Aisaya 47:14 - Yennu Gbouŋ Mɔɔr

¹⁴ “Bi tee nan kakjina nae, ki muu saa dib. Bi poŋ kan fit tinn bi mɔŋ kaawa. Muyeruk na sii ton ki paakiba, ki kii tee mumintik ki bi saa nanii.

Aisaya 47:14 ပူးပေါင်းရင်းမြစ်များ

Nyinu 5:12

Ki niib na lin Ijipt tiŋ kur po ki loon mɔɔt na.

Aisaya 10:17

Yennu nba tee Israel yentu nae saa kpant muu. Israel teeb kasii Yennu na saa kpant muyeruk nba saa jii dayenn ki di bont kur, halii kunkonii nan jagotuk kur.

Aisaya 30:14

I saa yeer nan yɔkbobir nae, ki but but, ki nan sipiaka kan tenn ki fit mɔɔr muu, koo ki finn nyun bunbunn ni.”

Aisaya 33:14

Sayɔnn biit damm na jekire nan jaŋmaanii, ki yeen a, “Yennu tubdatu tee nan muu nba yɔɔ di nae. Ti sɔɔ saa fit nyi muu maŋ niwa-a?”

Aisaya 40:24

Bi tee nan bont nba tuu pia ki daa ki baa jiina nae. Yennu-i te ki wouŋ da yoo nba, bi tuu koore, ki wei wouŋ nan mɔɔt na.

Aisaya 41:2

“Ŋmee din nyii nan nyannu daanɔ na yondo po, ki turɔ nyannu siaminba kur ki u saani? Ŋmee din te ki u nyann kpanbara nan digbana? U takoobu na chɔɔ butib nan bi tee tangbiruŋ nae, ki u peenii yatib nan wouŋ nba tuu yat mɔɔt na.

Aisaya 44:16

U tuu jii tiik na dayente, ki joo muu ki pur nant, ki ŋman tan gboo. U tuu nanii muu nae ki yet a, “Li ton ki man bonchiann. Muu na man bonchiann.”

Aisaya 5:24

Li paak, kinkaka nan mɔkoont nba tuu di muu biaŋinba na, i jiina mun saa bat, ki i puuk n koor nnae, ki wouŋ n pebirir, kimaan i yêt linba ki Yabint Yennu nba tee Israel teeb kasii Yennu tumii nawa.

Jeremaya 51:30

Babilonn jab nyik kɔnna, ŋaan ji be bi ŋapaara nie. Bi para kpoe, ki bi ji tee nan poob na. Bi yeer doo na tammɔiwa, ki joo ŋei na muu.

Jeremaya 51:32

Datai fat punpootboor na, ki joo ŋapaara na muuwa. Babilonn jab na yan pute.

Jeremaya 51:58

Bi saa daa Babilonn joonpaarit ki sikin tiŋ ni, ki joo li tammɔfɔkit na muu. Digbann maŋ toona kur teen yanna, bi bakint na dii muuwa. Min Yabint Yennu-e pak na.”

Esekiel 15:7

nnae ki n saa dat Jerusalem tuba ki joob muu. Bi siab nyi mudinu yenn niŋa, ŋaan li kan wei ki muu bia saa di ki boontib, ki li-i tee ki li tan tun nna, fin Esekiel saa bann nan mine tee Yennu.

Joel 2:5

Baa lin mobit kunkona na yura paak na, ki bi mɔ nan tɔb taantorit na; ki put nan mɔkoonii be muu ni na, ki be chunchuuntuk nan kunkɔnkɔnna bonchiann nba teen siir nan tɔb na.

Obadia 1:18

Jakɔb ŋaateeb nan Joosef ŋaateeb sii tee nan muu nae, ki saa di Esɔɔ ŋaateeb nan muu nba tuu di kinkaka biaŋinba na. Ki Esɔɔ yaaboona na, sɔɔ kan biari. Min Yennu-e pak na.

Nahum 1:10

Yimm dayibira na, n saa boonti nan baa tuu ŋmat kunkonii nan kinkak-koona ki lin di muu biaŋinba nae.

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

Matiu 10:28

I daa tiin binba saa fit kpi i gbanant, ŋaan kan fit kpi i sei; ii tiin man Yennu, wunba saa fit biir i gbanant nan i sei kura muu ni na.

Matiu 16:26

Li-i tee ki nirɔ yen tingbouŋ na mɔkint kura, ŋaan tan kɔŋ u manfoor, nyɔlannpoe ki u la? Sɔɔ kan fit jii siar ki daa u manfoori.

Fiitu 18:21

Ki malakapaarɔ tɔkir tann nba gbeŋ nan nagbeŋir na, ki lur mɔkgbeŋir ni, ŋaan yet a “Bi tan saa wokit dogbeŋir Babilonn na ki lu-u nnae wun biir, ki sɔɔ ji kan mi lau,