Aisaya 48:18 - Yennu Gbouŋ Mɔɔr

¹⁸ “Yi-i bonni sak n sennii, piisin bo sii puub ki teeni nan mɔkir nba ki fɔɔt nae, nyannu bo saa baari nan nyunpana nba tuu baar gbingbann nae.

Aisaya 48:18 ပူးပေါင်းရင်းမြစ်များ

Yaŋ 119:165

Binba loon a sennu na be bi yamanie, ki siar kaa ki saa te bin baa.

Yaŋ 36:8

Jeet nba ki a turit na, ŋanne ki ti di ti yamani. Ki a te ki ti nyu a mɔkir nba tee ŋant na ni nyun.

Aisaya 33:21

Bakitnauŋ Yennu sii be nant leŋ. Ti sii kɔɔ kpia mɔkjaana nan kpenjaanae, ŋaan ti datai ŋarint kan somm li paak.

Aisaya 42:24

Ŋmee jii Israel teeb ki tur fat-teeb na? Li tee Yennu nba ki ti tuun biirɔ na tiɔŋo. Ti ki be nan waa loon tii be na, koo ki sak tumiiu nba ki u turit na.

Aisaya 45:8

N saa te ki nyannu n nyi sanpaapo ki baa nan saak nae, ki tingbouŋ saa teen siir ki gaarir, ki yent-n-mɔŋ nan barmɔnpaku sii be. Min Yennu-e saa te linba na n tun.”

Aisaya 54:13

“N tiɔŋo saa tumii a niib, ki turib gor nan parmaasir.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Aisaya 61:11

Bonboorii nba tuu pia ki kpaat biaŋinba na, nnae ki Yabint Yennu saa tinn u niib, ki digbana kur niib saa pak dontɔ.

Aisaya 62:1

N saa pake ki maan Jerusalem par. N kii ŋmin see ki u tan tinn, ki u nyannu yeen nan nyiɔk muu na.

Aisaya 66:12

Ki Yennu ŋamm yet a, “N saa turi mɔkint nba sii yɔɔ be-e, ki digbana mɔkint sii baat i boor, nan mɔkir nba yɔɔ puub ki ki fɔɔt na. I sii tee nan bik nba ki u naa tuu mɔɔntɔ, ki diau u nii ni, ki goriiɔ nan lomm nae.

Hosea 10:12

Ki n yet a, ‘Komin ki tur i mɔŋ tinpaaŋ ni, ki bur barmɔnii, ki jaan piisin nba ki i jiantirin li po na. Yoo jaŋ nan yin jen min Yennu boora, ki n saa baar ki teen piisin i paak.’

Amos 5:24

Ŋaan ii te ki barmɔnii-ii puub nan kpenu na, ki bia te ki binbenŋansin-ii tee nan mɔkir nba ki fɔɔt na.

Matiu 23:37

“Nbaayoo-o, Jerusalem teeb, yimm nba kpi Yennu sɔkiniinba, ki bia jaat u toomiinba nba ki u tumm i boor na tana, bikinu taar munŋaae ki n gbaa maa n lakini yomm nan korik nba tuu lakin u waas u kpinkpant ni na, ki i ki saki.

Rom Teeb 14:17

Kimaan Yennu naan labaar ki tee dinu koo nyunu labaar kaa, ŋaan li tee popeenn nan parmaasir nan parpeenn yare ki Yennu Seyeeŋ turit.

Sennu 32:29

Bi ki bann linbae teen ki bi datai nyannib. Bi kan fit bann linba tumi.

Sennu 5:29

Li-i tee ki bi sii mɔk dudukbooru na yoo kur, ki baakitin, ki saak n sennu kur, ŋann bont kur saa somm fanu namm nan bi waas, mɔkmɔk nan mɔkmɔk.