Aisaya 41:2 - Yennu Gbouŋ Mɔɔr

² “Ŋmee din nyii nan nyannu daanɔ na yondo po, ki turɔ nyannu siaminba kur ki u saani? Ŋmee din te ki u nyann kpanbara nan digbana? U takoobu na chɔɔ butib nan bi tee tangbiruŋ nae, ki u peenii yatib nan wouŋ nba tuu yat mɔɔt na.

Aisaya 41:2 ပူးပေါင်းရင်းမြစ်များ

Pinpiik 11:31

Li yoo na, ki Tera jii u bija Abram nan u yaaboonn Lot, wunba tee Harann bija na, nan u sipook Sarai, wunba tee Abram ŋaapoo na, ki nyii namm Ur, Babilonn tiŋ ni, ki saa namm Keenann, ŋaan baa baar doo nba ki bi yi Harann na ki bi kar leŋ.

Pinpiik 17:1

Abram nba din mɔk bina piinyia nan ŋanyia yoo nba, ki Yennu baar u boor ki tan yetɔ a, “Mine tee Yabint Yennu. Ii saak n mɔb, ki daa mɔk siara biiti.

2 Samuel 22:43

Ki n nannib ki bi tan tee nan tanbiinii na; ki n ŋmaat bi paak nan sɔnjouk ni tant na.

2 Kpanbara 13:7

Jehoahas kunkɔnkɔnna nba din tenn na tee taanjakira piinŋmue, nan taantorit piik, nan kunkɔnkɔnna tusaa piik nba somm taatiŋ, kimaan Siria kpanbar din kpii binba biar na kura, ki ŋmaa yotib nan tant na.

2 Barkperii 36:23

U din sɔb a: “Maan nba ki Peesia kpanbar Sairus yete na: Yennu nba tee Yomdaanɔ ki be yendɔuŋ ni nae dinnin durinya na kur naan, ki turin mɔb a man maa u ŋasaakak nba be Jerusalem, Juda tiŋ ni na. Mɔtana, yimm nba kur tee Yennu niib, i kur-ii saa man leŋ, ki i Yomdaanɔ Yennu sii be nani.”

Esra 1:2

“Sennu nba nae ki min Sairus nba tee Peesia kpanbar na senn. Yennu nba tee sanpaapo Yennu nae turin durinya na kur naan, ki bia yetin a man maa jiantu ŋasaakak na Jerusalem nba be Juda tiŋ ni na ki turɔ.

Aisaya 40:24

Bi tee nan bont nba tuu pia ki daa ki baa jiina nae. Yennu-i te ki wouŋ da yoo nba, bi tuu koore, ki wei wouŋ nan mɔɔt na.

Aisaya 41:25

“N gann jasɔɔ, ki u be yondo po. N saa baar nanɔ ki wun tan piin gaŋ po ki lek. U ŋmaat doo diara nan tanmaatit nae, ki bia tee nan yɔkmaarɔ nba tuu ŋmaat yɔk tant biaŋinba na.

Aisaya 41:3

U waa beeribe u yamani, ki kakii ki u taa ki baat tiŋ fanu.

Aisaya 42:6

“Min Yennu-e yiina ki tura yiikoo maa fan te ki mamɔmm-i be tingbouŋ na paak. Li saa nyi a nie, ki n saa lor mɔlor nan nisaarii; li saa nyi a nie, ki n saa baar nan yentu, digbana kur paak.

Aisaya 45:1

Yennu gann Sairus-e ki teenɔ kpanbar. U gann ŋɔɔe a wun kɔn nyann digbana, ki tumɔ a wun liat kpanbara. Yennu saa loot doi na tammɔi ki turɔ. Yennu pak ki tur kpanbar Sairus a,

Aisaya 45:13

Mine fiin Sairus maa wun tun gbeen n loomm, ki lin ŋmant bona. N saa sont sɔnu nba kur ki u tɔkii, u saa ŋamm maa n digbann Jerusalem, ki nyinn n niib nba be dansarii ni na, ki ŋaab. Sɔɔ ki jiiu, koo ki kɔɔu nan likirii, a wun tun linba na.” Yabint daanɔ Yennu-e pak na.

Aisaya 46:11

N yi jasɔɔe, maa wun nyii yondo po ki baar. U saa baar nan kanbiɔk nba tuu sik nae, ki n lor na n gbee. Mine pak na, ki li lek saa tuma.

Aisaya 48:15

Mine yiinɔ; mine saan nanɔ ki saa turɔ nyannu.

Fabinii 1:15

“Yennu laa n kunkɔnkɔnwakita nba ki n mɔk nae; u te ki kunkɔnkɔnna baar kpii n naasinpaauŋ nawa. U mat n niib na ki li tee nan daan tilɔɔna nba ki bi ŋmaan ki nyint nyun nae.

Hiibru teeb 7:1

Melkisedek maŋ din tee Salem doo bate ki bia tee Yabint Yennu manntɔɔ. Abraham nba din tan nyii tɔb nba ki u kɔn nyann batnba banna na, ki Melkisedek chetɔ ki teen piisin u paak;

Fiitu 16:12

Ki malaka nba pukin banloob na mun kpaar linba be u seŋ ni na, ki mɔɔn mɔkir nba ki bi yir Yufrates na ni, ki li nyun na fɔɔr ki bir sɔnjouk, a kpanbara nba be yondopo na n poot.

Fiitu 7:2

Li yoo ki n la malakaganɔ, ki u nyii yondopo, ki dia dɔk nba tee manfodaanɔ Yennu yar na; ki u yikin nan kunkɔsaakar, ki yeen malakanba banna nba ki Yennu turib yaak a bin biir tiŋ nan mɔkgbeŋa na,