Aisaya 42:25 - Yennu Gbouŋ Mɔɔr

²⁵ Ŋanne te ki u wutoor gbatit, ki ti di tɔb wahala. U wutoor di Israel kur po nan muu nae, ŋaan ti din ki bann linba tuun ki tumii siar li ni.

Aisaya 42:25 ပူးပေါင်းရင်းမြစ်များ

2 Kpanbara 25:9

U din joo Yenjiantu ŋasaakak na muu, nan kpanbar ŋaak nan Jerusalem nijaana kur ŋei.

JOB labaar 40:11

Gotir binba mɔk dont-n-mɔŋ na, ki kpaar a wutoor bi paak, ki sikinib.

Aisaya 29:13

Yennu yet a, “Niib na want a bi jiantirin, ŋaan bi mɔbona na kaa gbinni, ki bi para fɔk nanin. Bi jiantu kpan tee bi kaar, nan bi danmarima kɔɔe, ki bi tumiir ki tian li yetu yoo kur.

Aisaya 47:7

A dukin nan a sii yɔɔ tee poobate, ki ki jii bona na ki teen a par ni, koo ki dukii laa tan saa gbenn biaŋinba.

Aisaya 48:8

N mi nan n kan ban teeni yada, kimaan i yɔɔ tee kangaarnbae, ŋanne teen ki i ki mi gbat linba na po faba, ki li maan nan waama ki kɔɔ i tuba ni.

Aisaya 5:25

Yennu wutoor doo u niib paak, ki u tant u nuu a wun dat bi tuba. Kunkona nba fɔk na saa damm, ki binba kpo na gbanant saa biar dɔɔ sɔnii ni nan mɔɔt na. Ŋaan Yennu wutoor lek kan maaki, ki u nuu sii tian a lin dat niib tuba.

Aisaya 57:1

Niŋamm kpenn, ki sɔɔ ki bant li paak, koo ki fiin li po. Ŋaan bi-i kpo, biiru kan paanib daŋi.

Aisaya 57:11

Ki Yennu yet a, “Tingbana na tee lanne, ki jeenti, ki te ki i fa fai, ki ji ki jiantirin nan waama? Maa tee soon nna ki li wei nae, ki i nyik ki ki baakitimi-i?

Aisaya 9:13

Israel teeb ki nyik bi toonbiiti; Yabint Yennu nba lek dat bi tuba na, ŋaan bi ki jen u boori.

Aisaya 9:19

Yabint Yennu wutoor nba doo na paak, ki u tubdatu na di nan muu na tiŋ na kur po, ki kpi niib maŋ, sɔɔ kur gbaa a wun tinn u mɔŋe.

Jeremaya 12:11

Bi teenir kankoonne ki li dɔɔ yann n boor ni. Tiŋ na kur kpant kunkoouko ŋaan ki sɔɔ ki fiin li po.

Jeremaya 5:3

Yennu, a ninbina ki gorii ki loon mamɔmm kaa-a? A faabe, ŋaan ki li ki toŋib. A butibe, ŋaan ki bi yêt ŋmakitir. Bi chee bi parae, ki li wakii gar tann, ki yêt bin nyik bi toonbiit.

Jeremaya 7:20

Li paak, ki min Yabint Yennu saa mɔɔn n wutochiɔŋ na nna. N saa mɔɔnir nisaarii nan bonkobit nan tiinii nan jeet paak. N wutoor na sii tee nan muu nae, ki sɔɔ kan fit kpeeniri.

Fabinii 2:3

U be wutoor ni, ki biir Israel teeb paŋ buri buri. U yêt wun sommit yoo nba ki ti datai baar na, ki fiir ti paak nan muu na, ki boont bona kur.

Fabinii 2:4

U tɔ u peenii na ti paak, ki li tee nan u tee ti dataake na, ki kpii binba kur ki ti numm gboob ki bi tuu maant ti para na. Jerusalem na nie ki ti bann u wutoor nba do ti paak biaŋinba.

Esekiel 20:34

N saa wanni n paŋ nan n wutoor nba tee biaŋinba, yoo nba ki n taani ki nyii nani digbanbanfɔka nba ki n bo yat kɔɔni na, ki jen nani.

Hosea 7:9

Ki bi ki bann nan bi lora nba ki bi mɔk nan digbanlia niib na warii bi paŋi. Bi per boontuwa, ŋaan ki mi.

Nahum 1:6

U wutoor-i doo yoo nba, ŋmee saa tinni? Ŋmee saa fit nyi u wutochiɔŋ na ni? U tuu mɔɔn u wutoor nba di nan mupeenu nae, ki tanpiit yakitir, ki kpantir tant u tɔɔnn.

Malakai 2:2

See ki i turin baakir, i binbeŋ ni. Li-i tee ki i kan gbiint linba ki n yeen na, n saa sat mɔtonte i paak. N saa sat mɔtont bona nba ki i gaan ki li tee i sommir na paak. Barmɔnii, n poŋ sat mɔtont li paaka, kimaan i ki sak n sennu na.

Sennu 32:22

N wutoor saa doe nan muyeruk na, ki di linba kur be tiŋ na paak. Li saa di ki baar tinpɔɔr ni, ki bia di kunkona nba fɔk fiaka.