Aisaya 47:10 - Yennu Gbouŋ Mɔɔr

¹⁰ “A din teen a mɔŋ yadae, a toonbiit ni, ki dukin nan sɔɔ kan la-a. A yan nan a bannu nae kɔɔna muuk, ki a yet a mɔŋ a, ‘Mine tee Yennu, ki sɔɔ ji kaa ki tee nan min na.’

Aisaya 47:10 ပူးပေါင်းရင်းမြစ်များ

Yaŋ 10:11

Biit damm yeen a, “Yennu baka kaa, u mun u ninbinawa, u kan mi lati.”

Yaŋ 52:7

“Gotir, jɔɔ nba nae ki jii u mɔŋ tur Yennu, ŋaan maa u mɔkint paak, ki dukii nan nɔɔnbiite saa sommɔ.”

Yaŋ 64:5

ki korin leeb nan lorbiit, ki bikii baa saa pii bi barit siaminba, ŋaan yaa, “Ŋmee saa lati?”

Banntɔɔ 8:8

Sɔɔ kaa ki saa fit nyinn u mɔŋ kuun ni, koo ki gaan u kuun daar. Linba na tee tɔb nba ki ti kan fit lɔke, ti kan fit bɔr ki nyi li ni.

Aisaya 28:15

I faa kpinkpant a yimm nan kuun lor ki taan mɔba, ki yimm nan kpeentiŋ soor sooruwa. I mɔk dindann nan biak-i baar, ŋaan li saa lɔkit yimma, kimaan i tinnu dindann maa faak nan kpinkpannii paake.

Aisaya 29:15

Binba yiab a bin bɔr Yennu bi lora na boonta. Bi tuun bi lorbiit na bunbɔnn nie, ki dukii sɔɔ kan lab, koo ki bann baa tuun linba.

Aisaya 44:20

Nirɔ-i di tanpent, li sɔ. U jatdudukit na turimɔ, ki li paak niiwa ki sɔɔ ji kan fit sommɔ. U kan sak nan patir nba ki u dia u nuu ni na ki tee siar nan waama.

Aisaya 47:8

“Fin nba loon manu na, gbiintir linba na. A dukii nan a be a yamanie, ki be fanu. A dukii nan a tee nijaann nan Yennu nae, ki sɔɔ kaa ki tee nan fin na. A dukin nan a kan ban teen pakɔɔk, koo ki kɔŋ a waasi.

Aisaya 5:21

I boonta. I dukii nan i sube, ki mɔk yan.

Aisaya 59:4

I tuu saan buut, ŋaan ki ki mɔk mɔnii. I tuu loon yin jii faake ki di mɔnii. I tuu lor a yin paan leeb daŋe.

Jeremaya 23:24

Sɔɔ kan fit bɔr siar boor ki n kan lau. I ki mi nan n be siar kur boore sanpaapo nan tiŋ na ni-i?

Jeremaya 9:23

Ki Yennu yet a, “Subindamm daa faa kpinkpant bi subinii paak, ki paŋ damm mun bia daa faa kpinkpant bi paŋ paak, ki mɔkita mun bia daa faa kpinkpant bi mɔkint paaki.

Esekiel 8:12

Ki Yennu boin a, “Nisaarik, a la bonbilankant nba ki Israel tɔɔndamm tuun bunbɔnn ni nawa-a? Bi kur be diiuk nba gbee nan pata nae ki jiantirib, ŋaan yeen a n kan labi, kimaan bi dukin nan n yêt ŋamm Israel teebe.

Esekiel 9:9

Ki Yennu jiin a, “Israel teeb nan Juda teeb biir, nan baa tun toonbilankant nawa. Bi tiŋ na gbee nan nikpiirae, ki Jerusalem gbeen nan toonbiit. Bi yeen a min Yennu nyik bi tiŋe ki ki laat baa tuun linba.

Daniel 4:27

Li paak, chanbaa, yabit a mɔŋ paak ki gaar n kpaanii na; nyikin toonbiit tumu, kii tuun linba ŋan, kii mɔk ninbatinu nan tatimm. Fi-i tuun nna, a saa biar be a yamanie.”

Sefania 2:15

Linba nae saa tun ki tur doo nba mɔk garuk, ki dukii a u mɔŋ yiikooe saa tinnɔ na. Ki doo maŋ niib dukii a bi doo nae tee digbanjaann durinya na ni. Li tan sii tee langbente, siaminba ki muuk ni bonkobit sii dɔɔ foi. Ki wunba kur gar li po, jaŋmaanii saa soorɔ, ki wun ŋmat poor.

Rom Teeb 1:22

Bi yaa bi mɔk yame, ŋaan tee jatit;

1 Korint teeb 3:19

Linba ki tingbouŋ na teeb dukin ki li tee yan na, li tee jatiie Yennu boor, nan laa sɔb Yennu gbouŋ ni a, “Yennu biir yandamm bannu,”