Aisaya 44:7 - Yennu Gbouŋ Mɔɔr

⁷ Sɔɔ be ki saa fit tun linba ki n tun na-a? Ŋmee din saa fit wann linba saa tun, laa nyii piinu niwa ki tan tuu gbennu?

Aisaya 44:7 ပူးပေါင်းရင်းမြစ်များ

Aisaya 19:12

Ijipt kpanbar, subindamm nba tee a ŋmakit-teeb na be lia? Bi saa fit wanna Yabint Yennu nba mɔk lora nba ki jiin Ijipt po-o?

Aisaya 41:22

Baat nna man, ki bunt linba saa tun, ki li-i tun yoo nba, tin bann. Want barbuut na ni, linba din tun yaayoo ni, ki bia yetit li paak.

Aisaya 41:23

Betirit linba saa tun tɔɔnn po, ki tin bann nan i tee yenniie. Tumin toonŋansiar, koo baat nan biak. Ii te ki jaŋmaanii nan yaar lituk n soorit.

Aisaya 41:26

I ŋmee bunt nan linba na saa tumii, ki tin fit yet nan u mɔk mɔnii? I sɔɔ ki pak mɔbonn ki jiin li po. Sɔɔ ki gbat ki i pak siari.

Aisaya 41:4

Ŋmee din te linba na tumi? Ŋmee te ki bona tuun, laa tuun biaŋinba na? Min Yennu din be pinpiik ni, ki min Yennu bia sii be li joontu.

Aisaya 43:12

Mine bunt linba saa tun, ki bia baar a man sommi. Yenganu ki ban tun linba na, yimme tee n siara damm.

Aisaya 43:9

Tikit niib na, ki bin baar buut boor. Bi yenlanɔe saa fit bunt linba tan saa tumii? Bi ŋmee din bunt linba tan tuun mɔtana na? Ŋaant ki yennii maŋ n baar nan bi siara damm ki wann nan bi mɔk mɔnii, ki wann bi mɔnii bi mɔbona ni.

Aisaya 45:21

Baat nan i maan buut boor, ŋaant i sommteeb na n pak nan bi leeb. Yaayoo ni, ŋmee din bunt linba tan saa tumi? Li din ki tee min Yomdaanɔ Yennu nba tint niib na kaa-a? Yensau ji kaa.

Toona 17:26

Ŋɔɔe te ki nibooru kur nyii yeeja yenɔkɔɔ ni, ki bia te ki bi be tingbouŋ na kur po, ki u mɔŋ mɔŋ senn yoo nba ki nibooru kur sii be, ki bia teen bi binbeboa terii.

Sennu 32:8

Yabint daanɔ tur digbann kur li yente, ki bɔkit nibooru kur nan bi kpaar,