Aisaya 49:10 - Yennu Gbouŋ Mɔɔr

¹⁰ nyunnyukuru koo kon kan soorib. Yonnu nan tinkorik wɔruk kan teenib siar, kimaan wunba mɔk lomm namme saa gar bi tɔɔnn. U saa saan namm nyuntona boa.

Aisaya 49:10 ပူးပေါင်းရင်းမြစ်များ

Aisaya 14:1

Yennu bia tan sii mɔk ninbatinu nan u niib Israel teeb, ki saa ŋamm gannib ki teemm u niib. U saa te bin ŋamm kɔɔ bi tiŋ ni, ki boorganu saa baar kɔɔ namm.

Aisaya 25:4

Talas damm nan tarii chiar ki baar a boor, ki be bi yamani daamii yoo. Fine turib gungurboor sajakper yoo, ki bia turib maasu, wɔruk yoo. Nɔɔnbiit damm tuu lek nan wonpaaruk nae,

Aisaya 32:2

Bi tan sii tee nan wondɔkitir, koo satekitir nae. Bi sii tee nan kpenii nae ki puub kunkoouk paak, ki bia tee nan tinperik paak tanjagbouŋ yunyuŋ na.

Aisaya 33:16

Nnae ki a saa tinn ki be a yamani nan a be ŋapaaruk ni na. A sii mɔk jeet ki di, ki bia mɔk nyun ki nyu.

Aisaya 35:6

ki dianii sii yuuk ki mobit, ki waa waak, ki binba ki fit piak na saa hoot nan parpeenn. Nyun nan kpenii saa pubir kunkoouk paak;

Aisaya 35:7

ki tanbiintonii saa kpant mɔkir, ki tinkooŋ saa gbee nan nyuntona. Mɔbɔi nba tuu be sian na saa pia kaar nan gartuut.

Aisaya 4:6

Li saa bakin doo na ki lin nyi yonnu tonu ni, ki teenir parmaasir boor, ki lin nyi saak nan wouŋ biiru ni.

Aisaya 40:11

U saa got u pei na, nan u tee pekpaarik nae, ki taan pebis na ki diab u nii ni; u saa somm nan penaant na, nan sukuru.

Aisaya 41:17

“N niib nba tee tarii na kunkɔra-i koor, ki bi loon nyun yoo nba, min Yennu saa gat bi miaru. Min Israel teeb Yennu na kan ban nyɔr nyikibi.

Aisaya 43:19

Ii gorii bonpaann nba ki n yaa man tun na. Li poŋ tuume, ki i saa fit lar mɔtana. N saa faa sɔnu ki gaan kunkoouk paak, ki turi kpenii nba mɔk nyun leŋ.

Aisaya 48:17

Israel teeb kasii Yennu nba tinti na yet a, “Mine tee i Yomdaanɔ Yennu, ki loon man tumii-i, ki lii ŋan turi, ki wanni sɔnu nba ki i sii tɔkii.

Aisaya 48:21

Yennu nba din jii u niib ki gar namm wɔruk tinkorik paak na, ŋaan nyunnyukuru din ki soorib. U din te ki nyun nyii tanpiiuk ni, ki bi nyu; u din bɔkit tann nae, ki nyun nyii.

Aisaya 51:14

Li kan wei ki bi saa ŋaa dansarkɔɔra na yann. Ki bi manfoor saa fɔkit, ki bi sii di linba kur ki bi loon.

Aisaya 52:12

Yoo nba na, li ki tee i saa nyi kpirik kaa, i kii koor a yin mir boti. I Yomdaanɔ Yennu-e saa gar i tɔɔnn, ki guuri li munn po.

Aisaya 54:10

Jɔɔt nan kunkona-i lekii but but, ŋaan n lomm nba be a ni na kan ban gbenn; n sii yɔɔ dia mɔsonn nba ki n senn nan n saa tura parmaasir nae.” Yennu nba loona nae pak linba na.

Aisaya 54:8

Yoo waaminnae ki n donn wutoor ki nyika, ŋaan n saa wanna n lomm yaayoo siiyoo.” Yennu nba tinta nae pak linba na.

Aisaya 58:11

Ki n saa gar i tɔɔnn yoo kur, ki gboonti nan bonŋana. N saa turi paŋ nan laafia. I sii tee nan kpaab nba ki nyun be leŋ bonchiann nae, ki tee nan nyuntonn nba ki fɔɔt na.

Aisaya 65:13

Ki n beeri nan binba jiantirin ki saak n mɔb na sii mɔk bonchiann ki di ki nyu, ŋaan yimm n sii be kon nan nyunnyukurue. Bi sii mɔk parpeenne, ŋaan ki yimm di fei.

Jeremaya 31:9

N niib sii jent ki mɔe, ki mein yoo nba ki n kpent namm na. N saa saan namm kpenii nba mɔk nyun boor, ki tɔkin namm sɔnu nba kaa boota, ki bi kan gbiat. N tee nan baa nae ki tur Israel teeb, ki Efraim boorue tee n bijakper.”

Esekiel 34:23

N saa turib kpanbar, ki u sii tee nan n toontunnɔ Defid na, ki u sii tee bonkob-kpaarik yenɔkɔɔ, ki goriib.

Jona 4:8

Yonnu nba doo gbenn, ki Yennu te ki wouŋ nan wɔruk da nyii yondopo ki kɔɔu, ki te ki u gbanu toŋ bonchiann, ki u ji tee saa fib, kimaan yonnu nba mantik ton na. Jona poŋ din sun ki u kpoe man. Ŋanne ki u yet a, “Mi-i kpo-i sɔ maa be na.”

Maika 7:14

Yennu, i tee nan pekpaarik na, kii gorii a niib, niib nba ki a gannib na. Baa lek bɔkit ki kɔɔ kunkoouk paak na, ŋaan tinkpiasir be ki lintiba. Ŋaant ki bin saan kii di Basann nan Gilead tinkpiasir na ni, nan baa din tuu di sianyoo biaŋinba na.

Matiu 5:6

“Binba ninbina mɔn ki bi para lakib nan Yennu toona, parpeenn tee bi yare, kimaan Yennu saa gboomm bi para nba lakib linba paaka.

Jɔɔnn 6:35

Ki u betib a, “Mine tee manfoor jeet maŋ. Daanɔ nba baar n boor, kon kan mi soorɔ, ki wunba teenin yada, nyunnyukuru kan mi soorɔ.