Aisaya 43:17 - Yennu Gbouŋ Mɔɔr

¹⁷ ki biir kunkɔnkɔnna bonchiann, ki bi tee jab nba mɔk taantorit nan taanii. Ki bi sik, ki kan ban do, ki bot nan fitir muu nba tuu kpeen na.

Aisaya 43:17 ပူးပေါင်းရင်းမြစ်များ

Yaŋ 118:12

Bi daan waame gbangban nan sai na, ŋaan ki n jii Yennu paŋ ki kpiib, ki bi boont nan muu nba tuu di naamɔɔr na.

Nyinu 15:19

Israel teeb na din somm tinkooŋ paake, mɔkgbeŋir na ni, ki poot. Ŋaan ki Ijipt teeb na, nan bi taanii, nan bi taantorit, nan li ŋmakit-teeb na nba sik mɔkgbeŋir ni yoo nba, ki Yennu jiin nyun na, ki li piimm.

Nyinu 15:4

“U lu Ijipt lanjimanba nan bi taantorit mɔkgbeŋir ni. Bi saakajaana na kpii Mɔkmuŋ niwa.

Aisaya 1:31

Paŋ damm na toonbiit saa biirib nan baa tuu kpeer muu ki lu kauk paak ki lin di nae, ki sɔɔ kaa ki saa gɔɔr biiru maŋ.

Jeremaya 51:21

ki biir taanii nan bi jakira, ki biir taantorit nan li ŋmakit-teeb,

Esekiel 38:4

N saa nyinn u paŋ ki gaan janpeenu u yiak, ki dat ŋɔɔ nan u kunkɔnkɔnna na kur, ki yaat namm. Ki u kunkɔnkɔnna, nan bi taanii, nan bi taanjakira nba lia tiat na yab, ki kaa bannu, ki kunkɔnkɔnnɔ kur dia naagbankɔŋir nan jukbanjiak.

Matiu 12:20

U tan kan kɔnn lanbankɔɔnn ki tonti, ki bia tan kan kpeen fitir nba ki di fanu. U tan saa te ki barbuut nba took n la nyannu.

Barbuura 4:16

Ki Barak wei ber taantorit nan bi kunkɔnkɔnna ki saa tuu Harosef Hagoyim doo. Bi din kpii Sisera jab kur, ki bi jɔɔ nan yenɔwa ki biari.