Aisaya 49:11 - Yennu Gbouŋ Mɔɔr

¹¹ “N saa faa sɔnjar ki gaan kunkona paak, ki ŋamm sɔnu ki n niib n tɔkin.

Aisaya 49:11 ပူးပေါင်းရင်းမြစ်များ

Yaŋ 107:4

Siab din yirib kunkoouk na paake, ki sɔnu kaa, ki bi ki mi baa saa tɔkin siaminba ki baar doo ki kɔɔ.

Yaŋ 107:7

U din tɔkin namm sɔnsunsonne, ki saan namm doo nba ni ki bi sii be.

Aisaya 11:16

Sɔnjar saa nyi Asiria ki tur u niib nba tee Israel teeb ki tinn leŋ na, nan laa din tun biaŋinba ki tur bi yeejamm, yoo nba ki bi din nyii Ijipt na.

Aisaya 19:23

Li yoo-i baar, sɔnjar sii be ki nyi Ijipt ki saa Asiria. Li digbana ŋanlee niib sii somm kɔɔ bi leeb doi ni, ki digbana ŋanlee maŋ niib saa lakin jiant Yabint Yennu.

Aisaya 43:19

Ii gorii bonpaann nba ki n yaa man tun na. Li poŋ tuume, ki i saa fit lar mɔtana. N saa faa sɔnu ki gaan kunkoouk paak, ki turi kpenii nba mɔk nyun leŋ.

Aisaya 52:12

Yoo nba na, li ki tee i saa nyi kpirik kaa, i kii koor a yin mir boti. I Yomdaanɔ Yennu-e saa gar i tɔɔnn, ki guuri li munn po.

Aisaya 57:14

Ki Yennu ŋamm yet a, “Ŋaant ki n niib n ŋmat jen n boor. Bakint bonjarkar kur bi sɔnu ni, faan sɔnu ki teenir siir.

Aisaya 62:10

Jerusalem teeb, nyimin doo na ni man, ki faa sɔnu ki tur i niib nba jent na. Faan sɔnjar ki gbab tana. Ii teen dɔk ki digbana na n bann

Jɔɔnn 14:6

Ki Yiisa betɔ a, “Mine tee sɔnu na, ki bia tee mamɔmm, ki bia tee manfoor. Sɔɔ kaa ki saa baar n Baa Yennu boor, ki li ki tee ki u sint baarimi.