Aisaya 49:1 - Yennu Gbouŋ Mɔɔr

¹ Yimm digbanbanfɔka damm, gbiintir man, yimm nba be banfɔka na. Bi din tan maarin na, ki sɔɔ Yennu gannin ki teenin u toontunnɔwa.

Aisaya 49:1 ပူးပေါင်းရင်းမြစ်များ

Yaŋ 22:10

N maa a paake daar nba ki n naa marin nawa, ki a tee n Yennu nba guun yoo kur.

Aisaya 11:11

Li daar-i baar, Yennu saa ŋamm jii u paŋ na ki jen nan u niib nba biar Asiria nan Ijipt nan Patros nan Sudann nan Elam nan Babilonn nan Hamaf tinii ni, nan mɔkgbiant nan nyun ni kunkona paak na, bi doi ni.

Aisaya 24:15

ki binba be yondo po na saa dont u sann. Niib nba kar kpia mɔkgbeŋir na saa dont Israel teeb Yomdaanɔ Yennu maŋ.

Aisaya 33:13

Ŋaant sɔɔ kur nba be banfɔkir, nan wunba naak n gbat linba ki n tun, ki bann n yiikoo nba tee.”

Aisaya 41:1

Yennu yet a, “Yimm digbanbanfɔka damm na, ii ŋmin man, ki gbiint turin. Ii teen siir ki saan nan i maan, barbuut boor, ki i saa la yaak ki pak. Ŋaant ki ti lakin taan ki la wunba mɔk mɔnii.

Aisaya 42:12

Ŋaant binba be digbanbanfɔka na n tur Yennu dontir nan baakir.

Aisaya 44:2

Mine tee Yennu nba nami, ki sommiti i maaru niwa. I daa tiin jaŋmaanii, i tee n toontunnae, ki tee niib nba ki n gann ki looni.

Aisaya 44:24

“Mine tee Yennu, ki tee i tinntɔɔ. Mine tee wunba nami. Mine tee Yennu nba nan bont kur. Min kɔɔe din jɔnn sanpaak. Maa din naan tingbouŋ na yoo nba, sɔɔ ki sommin.

Aisaya 45:22

“Durinya kur niib, baat n boor man ki la tinnu. Min kɔɔe tee Yennu nba be.

Aisaya 45:3

N saa nyinn mɔkint bɔra ni ki tura, ki a bann nan mine tee Yennu ki bia bann nan min Israel teeb Yennu-e put a sann ki yiina.

Aisaya 46:3

“Jakɔb yaaboona, gbiintir turin man, yimm n niib nba tenn na kur. Mine dia-i bisin niŋa.

Aisaya 49:12

N niib saa nyi banfɔka ki baar. Bi saa nyi gaŋ po nan yondo po nan Asuann nba be diitu po na.”

Aisaya 49:5

Bi din tan maarin na ki sɔɔ Yennu gannima, u teenin u toontunnɔe a man jen nan u niib nba tee Israel teeb ki yat na. Yennu-e teenin baakir, n paŋ nyi u niŋe.

Aisaya 51:5

N saa baar yiame ki tinnib, n nyannu yoo na pera. N mɔŋe sii dia digbana. Digbanbanfɔka guu n baarue, ki guu nan dindann a man tinnib.

Aisaya 52:13

Ki Yennu yet a, “N toontunnɔ saa la nyannu u toona niwa, u saa la baakir bonchiann.

Aisaya 55:3

“N niib, gbiintir turin man, ki baar n boor. Baat n boor, ki i saa la manfoor. N saa lor mɔlor kangbennuk nani, ki turi piisin nba ki n din senn mɔsonn ki tur Defid na.

Aisaya 57:19

N teen sɔɔ kur parmaasire, binba naak nan binba be banfɔka na kur. N saa tur n niib laafiawa.

Aisaya 60:9

Li tee ŋarint nba nyii banfɔkae, ki kpent nan Yennu niib. Bi dia salimpeena nan salimmɔna, a bin tur Yennu sann baakir; ŋɔɔe tee Israel teeb kasii Yennu nba te ki digbana kur teen u niib baakir na.

Aisaya 66:19

ki bann nan mine daar bi tuba. “Ŋaan n saa tinn bi siab ki saan namm digbana nan tinii nba fɔk, ki ki ban gbat n sanjaann na po, koo ki la n yabint nan n yiikoo na. Li digbanae tee Speenn nan Libia nan Lidia, siaminba ki li niib mi tɔrbantɔnu bonchiann na, ki bia saan namm Tubal nan Griis. Digbana na nie, ki bi saa mɔɔnt n yabint nba tee.

Aisaya 7:14

Tɔn, Yennu mɔŋe saa tura nyinn: Sapaamunn tan saa soor poor ki mar bonjak, ki purɔ Imanuel.

Aisaya 9:6

Bi mar bik ki turita. Bi turit bonjaka. Ŋɔɔe sii tee ti diatɔɔ. Bi sii yiu, “Bakitnauŋ ŋmakit-tɔɔ,” nan “Yabint Yennu,” nan “Baa nba yɔɔ be,” nan “Parmaasir kpanbar.”

Jeremaya 1:5

“N din gannaewa ki tan tura manfoor, ki bi din tan maara na ki sɔɔ ki n nyinnawa, maa fii tee n sɔkinii, nisaarii boor.”

Sefania 2:11

Yennu saa kɔɔmm jaŋmaanii. U saa biir yenbis nba be tingbouŋ na paak kur, booru kur saa jiantɔ bi tinii ni.

Barŋanii nba ki LUK din sɔb nae na 1:15

U tan sii tee nijaanne Yennu tɔɔnn, ki bia tan kii nyu dabooru kur. U tan saa gbee nan Yennu Seyeeŋ u matuk yooewa.

Barŋanii nba ki LUK din sɔb nae na 1:31

A tan saa soor poor ki mar bonjak, ki tan saa pur u sann Yiisa.

Jɔɔnn 10:36

Ŋaan min ŋarin, n Baa Yennu-e gannin ki tumin tingbouŋ na ni; ki maa yet a n tee Yennu Bija na, nlee ki i yaa li tee bonbilankanti?

Galasia teeb 1:15

Ŋaan Yennu ninbatinu paak, ki u din gannin ki bi daa ki marimi, ki yiinin a man tun u toona.

Efesus teeb 2:17

Li paak, Masia din baar mɔɔnt parmaasir barŋanii mɔɔntii ki tur yimm nba ki tee Juu teeb, ki din fɔk nan Yennu na, ki bia baar nann ki tur Juu teeb nba kpiau na.

Hiibru teeb 12:25

Li paak, ii mi man ki i yêt Yennu nba kpaani na mɔb, kimaan Israel teeb nba din yêt wunba din kpaamm tingbouŋ na ni mɔb na, Yennu din tan ki nyik bi tubdatu; ki ti-i yêt kpaanii nba nyii Yendɔuŋ ni na, ti tan saa teen nlee ki nyi tubdatu ni?

1 Piita 1:20

Yennu nba daa din ki nan durinya yoo nba na, ŋaan ki u poŋ gann Masia a wuu tee maruŋ maŋ, ki u tan nyii paanu dajoontii na ni, ti paak.