Aisaya 49:16 - Yennu Gbouŋ Mɔɔr

¹⁶ Jerusalem, n kan ban tamm a po; n sɔb a sann n niipant nie.

Aisaya 49:16 ပူးပေါင်းရင်းမြစ်များ

Nyinu 13:9

Jaamm na dinu sii tee tiarime, ki tee nan bont nba sii pir i nii ni, koo ki taab i yugbia paak na, li tuu saa tiari ki yin yet ki bia tumii Yennu sennu, kimaan Yennu jii u panchiɔŋ nae ki nyinni Ijipt tiŋ ni.

Yankpaŋii 8:6

A daa jikit a par ki teen sɔɔ, see min kuukɔɔ; a daa lor sɔɔ see min kuukɔɔ. Lomm mantik paar ki tee nan kuun nae; ki niɔŋ mɔk paŋ ki tee nan kuun mɔŋ nba tee biaŋinba na. Li tuu tan yit ki tee muyeruko, ki di nan muu nba tuu yabit ki di biaŋinba na.

Aisaya 26:1

Daar baate ki niib maŋ tan saa yin yaŋ na Juda tiŋ ni a: Ti doo mɔk paŋ. Yennu tiɔŋo guu li joona.

Aisaya 54:12

N saa jii tana nba mɔn, ki li daauk paar na, ki maa a ditɔɔtii, ki jii tana nba nyirii nan muu na, ki maa a tammɔi, ki jii tanbinyinyirlia nba ki li daauk paar na ki maa joonjouk nba saa linta.

Aisaya 60:18

Sɔɔ ji kan gbat jat fuuri, ki biiru ji kan ban bukir a tiŋi. N saa guura ki kɔn a paak nan joonjouk nae, ki a saa dontin, kimaan maa tinna na paak.

Aisaya 62:6

Jerusalem, n kaan guuteebe a joonjouk na paak. Yonnu nan nyiɔk kur bi ki tee saa ŋmini. Li tee bii tian Yennu u mɔsona na poe, ki daa te ki u tammiti.

Aisaya 62:7

Bi daa teenɔ yaak, see ki u tan fiin Jerusalem, ki teenir doo nba ki durinya kur saa pak dont.

Jeremaya 17:1

Yennu yet a, “Yimm Juda teeb, bi jii kut makmɔɔnue ki sɔb i biit, ki jii tanchincheenn ki sɔbir i para ni, nan i maruŋ binbinta lɔtii ni.

Jeremaya 22:24

Ki Yennu pak Juda kpanbar Jehoyachinn, wunba tee Jehoyakim bija na a, “Nan maa tee Yennu nba fo na, fi-i lekii bo tee dɔuk baŋ n niidiitu ni, ŋaan n bo saa pitae,

Hagai 2:23

Li daar maŋ, n saa jii fin, n toontunnɔ Serubabel, ki teena n niib diatɔɔ, ki a sii diab n sann ni. Fine tee daanɔ nba ki n gann.” Yabint Yennu-e pak na.