Aisaya 43:3 - Yennu Gbouŋ Mɔɔr

³ Kimaan mine tee i Yomdaanɔ Yennu, Israel teeb kasii Yennu, wunba tinti na. N saa jii Ijipt nan Sudann nan Seba-e, ki lin teen i tinnu paatii.

Aisaya 43:3 ပူးပေါင်းရင်းမြစ်များ

Pinpiik 10:7

Kus bonjai din tee Seba, nan Hafila, nan Sabta, nan Raama, nan Sab-teka. Raama bonjai din tee Seba nan Dedann.

Yaŋ 72:10

Ki Speenn kpanbara nan binba kɔɔ tinii nba be mɔkgbeŋa sinsuuk ni na saa jiantɔ; ki Sieba nan Seba kpanbara saa baar nan piinii;

Nyinu 10:7

Ŋanne ki kpanbar ŋaasaakab yet ŋɔɔ kpanbar a, “Jɔɔ na mantik turit woribuk bonchiann. Ŋaant ki Israel teeb na n nyi ki saan ki saa jiant bi Yomdaanɔ Yennu na. A ki bann nan Ijipt boontire-e?”

Nyinu 20:2

“Mine tee i Yomdaanɔ Yennu, wunba nyinni Ijipt tiŋ ni, siaminba ki i daan tee daaba na.

Barjokit 11:8

Yennu tuu nyinn niŋamm daamii nie, ŋaan ki lin baa nibiit na paak.

Barjokit 21:18

Toonbiit damm nae tuu tan ŋmat di biak nba ki bi lorin niŋamm paak na.

Aisaya 19:20

ki li sii tee nyina ki want nan Yabint Yennu be Ijipt. Yoo nba ki niib na di biak ki yiin Yennu ki loon sommir, u saa tun sɔɔ ki wun baar sommib.

Aisaya 20:3

Baa nyann Asdod doo yoo nba, ki Yennu yet a, “N toontunnɔ Aisaya tuu lin gbananbire ki somm taayana bina ŋantaa. Linba na tee nyinne ki jiin linba saa tun ki tur Ijipt nan Sudann na po.

Aisaya 30:11

Bakint leŋ, ki daa loo ti sɔnu. Ti ki loon tin gbat siar ki jiin Israel teeb kasii Yennu na po.”

Aisaya 41:14

Ki Yennu bia yet a, “Yimm Israel teeb nba lek ki yab ki bia ki mɔk paŋ na, ŋaan i daa tiin jaŋmaanii, n saa sommiwa. Min nba tee yimm Israel teeb kasii Yennu nae tee i tinntɔɔ.

Aisaya 42:8

“Min kuukɔɔe tee a Yomdaanɔ Yennu. Yensɔɔ ji kaa ki saa chent nanin n baakiri. N kan te ki pata n chent nanin n dontir na.

Aisaya 43:11

“Min kuukɔɔe tee Yennu, min kɔɔe saa fit tinni.

Aisaya 45:14

Ki Yennu yet Israel teeb a, “Ijipt nan Sudann mɔkint sii tee i yare, ki Seba jafɔkit na sii tee i yommii, ki waa i poor po, ki jarit diab. Bi saa gbaan i tɔɔnn ki pak kat a, ‘Yennu be nani, u kɔɔe tee Yennu,

Aisaya 45:15

Israel teeb Yennu nba tint u niib nae tee Yennu nba woont u mɔŋ.

Aisaya 45:21

Baat nan i maan buut boor, ŋaant i sommteeb na n pak nan bi leeb. Yaayoo ni, ŋmee din bunt linba tan saa tumi? Li din ki tee min Yomdaanɔ Yennu nba tint niib na kaa-a? Yensau ji kaa.

Aisaya 49:26

N saa te ki binba dinti biak na n kpi bi leeb, ki nikpinu nan wutoor saa yibib, ki niib kur saa bann nan mine tee Yennu nba tinti ki nyinti yann. Bi saa bann nan mine tee Israel teeb Yennu nba mɔk paŋ.”

Aisaya 60:16

Digbana niib nan kpanbara sii dinta nan binaa nba tuu dint u bik nae, ki a saa bann nan min Yennu-e tinna, a min Israel teeb Yabint Yennu-e nyinna ki ŋaa-a.

Aisaya 63:8

Yennu yet a, “Bi tee n niibe, bi kan kpannin.” Li paak ki u tinnib

Jeremaya 14:8

Israel teeb yada kur gaa a paake, fine nyinnit biak ni. Bee ki a tee nan saamɔ na ti tiŋ ni? Bee ki a tee nan sinsommtɔɔ nba tuu dɔɔr nyɔyemmir na?

Jeremaya 16:21

Ki Yennu jiin a, “Li paak, n saa te nisaarii n bann n yiikoo nan n paŋ yomm kɔɔe, ki bann nan mine tee Yennu.”

Esekiel 39:7

N saa te ki n niib Israel teeb n bann n kasii sann, ki n mun ji kan ban te ki n sann n di fei. Ki digbana niib na saa bann nan min Yennu-e tee Israel teeb kasii Yennu.”

Hosea 13:4

Yennu ŋamm yet a, “Mine tee i Yomdaanɔ Yennu, wunba nyinni Ijipt tiŋ ni na. I ki mɔk Yensau ki pukin n po, min kuukɔɔe tee i tinntɔɔ.

Liifai teeb 11:44

Mine tee i Yomdaanɔ Yennu, li ŋan ki yii tee kasii, kimaan n tee kasiie.

Amos 9:7

Yennu yet a, “Israel teeb, n loon Sudann teeb nan maa looni biaŋinba nae. N jii Filistia teeb ki nyii namm Kret tiŋ ni, ki bia jii Siria teeb ki nyii namm Kir tiŋ ni, nan maa jii-i ki nyii nani Ijipt biaŋinba na.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yiisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan mɔkmɔk nan mɔkmɔk. Mamɔmm.