Aisaya 41:23 - Yennu Gbouŋ Mɔɔr

²³ Betirit linba saa tun tɔɔnn po, ki tin bann nan i tee yenniie. Tumin toonŋansiar, koo baat nan biak. Ii te ki jaŋmaanii nan yaar lituk n soorit.

Aisaya 41:23 ပူးပေါင်းရင်းမြစ်များ

Aisaya 19:12

Ijipt kpanbar, subindamm nba tee a ŋmakit-teeb na be lia? Bi saa fit wanna Yabint Yennu nba mɔk lora nba ki jiin Ijipt po-o?

Aisaya 42:9

Maa din yet linba na teen mɔniiwa. Mɔtana, n saa paki bonsaanaewa, ki lin tan lian tun.”

Aisaya 43:9

Tikit niib na, ki bin baar buut boor. Bi yenlanɔe saa fit bunt linba tan saa tumii? Bi ŋmee din bunt linba tan tuun mɔtana na? Ŋaant ki yennii maŋ n baar nan bi siara damm ki wann nan bi mɔk mɔnii, ki wann bi mɔnii bi mɔbona ni.

Aisaya 45:21

Baat nan i maan buut boor, ŋaant i sommteeb na n pak nan bi leeb. Yaayoo ni, ŋmee din bunt linba tan saa tumi? Li din ki tee min Yomdaanɔ Yennu nba tint niib na kaa-a? Yensau ji kaa.

Aisaya 45:3

N saa nyinn mɔkint bɔra ni ki tura, ki a bann nan mine tee Yennu ki bia bann nan min Israel teeb Yennu-e put a sann ki yiina.

Aisaya 46:7

Bi tuu wokitire ki buk ki saan sennir, ki li see, ki kan fit chat baa sennir siaminba na. Nirɔ-i miar siar, li kan fit jiin, koo ki tinnɔ biiru ni.

Jeremaya 10:5

Li pata tee nan baa tuu nan bont nba ki senn kpaab ni ki li beer bondidiit nae, bi kan fit pak, bi bia kan fit somm, niib-ii jikitib. I daa tiinib jaŋmaanii: Bi kan fit paani daŋi, bi bia kan fit sommini.”

Daniel 2:9

man tur i kur tubdatu deedee-e, li-i tee ki i ki fit wannin damiit na. I lor i taŋmiɔŋ ni nan yii fa faie kii teenin, kimaan i daan nan yoo baat ki bona saa lebit. Ii betin damiit na nba tee linba, ki n saa bann nan i saa fit wannin damiit na paak.”

Jɔɔnn 13:19

N beeri labaar maŋe mɔtana na, ki li set tan saa teen, ki li-i taŋi tun gbenn yoo nba, yin teen yada nan n set tee maa tee wunbae.

Toona 15:18

Nnae ki Yennu, wunba te ki bi bann linba na yaayoo niwa na din yet.’ ”