Aisaya 47:6 - Yennu Gbouŋ Mɔɔr

⁶ N wutoor din doo n niib paake, ki n diab nan bi ji ki tee n yab na, ki jiib teen a yiikoo ni, ki a ki timm ninbaauk. Ki nikpera na gbaa, ki a diab nan ninmɔnn.

Aisaya 47:6 ပူးပေါင်းရင်းမြစ်များ

2 Samuel 24:14

Ki Defid yet Gaad a, “Barmɔnii, n be daamii nie. N ki loon niib n dat n tubiri. Ŋaant Yennu mɔŋe n dat n tubir, kimaan u mɔk ninbatinu.”

2 Barkperii 10:11

ki bia wannib a, ‘N baa din jinti jik-kpiatae, ŋaan min ŋarin saa jinni linba kpai ki gar nna. N baa din dia lanban-mimmiinae ki booi, ŋaan min ŋarin saa booi naagbanne.’ ”

2 Barkperii 28:9

Yennu sɔkinii din be ki bi yiu Oded, ki u kɔɔ Samaria doo ni. U din chet Israel kunkɔnkɔnna nba ŋmat kun Samaria nan Juda teeb nba tee yommii na, ki bi yaa bin kɔɔ doo ni, ki u yetib a, “I yeejamm Yomdaanɔ Yennu donn wutoor Juda teeb paak, ki te ki i kɔn nyannib, ŋaan u ji tan la yaa kpiib bonchiann biaŋinbawa.

2 Barkperii 36:17

Li paak, Yennu din te Babilonn kpanbar lekib. Babilonn teeb din kpii Juda naasinpaauŋ, jiantu ŋasaakak na ni. U din ki mɔk ninbatinu nan bi sɔɔ, li nipaauŋ, koo nikpera, koo jɔɔ, koo poo, koo baatɔɔ, koo wunba mɔk laafia. Yennu din jii Juda teeb kur ki kubin Nebukanesar nuu ni.

2 Barkperii 36:20

U din soor niib nba biar ki mɔk manfoor na, ki saan namm Babilonn; leŋe ki bi saa tee yommii, ki tuun teen ŋɔɔ nan u yaaboona tee-e nan Peesia naangbouŋ nba din tan la paŋ.

Esra 5:12

Ŋaan ti yeejamm maŋe din donn Yennu nba yen sanpaak na wutoor, ki u te Babilonn kpanbar Nebukanesar, wunba tee Kaldii booru na kɔn nyannib, ki biir jiantu ŋasaakak na, ŋaan soor niib na ki saan namm yommii ni, Babilonn.

Yaŋ 69:26

Bi dint binba ki a dat bi tuba nae biak, ki bia piak niib nba ki a turib danii na wahala po.

Aisaya 10:6

N tun Asiria kpanbare maa wun saan dat niib nba ki waa min Yennu na tuba, ŋamme donn n wutoor. N tumɔe maa wun saan fat ki jan, ki bia ŋmaat niib na nan bi tee sɔnjouk ni tante na.”

Aisaya 13:16

Bi saa mat bi waas bi numm ni, ki fat bi faar, ki bia mia bi poob ki dɔɔ namm.”

Aisaya 14:17

Jɔɔ nba din biir doi ki te durinya kpant fɔɔr nae na-a? Jɔɔ nba din ki ŋaan u dansarii, ki bia ki te ki bi kun nae na-a?”

Aisaya 14:6

binba tuu jii wutoor ki mukis niib, ki bia mukis digbana nba ki bi nyannib na.

Aisaya 43:28

ki i doo diara biir n kasii boor. Ŋanne ki n baar nan biiru yimm Israel teeb paak, ki te ki bi sukii yimm n tiɔŋ niib.”

Jeremaya 50:42

Bi jii bi tɔrbana nan bi takoobiiwa, ki tee nitont nba ki tiin ninbaauko. Bi fuur tee nan mɔkgbeŋir nyunpana fuur nae, yoo nba ki bi jak bi taanii. Bi teen siire a bin faa tɔb nan Babilonn.

Fabinii 1:14

“U diit ki la n toonbiit kur, ki taan bobinir ki jɔnnir n turu ni, ki li kpiasu baŋin. Yennu jiin ki kubin n datai nuu ni, ki n ji ki mɔk paŋ nba saa tookib.

Fabinii 1:21

“Gbiintir n kukura, sɔɔ ki be ki saa maan n pari. N datai na kpamme, kimaan faa te biiru baarin na paak. A tun linba ki a sat mɔb na, ki te n datai na n di biak nan maa dii biaŋinba na.

Fabinii 2:2

Yennu biir Juda digbanbis kur, ki ninbatinu kaa; ki bit joonpaara nba guu doi na, ki te digbann na nan li diara dii fei.

Fabinii 4:16

Yennu ji ki fiin bi po, ŋɔɔe yatib u tiɔŋ, ki u baka ji kaa mannteeb nan tɔɔndamm na po.

Fabinii 5:12

ki soor ti tɔɔndamm ki jɔnnib, ki ki teen nikpera na chɔruŋu,

Esekiel 24:21

a man wann yimm Israel teeb maan na. I dont i mɔŋ, Jiantu Ŋasaakak nba wakii na paak. I mantik loon yii baat li boor kii bariir, ŋaan Yennu saa biirira, ki i nipaauŋ nba biar ki be Jerusalem na, bi saa kpib tɔb ni.

Esekiel 28:16

A din kpentir kpinkpouŋ nan digbanlia, ki li te ki a mɔk tonu, ki bia tuun toonbiit. Li paake ki n mia-a ki nyinna kasii kunkonn na paak, ki malaka nba bo guua na bera, ki a nyii tanbinyinyira na boor.

Obadia 1:10

“Kimaan yaa fiar ki bia kpi i ninjamm Jakɔb yaaboona na paak, ki n saa boonti, ki yin di fei nan yoo nba kaa paak.

Obadia 1:16

N niib na gaar tubdatu bonchiann, n kasii kunkonn na ni, ŋaan digbanlia nba kur kpia na saa la tubdatu ki lin gar nnawa. Bi saa gaar tubdatu nae ki tan kpakin yann.

Sekaria 1:12

Yennu malaka na nba gbat linba na yoo nba, ki u yet a, “Yabint Yennu, bina piinlore-e na, ki a wutoor do Jerusalem nan Juda dolia paak. Bia yooe ki a saa timm ninbaauku?”

Sekaria 1:15

Ŋaan n wutoor doo digbanlia nba be parmaasir nan bi yamani na paak bonchiann, kimaan yoo nba ki n wutoor doo waan, n niib paak na, digbana maŋe daan te ki n niib maŋ wahala ŋamii pukii.

Matiu 7:2

kimaan yaa bu leeb buut biaŋinba na, nnae ki Yennu mun tan saa bu i buut; biaŋinba ki i bikii teen i leeb na, nnae ki Yennu mun saa bikin turi.

Sennu 28:50

Ki bi baka kii be sɔɔ po, bi kii mɔk ninbatinu nan sɔɔ, laa tee bik koo nikperi.

Jeems 2:13

Binba ki tin bi leeb ninbaauk, Yennu saa bu bi buut ki kan tinib ninbaauku; ŋaan ninbatinue nyant tubdatu.