Aisaya 43:20 - Yennu Gbouŋ Mɔɔr

²⁰ Muuk ni bonkobit gbaa saa baakin; mɔbɔi nan naamiant saa dontin, yoo nba ki n te mɔka puub kunkoouk paak a lin tur n nigannkab nyun na.

Aisaya 43:20 ပူးပေါင်းရင်းမြစ်များ

1 Barkperii 16:13

yimm nba tee Yennu toontunnɔ Jakɔb yaaboona, ki tee Israel yaaboona ki Yennu ganni na.

Yaŋ 104:21

Yanbɔrpaanii na tuu kpaan bi jeet ŋaan gaan jate, ki kpaan jeet nba ki Yennu saa turib.

Yaŋ 148:10

bonkobit kur, li ŋaak ni yab nan muuk ni yab, bonbubɔkit nan bon-yuyukit.

Yaŋ 33:12

Parpeenn be digbann nba ki Yennu tee bi Yomdaanɔ na paak. Parpeenn be niib nba ki u gannib ki bi tee u yab na paak.

Aisaya 13:22

ki kinkata nan mɔbɔi fuut sii toon ŋatɔɔtii nan naan ŋei ni. Babilonn yoo baara. U daa poŋ ŋman gbenna.”

Aisaya 30:25

Daar nba ki bi saa nyann i datai doo, ki kpi li niib na, nyun sii puube ki nyi jɔjaana nan kunkona kur ni.

Aisaya 32:2

Bi tan sii tee nan wondɔkitir, koo satekitir nae. Bi sii tee nan kpenii nae ki puub kunkoouk paak, ki bia tee nan tinperik paak tanjagbouŋ yunyuŋ na.

Aisaya 33:21

Bakitnauŋ Yennu sii be nant leŋ. Ti sii kɔɔ kpia mɔkjaana nan kpenjaanae, ŋaan ti datai ŋarint kan somm li paak.

Aisaya 35:7

ki tanbiintonii saa kpant mɔkir, ki tinkooŋ saa gbee nan nyuntona. Mɔbɔi nba tuu be sian na saa pia kaar nan gartuut.

Aisaya 41:17

“N niib nba tee tarii na kunkɔra-i koor, ki bi loon nyun yoo nba, min Yennu saa gat bi miaru. Min Israel teeb Yennu na kan ban nyɔr nyikibi.

Aisaya 41:18

N saa te ki mɔka puub kunkonkoona paak, ki nyuntona nyi baat ni. N saa kpint kunkoot ki teenir nyundɔɔna, ki kpint tinkooŋ ki teenir nyuntona.

Aisaya 43:19

Ii gorii bonpaann nba ki n yaa man tun na. Li poŋ tuume, ki i saa fit lar mɔtana. N saa faa sɔnu ki gaan kunkoouk paak, ki turi kpenii nba mɔk nyun leŋ.

Aisaya 48:21

Yennu nba din jii u niib ki gar namm wɔruk tinkorik paak na, ŋaan nyunnyukuru din ki soorib. U din te ki nyun nyii tanpiiuk ni, ki bi nyu; u din bɔkit tann nae, ki nyun nyii.

Aisaya 49:10

nyunnyukuru koo kon kan soorib. Yonnu nan tinkorik wɔruk kan teenib siar, kimaan wunba mɔk lomm namme saa gar bi tɔɔnn. U saa saan namm nyuntona boa.

Aisaya 65:15

N nigannkab saa jii i sanne ki li tee mɔtont nyinn. Min Yabint Yennu-e saa kpi-i, ŋaan n saa tur binba saak n mɔb na sanpaanne.

Jeremaya 31:9

N niib sii jent ki mɔe, ki mein yoo nba ki n kpent namm na. N saa saan namm kpenii nba mɔk nyun boor, ki tɔkin namm sɔnu nba kaa boota, ki bi kan gbiat. N tee nan baa nae ki tur Israel teeb, ki Efraim boorue tee n bijakper.”

Joel 3:18

Ki daa maŋ ni, kunkona saa gbee nan daan tiiniie, ki bonkobit sii be kunkonn kur paak, ki nyun sii be Juda kpenii kur ni bonchiann. Ki kpenu saa pubir nyi Yennu ŋasaakak boor, ki li nyun saa maan Kpekii Baauk na.

Barŋanii nba ki MAK din sɔb nae na 13:20

Ŋaan ti Yomdaanɔ wat daa maŋ yabinta. Li-i tee ki u bo ki watiri, sɔɔ bo tan kan tinni, ŋaan u nigannkab paak ki u wat daa maŋ yabint.

Jɔɔnn 4:10

Ki Yiisa jiinɔ a, “Li-i tee ki a bo mi bakitnauŋ piinii nba ki Yennu loon wun pia na, ki bia mi maa tee wunba ki meia nyun na, a bo saa boin a n tura manfoor nyun, ki n set bo saa turawa.”

Jɔɔnn 4:14

ŋaan mi-i tur wunba n nyun na ki u nyuu, nyunnyukuru kan mi soorɔ, kimaan mi-i tur wunba n nyun na, li sii bunii manfoor nyume u ni, ki bia turɔ manfoor nba kaa gbennu.”

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

Fiitu 17:14

ki bi tan saa kɔn nan Pegann na, ki Pegann na saa nyannib, kimaan u tee yomdamm kur Yomdaanɔ, nan kpanbara kur Kpanbare, ki u poorpoweiteeb mun tee binba ki u yiinib ki gannib, ki bi bia tee nimɔmm.

Fiitu 21:6

Ki u bia yetin a “Li poŋ tuma. N tee Alfa nan Omega-e; li paak tee piinu nan joontu. Binba ki nyunnyukuru mɔkib na, n saa pib manfoor nyun nba bunii ki nyi nyuntona ni na, ki bin nyu.

Fiitu 22:17

Tɔn, ki Yennu Seyeeŋ nan Pegann na pooyookir na yet a “Baat.” Ki wunba gbatir n mun yet a “Baat.” Ki wunba kur ki nyunnyukuru soorɔ, wun baar; ki wunba loon nyun maŋ, wun gaar yann.