Aisaya 47:9 - Yennu Gbouŋ Mɔɔr

⁹ Ŋaan dayenn kɔɔ ni, yoo waaminnae, ki bona ŋanlee na kur saa kpab tun. Nan a nyɔku nba ki a tee na kur, ŋaan a saa kɔŋ a sɔrɔ nan a waasa.

Aisaya 47:9 ပူးပေါင်းရင်းမြစ်များ

Yaŋ 73:19

Li kpan biiribe ki bi ji siik ki saa woribuk ni.

Aisaya 13:16

Bi saa mat bi waas bi numm ni, ki fat bi faar, ki bia mia bi poob ki dɔɔ namm.”

Aisaya 21:9

Mɔtana, jabe jak taanii banlee-lee ki baat na. Ki tammɔguurɔ na yet a, “Babilonn baawa. Tingbana nba ki bi jiantir na kur biire, ki dɔɔ yarik yarik tiŋ ni.”

Aisaya 47:11

Ninbɔŋ saa baara, ki a nyɔkii na nan yenna kan fit gɔɔrir. Biiru saa kpir baar a paak, ki tee biiru nba ki a ki ban dukin li po.

Jeremaya 15:9

Poo nba ki u waas banlore kpo na fibe, ki gbaa nan foon. Yentu nba ki u tuu be leŋ na kpant bunbɔnna, u dii fei-e, ki li yiarɔ. N saa te ki i datai n kpi yimm nba daa biar fo na. Min Yennu-e pak na.”

Jeremaya 51:29

Tingbouŋ na jekire nan jaŋmaanii, kimaan Yennu tuun u lor nba ki u yaa wun kpant Babilonn kunkoouk nae, ki sɔɔ kan kar leŋi.

Daniel 2:2

ŋanne ki u tun yiin u yandamm nan jabaabuura nan nyɔkdamm nan ninnyɔdamm nan bannteeb, a bin baar ki wannɔ damiit na paak. Baa baar ki set kpanbar maŋ boor yoo nba,

Daniel 4:7

Tɔn, ki ninnyɔdamm nan nyɔkdamm nan jabaabuura nan bannteeb kur baar n boor, ki n betib damiit na, ŋaan ki bi ki fit wannin damiit na paaki.

Daniel 5:30

Li daar nyiɔko ki bi kpii Belsasar, wunba tee Babilonn kpanbar na.

Daniel 5:7

Ki u te ki bi yiin nyɔkdamm nan ninnyɔdamm nan bannteeb, ki u yetib a, “Wunba fit karin sɔbinii na ki bia wann li paaki, n saa lannɔ naan liatir, ki bia lannɔ salima laamm nba mɔk baakir u turu ni. Ki u sii tee digbann na yiikoo daanɔ nba saa pukin bantaa ni.”

Nahum 3:4

Ninefe doo nba tee nan bonchonchonn na la tubdatuwa. U fane, ŋaan gbee nan dudukbiit, ki kpar digbana, ki teemm yommii.

1 Tesalonika teeb 5:3

Yoo nba ki niib tan sii yeen a “Parmaasir nan laafia be” na, li yoo maŋe ki biiru tan saa baarib yiama, nan matyiaru nba tuu baar poo biaŋinba na, ŋaan bi tan kan fit nyi li biiru ni.

Fiitu 21:8

Ŋaan jaŋmaandamm, nan binba ki teen Yiisa yada, nan bonbilankant damm, nan nikpiirit, nan bonchonchona, nan jabaabuura, nan patjiant-teeb, nan fai damm kur, bi binbeboor tee bootsunsuŋ nba ki muu nan sarwuuta di na nie; ŋanne tee kuun munlee na.”

Fiitu 22:15

Ki bonbilankant damm, nan jabaabuura, nan bonchonchona, nan nikpiirit, nan patjiant-teeb, nan binba tee fai damm bi mɔmaan ni nan bi toona ni na, bi kur tan sii be doo maŋ nanyer poe.

RUF labaar 1:20

Ki u jiin a, “Daa yin Nawomi mani, ii yin Mara, kimaan yabint daanɔ Yennu te ki n binbeŋ toŋa.

RUF labaar 1:5

ki Maalonn nan Kilionn mun bia kpo ŋaan nyikib. Nawomi ji din biar be-e, u sɔrɔ kpowa-a, u waas bia kpowa.