Yennu ŋamm yet a, “Ŋaant ki tin ŋamm maan maŋ. I toonbiit bɔnniwa, ŋaan n saa wuuri ki yin penn nan ŋmaarik na. I biit nba lek te ki i bɔn bonchiann na, ŋaan n saa wuuri ki yin penn nan pegbonpeeŋ na.
Ŋarint maŋ bona kur tee yanne; li chinchena na kan fit tanti. Ti saa fat jab nba tee ti datai na mɔkint kure, ki li sii yab bonchiann, ki dianii gbaa saa gaar tora. Yennu tiɔŋo sii tee ti kpanbar; ŋɔɔe sii diat, ki guut.
Yennu yet a, “Yimm digbanbanfɔka damm na, ii ŋmin man, ki gbiint turin. Ii teen siir ki saan nan i maan, barbuut boor, ki i saa la yaak ki pak. Ŋaant ki ti lakin taan ki la wunba mɔk mɔnii.
Tikit niib na, ki bin baar buut boor. Bi yenlanɔe saa fit bunt linba tan saa tumii? Bi ŋmee din bunt linba tan tuun mɔtana na? Ŋaant ki yennii maŋ n baar nan bi siara damm ki wann nan bi mɔk mɔnii, ki wann bi mɔnii bi mɔbona ni.
Pinpiik ni, n din yet linba tan saa tumewa, ki wann linba tan saa teen, ki yet nan n lora kan ban gbar tumu; n saa tun linba kur ki n dukin nan man tuma.