 66:20

Bi saa nyi nan i tiŋ ni nileeb na kur digbana ki jen namm, ki bi sii tee piinii ki turin. Bi saa jakinib taanii nan bontaanii nan laagumiinba nan taantorit nan jika torite, ki jen namm Jerusalem, n kasii kunkonn paak, ki li sii tee nan Israel teeb nba tuu teen jeet piinii, bona nba yeen na ni, ki baar nann jiantu ŋasaakak ni biaŋinba na.

Jeremaya 2:32

Poopaaŋ tammit u salinbaŋ po-o, koo pooyookir tammit u chiann liant po-o? Ŋaan yimm n niib tamm n po ki li wei ki gar yoowa.

Jeremaya 31:8

N saa nyi namm gaŋ po ki baar namm, ki bia nyi namm tingbouŋ na kpinii kur po ki baar namm. Jɔɔnii nan dianii saa weib ki baar, ki podamm nan binba yaa bin mar kur saa baar. Bi saa jen ki tee digbanjaanne.

Jeremaya 43:12

N saa joo Ijipt tingbandiit muu, ki te Babilonn kpanbar n joo bi tingbana maŋ muu, koo wun jii ki yaat nann. Pekpaarik nba tuu nyinn naalianbiabii u tiat ni biaŋinba na, nnae ki Babilonn kpanbar saa nyinn Ijipt tiŋ ni bona kur ki yaat nan nyannu.

Esekiel 33:11

Min Yabint Yennu yet nan maa set be na, li ki manin, li-i tee ki n laat yanbɔndaanɔ kpenni, n bo sii loon ki wun nyik toonbiit tumue kii mɔk manfoor. Israel teeb, nyikin toonbiit nba ki i tuun na. Bee teen ki i loon yin kpo?

Nikant 14:21

ŋaan n por kat nan barmɔnii nan maa fo na, ki n yabint paŋ gbee tingbouŋ na na,

Jɔɔnn 4:35

“I tuu yaa li tenn ŋmaarii ŋannae nan bin jaan dii. Ŋaan n beerie, gotir kpaant man, jeet na poŋ teen siir nan jaamuwa.

Fiitu 21:2

Ki n la Yennu doo nba tee Jerusalem paann na, ki li nyii Yennu boor Yendɔuŋ ni, ki siik, ki tee nan pooyookir nba tuu teen siir ki faŋit u mɔŋ ki tookit jɔɔ nba yaa wun kɔɔnɔ na.

Fiitu 22:15

Ki bonbilankant damm, nan jabaabuura, nan bonchonchona, nan nikpiirit, nan patjiant-teeb, nan binba tee fai damm bi mɔmaan ni nan bi toona ni na, bi kur tan sii be doo maŋ nanyer poe.