Aisaya 49:13 - Yennu Gbouŋ Mɔɔr

¹³ Sanpaak, ii yiin yaŋ. Tingbouŋ, ii hoot kii kpamm, ŋaant kunkona-ii yiin yanii. Yennu saa maan u niib para, u sii mɔk ninbatinu nan u niib nba di biak na.

Aisaya 49:13 ပူးပေါင်းရင်းမြစ်များ

1 Barkperii 16:31

Ii ŋaan ki sanpaak nan tiŋ-ii mɔk parpeenn, kii kpamm ki te niib na kur n yet a, “Yennu deen u naan kok paak.”

Yaŋ 148:9

Jɔjaana nan kunkona nan tilontii nan fɔɔr, ii dont Yennu man,

Yaŋ 65:13

ki bonkob-kpaaŋ na gbee nan pei, ki baat na mun gbee nan jeet; ki bona kur kpamm ki yiin yanii nan parpeenn.

Yaŋ 69:34

Sanpaak nan tingbouŋ nan mɔkgbeŋa, nan bonfoa nba kur be li ni, pak Yennu man,

Yaŋ 71:21

A saa te ki man teen nijaann ki gar maa bo teewa, ki a bia saa ŋamm ki maan n para.

Yaŋ 89:13

A kpinkpouŋ be nan yiikooe, ki a nuu mɔk paŋ, ki a diitu nuu be sanpaapo.

Aisaya 12:1

Yoo baat ki niib saa yin yaŋ a, “N dontira, Yennu. A wutoor bo doo n paake, ŋaan mɔtana a maan n para, ki a wutoor bia ji ki do.

Aisaya 14:1

Yennu bia tan sii mɔk ninbatinu nan u niib Israel teeb, ki saa ŋamm gannib ki teemm u niib. U saa te bin ŋamm kɔɔ bi tiŋ ni, ki boorganu saa baar kɔɔ namm.

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 48:20

Ii nyi Babilonn kii saa i yamani; Ii hoot nan parpeenn ki jiin barŋanii maŋ po, ki ŋaan sɔɔ kur n gbat siar kur boor a, “Yennu tinn u toontunna Israel teeba.”

Aisaya 49:14

Ŋaan ki Jerusalem teeb yet a, “Yennu nyɔr nyikita. U tamm ti powa.”

Aisaya 51:12

Ki Yennu yet a, “Mine kɔɔnta paŋ. Bee ki a tiin nisaarik nba saa kpo na, nisaarik nba ki yukii nan mɔɔt nba ki yukii na?

Aisaya 51:3

“N saa wann Jerusalem nan binba be langbent ni na, n ninkpabauŋ. U tiŋ nba lek tee tinkokirik na, ŋaan n saa teenir tinkpiasir, nan kpaab nba ki n din teen Edenn ni na. Parpeenn nan manu sii be leŋ, ki dontir nan niipoturu yanii sii yiin leŋ ki teenin.

Aisaya 52:9

Yimm Jerusalem langbent, ii hoot parpeenn po man. Yennu saa tinn u doo, ki maan u niib para.

Aisaya 54:7

“Yoo waaminnae ki n nyika, ŋaan n saa ŋamm gaara nan lonchiɔŋo.

Aisaya 54:8

Yoo waaminnae ki n donn wutoor ki nyika, ŋaan n saa wanna n lomm yaayoo siiyoo.” Yennu nba tinta nae pak linba na.

Aisaya 55:12

“I tan saa nyi Babilonn nan kpinkpammuko; ki nyi doo na ni nan parmaasir. Jɔɔt nan kunkona na tan sii yiin yanii, ki tiinii tan sii hoot nan kpinkpammuk.

Jeremaya 31:13

Ki sapaamm saa waa waak ki mɔk parpeenn, ki naasimm nan jakpera sii kpamm. N saa maan bi para, ki saa kpint bi mɔnii na ki teen kpinkpammuk, ki kpint bi parbiir ki teen parmaasir.

Jeremaya 51:48

Linba kur be tingbouŋ na paak nan sanpagbant ni saa hoot nan kpinkpammuk, yoo nba ki Babilonn saa kɔɔ jab nba nyii gaŋ po ki baar a bin biirir na nuu ni.

Esekiel 35:14

Ki Yabint Yennu ŋamm yet a, “N saa te ki yin mantik biar yann, ki lin te durinya kur-ii kpamm, yaa saa baa na paak,

Barŋanii nba ki LUK din sɔb nae na 15:10

Ki Yiisa bia yet a, “Ŋanne mun ki n beeri, li-i tee ki biitdaanyenɔ nyik u biit tumu, Yennu malakanba sii mɔk parpeenn ki jiin u po.”

2 Korint teeb 7:6

ŋaan Yennu nba maant binba mɔk parbiir para na daan te ki Taitus baar ti boor, ki tan maan ti parawa. U baaru ti boore daan te ki ti para maak.