Aisaya 46:9 - Yennu Gbouŋ Mɔɔr

⁹ Ii tiar linba din tun sian yoowa na. Ii sak nan min kuukɔɔe tee Yennu, ki sɔɔ ji kaa ki tee nan min na.

Aisaya 46:9 ပူးပေါင်းရင်းမြစ်များ

JOB labaar 10:13

Ki n ji mi mɔtana nan a bɔr lorin a fan turin daŋe.

Yaŋ 111:4

Yennu ki te ki ti tammit u yaarlituk toona po; u mɔk burchint nan ninbatinu.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Nyinu 8:10

Ki kpanbar na jiin a, “A won miar ki turin wonn.” Ŋanne ki Moses yet a, “N saa tun nan faa loon biaŋinba na, ki fan bann nan yensiar kaa ki tee nan ti Yomdaanɔ Yennu na.

Nyinu 9:14

Fi-i kii te ki bi saan, n ji kan dat a saakab nan a niib kuukɔɔ tuba kaa, ŋaan n saa dat a mɔŋ tubira, ki fan bann nan sɔɔ kaa tingbouŋ na ni ki tee nan min na.

Aisaya 41:26

I ŋmee bunt nan linba na saa tumii, ki tin fit yet nan u mɔk mɔnii? I sɔɔ ki pak mɔbonn ki jiin li po. Sɔɔ ki gbat ki i pak siari.

Aisaya 41:27

Min Yennu-e tee sinsinn daanɔ nba yet Sayɔnn teeb maan maŋ. N tun toomii Jerusalem maa wun pak a, ‘A niib kpent. Bi kpent bi doo ni.’

Aisaya 42:9

Maa din yet linba na teen mɔniiwa. Mɔtana, n saa paki bonsaanaewa, ki lin tan lian tun.”

Aisaya 43:10

“Israel teeb, yimme tee n siara damm; n gann yimme maa yii tee n toontunna, ki fit bannin, ki teenin yada, ki bia bann nan mine tee Yen-yemmir. Yennu ji kaa ki pukin n po; yensau din kaa kawa, ki yensau bia kan ban kii be.

Aisaya 45:14

Ki Yennu yet Israel teeb a, “Ijipt nan Sudann mɔkint sii tee i yare, ki Seba jafɔkit na sii tee i yommii, ki waa i poor po, ki jarit diab. Bi saa gbaan i tɔɔnn ki pak kat a, ‘Yennu be nani, u kɔɔe tee Yennu,

Aisaya 45:18

Yennu-e nan sanpaak, ŋɔɔe tee Yenmɔnu. Ŋɔɔe nan tingbouŋ na, ki li see fanu, ki bia saa wei. U ki namir ki li dɔɔ yann kaa, ŋaan u te ki li tee boor nba ki niib sii be-e. Ŋɔɔe yet a, “Mine tee Yennu, ki yenlɔɔ ji kaa ki pukini.

Aisaya 46:5

Ki min Yennu yet a, “I saa bikinin nan ŋmee? Sɔɔ be ki tee nan min na-a?

Aisaya 48:3

Yennu piak Israel teeb a, “Sianyoo n din pak linba tan saa tunewa, ki tan te ki li tun nan barmɔnii.

Aisaya 65:17

Yennu bia yet a, “N yaa n nan tingbounpaann nan sanpaapo paanne. Nisaarii saa tamm linba tun ki gar na poe fas.

Jeremaya 49:19

Biaŋinba ki yanbɔr tuu nyi fɔɔr nba bɔɔk Jɔɔdann mɔkir ki do mɔpaauŋ ni na, nnae ki n saa baar ki te Edom teeb n kpir chiar ki nyi bi tiŋ ni. Ki tɔɔndaanɔ nba ki n saa gann na sii dia tiŋ na. Bi saa jii ŋmee ki bikinɔ nanimi? Ŋmee mɔk par ki saa yek nanimi? Kpanbar lanɔe saa fit kɔn nanimi?

Jeremaya 50:44

“Biaŋinba ki yanbɔr tuu nyi fɔɔr nba bɔɔk Jɔɔdann mɔkir ki do mɔpaauŋ ni na, nnae ki min Yennu saa baar ki te Babilonn teeb n kpir chiar ki nyi bi doo ni. Ki tɔɔndaanɔ nba ki n gann na sii dia digbann na. Ŋmee ki bi saa yekinɔ nanimi? Ŋmee mɔk par ki saa yek nanimi? Kpanbar lanɔe saa fit kɔn nanimi?

Jeremaya 6:16

Ki Yennu yet u niib a, “Setir sɔnpaata ni man kii gorii. Ii boi sɔnkperii po ki la sɔnchinchibir nba be sian. Tɔkint sɔnu maŋ man, ki i saa la parmaasir.” Ŋaan ki bi jiin a, “Aaii, ti kan tɔkini.”

Joel 2:27

Ki yimm Israel teeb saa bann nan n be nani. Ki min Yennu-e tee i Yomdaanɔ, ki sɔɔ ji ki be. Ki yimm, n niib, ji kan ban di fei.

1 Korint teeb 8:6

Timm yaa boor ni ŋarin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo. Ki Yomdaan-yenɔkɔɔe be, ŋɔɔe tee Yiisa Masia. U paake ki bonsiar kur nan; u paake biak ki ti fo.

Sennu 32:7

“Tiat man linba gar yaayoo niwa; boin i baanba ki bin wanni linba din tun. Boin nikpera ki bin wanni linba gar.

Sennu 33:26

Israel teeb, yensau ki tee nan i Yennu na, wunba purin sanpaapo nan u bonŋana, ki bia purin sanpagbant ni ki teen siir nan i sommir.