Aisaya 45:24 - Yennu Gbouŋ Mɔɔr

²⁴ “Bi saa yet a nyannu nan paŋ nyi n kɔɔ boore, ŋaan binba ki loon n maan na saa di fei.

Aisaya 45:24 ပူးပေါင်းရင်းမြစ်များ

Pinpiik 49:10

Juda-e saa dia doo dammir, ki u maaru sii yɔɔ dia tingbouŋ. Ki digbana sii jiantirɔ, ki gbaa u tɔɔnn nan mɔsaku.

Yaŋ 110:2

Yennu sii be Sayɔnn nie ki tant a naangbouŋ. U yeen a, “Ii dia a datai.”

Yaŋ 71:16

N saa tɔkin n Yomdaanɔ Yennu paŋ nie, ki mɔɔnt u ŋant, u yar kɔɔe ki n saa mɔɔnt.

Yaŋ 72:9

Ki niib nba be kunkoouk paak na saa gbaan u tɔɔnn, ki u datai saa baa fabin tiŋ ni.

Yaŋ 89:17

ki ti baakir nan paŋ nyi a boor, ki a lomm niŋe te ki ti nyann.

Aisaya 26:4

Teent i dindann Yennu ni yaayoo siiyoo, u sii guut yoo kur.

Aisaya 41:11

“Binba donn wutoor i paak na saa bann baak fei nba tee biaŋinba. Binba kɔn nani na saa kpo,

Aisaya 44:8

N niib, i daa tiin jaŋmaanii. I mi nan laa nyii yaayoo niwa ki tan tuu mɔtana, n buntir linba saa tume, ki i tee n siara damm. Yensau ji be pukini-i? Yensau be ki mɔk yiikoo, ŋaan ki n ki mi gbat u po-o?”

Aisaya 45:25

Min Yennu saa tinn Israel teeb nan bi yaaboona kur, ki bin turin dontir.

Aisaya 54:17

Ŋaan jatiɔk kaa ki saa fit paana daŋi, ki a sii mɔk gatu ki tur binba kur piak biira na. N saa kɔn n toontunna paak ki turib nyannu.” Yennu-e pak na.

Aisaya 55:5

I tan saa yiin digbangana niib; sianyoowa bi din ki mi-ini, ŋaan mɔtana bi saa tine baar ki pukini. Min i Yomdaanɔ Yennu nba tee yimm Israel teeb kasii Yennu na saa te linba na kur n tun. N saa te ki yin la baakir nan chɔruŋ.”

Aisaya 60:21

A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Aisaya 60:9

Li tee ŋarint nba nyii banfɔkae, ki kpent nan Yennu niib. Bi dia salimpeena nan salimmɔna, a bin tur Yennu sann baakir; ŋɔɔe tee Israel teeb kasii Yennu nba te ki digbana kur teen u niib baakir na.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Aisaya 61:11

Bonboorii nba tuu pia ki kpaat biaŋinba na, nnae ki Yabint Yennu saa tinn u niib, ki digbana kur niib saa pak dontɔ.

Jeremaya 33:16

Ki Juda nan Jerusalem niib saa foor ki be bi yamani. Doo na sann sii tee ‘Yennu-e tee ti binben-yeeŋ.’

Habakuk 3:19

Yabint Yennu-e teenin paŋ. Ŋɔɔe te ki n somm fanu nan piarɔ nba tuu somm biaŋinba na, ki u guun fanu jɔfɔkit paak.

Sekaria 10:12

N saa te ki n niib na mɔk paŋ, bi saa jiantin ki sak n mɔb.” Yennu-e pak na.

Sekaria 10:6

“N saa te ki Juda teeb-ii mɔk paŋ. N saa fat Israel teeb na. N sii mɔk ninbatinu bi paak, ki jen kpen namm, ki bi sii tee nan n ki mi yêtib na. Mine tee bi Yomdaanɔ Yennu; n saa gat bi miaruwa.

Sekaria 12:5

Tɔn, ki Juda naakuut ji sii yeen a, ‘Ti Yomdaanɔ Yabint Yennu-e teen u niib nba be Jerusalem na paŋ.’

Sekaria 8:23

Daa maŋ ni, nigamm piik tan saa baar Juu nirɔ boor, ki yet a, ‘Ti loon ki timm nan fine n libin kii be, kimaan ti gbat a Yennu be nana.’ ”

Barŋanii nba ki LUK din sɔb nae na 13:17

Yiisa nba pak linba na yoo nba, ki u datai na kur ji dii fei; ki nibur na ji mɔk parpeenn nan waa tuun bakitnauŋ toona nba kur na.

Barŋanii nba ki LUK din sɔb nae na 19:27

Tɔn, n datai na nba ki loon ki n teen bi bat na, ŋann baat namm nna na, ki tan kpib n numm ni na.’ ”

Jɔɔnn 12:32

Bi-i taŋi jii-n ki donnin sanpaapo yoo nba, n saa dak niib kur ki bin baar n peŋ.”

Jɔɔnn 7:37

Tɔn, jaamm maŋ gbennu daar din tee dajaanne. Li daar maŋe ki Yiisa fiir set ki pak sanpaapowa a, “Wunba ki nyunnyukuru gbatɔ, wun baar n boor ki tan nyu,

1 Korint teeb 1:30

Ŋɔɔ Yennu-e taan timm nan Yiisa Masia ki u tee ti yan. U paake ki Yennu nyinnit daabisin ni, ki yet a ti tee niŋamm u boor, ki ji tee u niib.

2 Korint teeb 5:21

Kimaan ti paake ki Yennu din te ki Masia, wunba ki mi tun biit na, set timm biitdamm seenu ni, a tin la yentinu binbeŋ ŋɔɔ Masia ni.

Efesus teeb 3:16

Yennu paŋ nba yab bonchiann biaŋinba na, n meiɔ a wun turi paŋ maŋ u Seyeeŋ paak, ki paŋ maŋ-ii be i ni.

Efesus teeb 6:10

Linba joont tee nnae, ii chee i para ti Yomdaanɔ ni, kii mɔk yabint paŋ nba ki u turi na.

Filipi teeb 4:13

Masia nba teenin paŋ na paak, n saa fit kii be binbeŋ kur niwa.

Kolosa teeb 1:11

Ŋɔɔ Yennu n turi paŋ bonchiann, nan waa mɔk paŋ kur biaŋinba na, linba saa te ki i mɔk gbankur nan sukuru nan parpeenn bonsiar kur ni.

2 Piita 1:1

Min Simonn Piita nba tee Yiisa Masia daabir nan u toomii nae sɔbin gbouŋ na ki teen binba teen Yiisa Masia nba tee ti Tinntɔɔ nan Yennu yada u burchint paak, nan taa mun teen yada biaŋinba na.

Fiitu 11:18

Binba ki waa-a nae donn wutoor, ki a wutoor mun doo. Ki yoo baar nan ki a bu binba kpo na buut, ki pa a toontunna nba tee a sɔkiniinba na, nan a niib kura nba jiantira na, binba tee nijaana nan tarii kur. Ki yoo bia baar nan ki a biir binba biir tingbouŋ na na.”

Fiitu 22:17

Tɔn, ki Yennu Seyeeŋ nan Pegann na pooyookir na yet a “Baat.” Ki wunba gbatir n mun yet a “Baat.” Ki wunba kur ki nyunnyukuru soorɔ, wun baar; ki wunba loon nyun maŋ, wun gaar yann.