Aisaya 43:16 - Yennu Gbouŋ Mɔɔr

¹⁶ Sianyoo Yennu din teen sɔnjouk ki gaan mɔkgbeŋir ni, ki faa sɔnu ki gaan nyunpubirkan ni,

Aisaya 43:16 ပူးပေါင်းရင်းမြစ်များ

Nehemaya 9:11

A din bir sɔnu mɔkgbeŋir na ni ki tur a niib, ki bi somm tinkooŋ paak ki poot, ki binba din waa beerib na dii nyun nan tann nba tuu baa mɔkgbeŋir ni ki kpii biaŋinba na.

Yaŋ 106:9

U din yet Mɔkmuŋ na, ki li fɔɔr; ki u poon u niib tinkooŋ paak.

Yaŋ 77:19

Ki a somm gaar nyunpana ni, ki tɔkin poot mɔkgbeŋir, ŋaan sɔɔ ki laat a taaboota.

Yaŋ 77:20

Ki a ŋmakit a niib nan pekpaarik nba tuu ŋmakit u pei na, ki teemm Moses nan Aarɔnn nii ni.

Yaŋ 78:13

Yennu din bɔkit mɔkgbeŋir ki te ki bi somm gar li ni, ki te nyunpana set nan joona na.

Nyinu 14:16

Dont a patu kii diar sanpaapo ki tokin mɔkgbeŋir na, ki nyun na saa bɔkit, ki Israel teeb na saa somm mɔkgbeŋir na ni tinkooŋ, ki poot.

Nyinu 14:29

Ki sɔɔ Israel teeb na ŋarin somm tinkooŋ ki poota, ki nyunjoona be gaŋ nan diitu kur po.

Aisaya 43:2

Yi-i sik nyun sunsuŋ ni, ŋaan n sii be nani. I daamii kan nyanni. Yi-i kɔɔ muu ni, ŋaan li kan di-i; ki bonpaarir nba baarii, ŋaan li kan teeni siari.

Aisaya 44:27

N din yet mɔbonne, ki mɔkgbeŋir fɔɔr.

Aisaya 50:2

“Bee ki n niib yêt bin gbiint, yoo nba ki n baar bi boor maa n tinnib na? Bee ki bi yêt gatu, yoo nba ki n yiinib na? N ki mɔk paŋ nba saa tinnibe-e? N saa fit yet maan ki mɔkgbeŋir n fɔɔr, ki mɔka n kpant kunkoot, ki li janii na n kpo nyunkon.

Aisaya 51:10

Fine bia din te ki mɔkgbeŋir fɔɔr, ki faa sɔnu mɔkgbeŋir maŋ ni, a binba ki a tinnib na n fit poot.

Aisaya 51:15

“Mine tee i Yomdaanɔ Yennu, mine tuu gbit mɔkgbeŋir, ki te li nyunpana fu fuut. N sanne tee Yabint Yennu.

Jeremaya 31:35

Yennu-e tur yonnu ki li teent yentu daar ni, ki turit ŋmaarik nan ŋmaabira ki li teen yentu nyiɔk. Ŋɔɔe tuu kut mɔkir ki te ki li fu, u sanne Yabint Yennu.

Fiitu 16:12

Ki malaka nba pukin banloob na mun kpaar linba be u seŋ ni na, ki mɔɔn mɔkir nba ki bi yir Yufrates na ni, ki li nyun na fɔɔr ki bir sɔnjouk, a kpanbara nba be yondopo na n poot.