Aisaya 46:7 - Yennu Gbouŋ Mɔɔr

⁷ Bi tuu wokitire ki buk ki saan sennir, ki li see, ki kan fit chat baa sennir siaminba na. Nirɔ-i miar siar, li kan fit jiin, koo ki tinnɔ biiru ni.

Aisaya 46:7 ပူးပေါင်းရင်းမြစ်များ

1 Kpanbara 18:26

Ki bi jii naajak nba ki bi turib na, ki kpii ki ŋammɔ, ki miar Baal tee-e ki tan tuu yonsuuk ni. Bi din hoote ki yeen a, “Baal, turint gatu.” Bi din waae ki lintir maruŋ binbintir nba ki bi maa na, ŋaan bi din ki la gatu.

1 Kpanbara 18:29

Bi din yikin sanpaapo nnae nan yenlekir, ŋaan bi din ki la gatu, siar din ki teen nan waama.

1 Kpanbara 18:40

Ki Elaija tur mɔb a, “Soot Baal sɔkiniinba na man. I daa te nan bi yenɔkɔɔwa tiin paakiti.” Ki niib na soor bi kur; ki Elaija jiib ki saan namm Kisonn mɔkir ni, ki saa kpii bi kur.

Aisaya 37:38

Dasiar ki u tan jiantir u tingbann Nisrok jiantu diiuk ni, ki u bonjai banlee nba tee Adra-melek nan Sareser jii bi takoobii ki kpiiu, ŋaan chiar saan Ararat tiŋ ni. Ki u bonjaleek, wunba sann tee Esar-hadonn na, gaar u naan.

Aisaya 40:20

Jɔɔ nba kan fit la salimpeena koo salimmɔna tuu gann tiik nba ki dute, ki kpaan tikpeerɔ nba mi tikpeet fanu, ki wun kpeer bonninnauŋ nba kan fit baa.

Aisaya 41:28

Maa got tingbana na, bi sɔɔ ki mɔk siar ki saa pak, nan bi yenɔkɔɔwa ki fit jiin buboit nba ki n boi na.

Aisaya 41:29

Tingbana na kur ki mɔk nyɔɔti, bi kan fit teen siari; tingbana na tee butimme, bi kaa pansiaki.”

Aisaya 41:7

Kanpinta tuu yet saauk daanɔe a, ‘A yabira.’ Ki wunba ŋamii patir na teen wunba kpaan patir maŋ kpaŋ-n-mɔŋ. Bi tuu yet a, ‘Li tukinu na ŋan,’ ki ji jii kpai ki kpaa patir na.

Aisaya 44:12

Saauk daanɔ tuu jii kute ki pur muu ni, ki jii jaar ki boor kut na nan paŋ, nan laa tan saa teen waa loon linba. Waa tuu tuun na, kon nan nyunnyukuru tuu soorɔe, ki wun bia bak.

Aisaya 45:20

Ki Yennu yet a, “Lakint man, yimm digbana teeb, yimm nba nyii digbana biiru ni na, baat buut man. Niib nba somm nan bi pata nba tee daat, ki mei pata nba kan fit tinnib na, niib maŋ ki mi siar nan waama.

Aisaya 46:1

“Babilonn yennii na joontue na. Bi din jiantir Bel nan Nebo, ŋaan mɔtana, boniie jii yennii maŋ, ki bi tee jika ki teen bonkobit nba baka na.

Aisaya 47:15

Ninnyɔdamm nba ki a gaan kpaanii bi boor bisin niwa na, bi kur saa yaat ŋaan nyika, ki sɔɔ kan biar ki tinna.”

Jeremaya 10:5

Li pata tee nan baa tuu nan bont nba ki senn kpaab ni ki li beer bondidiit nae, bi kan fit pak, bi bia kan fit somm, niib-ii jikitib. I daa tiinib jaŋmaanii: Bi kan fit paani daŋi, bi bia kan fit sommini.”

Jeremaya 11:12

Ki Juda teeb nan Jerusalem teeb saa saan tingbana nba ki bi mann maruŋ ki teemm na boor, ki boi sommir po. Ŋaan li tingbana kan fit sommib, yoo nba ki biiru na baari.

Jeremaya 2:28

“Yennii nba ki i maa ki tur i mɔŋ na be lia? Li-i tee ki i be daamii ni, yin te bin nyinni, li-i tee ki bi saa fit. Juda teeb, i yennii yab nan yaa mɔk doi biaŋinba nae.

Daniel 3:1

Kpanbar Nebukanesar din jii salima ki nan nirɔ, ki li fɔkint tee taabana piintaa, ki yarin taabana ŋantaa, ki te ki bi sennir Dura paanu ni, ki li be Babilonn yent ni.

Jona 1:5

Binba din be ŋaruŋ na ni yan din put bonchiann, ki bi jak wuyikinii ki loon sommir. Sɔɔ kur din yikin ki yi u yenbike. Baa din gbaa baa saa teen biaŋinba ki ŋaruŋ na n fukit na, bi din nyinn jika nba be ŋaruŋ na ni kurae ki lu nyun ni. Li yoo na ki Jona dɔɔ ŋaruŋ na ni ki gɔɔn kpowa.

1 Korint teeb 12:2

I mi nan yoo nba ki i daa din ki teen Masia yada na, i din waa patae, linba ki piak, ki li kɔɔnti bonbiir ni.

1 Samuel 5:3

Ki li yent sanyiɔk, ki Asdod teeb la bi tingbann Dagonn maŋ baa ki faab tiŋ ni, Yennu mɔlor lakir na tɔɔnn. Tɔn, ki bi fiinɔ ki ŋamm senn waa tuu see sian.