Aisaya 41:14 - Yennu Gbouŋ Mɔɔr

¹⁴ Ki Yennu bia yet a, “Yimm Israel teeb nba lek ki yab ki bia ki mɔk paŋ na, ŋaan i daa tiin jaŋmaanii, n saa sommiwa. Min nba tee yimm Israel teeb kasii Yennu nae tee i tinntɔɔ.

Aisaya 41:14 ပူးပေါင်းရင်းမြစ်များ

JOB labaar 19:25

N mi nan n Tinntɔɔ be, ki tan saa baar tingbouŋ na ni li joontu, ki sommin.

JOB labaar 25:6

ŋma ji boi nisaariki, wunba tee nanwubir ki tee bonmumɔɔk na? Nisaarik nyɔɔt tee bee Yennu boori?

Yaŋ 19:14

Yennu, ŋaant ki n mɔmaan nan n dudukit-ii man a po. Fine tee n sindandiiuk nan n tinntɔɔ.

Yaŋ 22:6

N ji ki tee nisaarik kaa, n tee nanwubire, ki niib piak ki butimin, ki bia sarikitin.

Yaŋ 46:5

Yennu be doo maŋ ni, ki li kan biiri; u tuu saa baar ki sommir sanyafaar.

Yaŋ 78:35

Bi tuu tiar nan Yennu-e tee bi guutɔɔ, ki tee Yabint daanɔ nba baar ki sommitib.

Aisaya 35:10

Bi saa baar Jerusalem nan kpinkpammuko, ki yiin ki hoot nan parpeenn. Bi sii yɔɔ be parpeenn nie, ki nyi parbiir nan yanyêtuk ni yaayoo siiyoo.

Aisaya 37:4

Asiria kpanbar tun u kunkɔnkɔnna saakawakitire, ki u baar sukii Yennu nba fo na. A Yomdaanɔ Yennu n gbat sukit na, ki dat binba sukii na tuba. Li paak, a miar Yennu ti niib nba daa tenn na paak.”

Aisaya 41:10

I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Aisaya 43:14

Israel teeb kasii Yennu, wunba tinti na yeen a, “N saa tun kunkɔnkɔnnae Babilonn ki tinni, n saa biir doo maŋ tammɔi, ki li niib hootii na saa kpant mɔŋ.

Aisaya 43:3

Kimaan mine tee i Yomdaanɔ Yennu, Israel teeb kasii Yennu, wunba tinti na. N saa jii Ijipt nan Sudann nan Seba-e, ki lin teen i tinnu paatii.

Aisaya 44:22

N wuur i biit ki li yaat nan sanpagbouŋ nba tuu gar biaŋinba nae. Jennin n boor man; mine tee wunba tinti.”

Aisaya 44:24

“Mine tee Yennu, ki tee i tinntɔɔ. Mine tee wunba nami. Mine tee Yennu nba nan bont kur. Min kɔɔe din jɔnn sanpaak. Maa din naan tingbouŋ na yoo nba, sɔɔ ki sommin.

Aisaya 44:6

Yabint Yennu nba dia Israel teeb, ki bia guub na piak a, “Mine tee pinpiik nan joontu, ki tee Yen-yemmir, yensau ji kaa ki pukin n po.

Aisaya 47:4

Israel teeb kasii Yennu-e nyinnit. U sanne tee Yabint Daanɔ Yennu.

Aisaya 48:17

Israel teeb kasii Yennu nba tinti na yet a, “Mine tee i Yomdaanɔ Yennu, ki loon man tumii-i, ki lii ŋan turi, ki wanni sɔnu nba ki i sii tɔkii.

Aisaya 49:26

N saa te ki binba dinti biak na n kpi bi leeb, ki nikpinu nan wutoor saa yibib, ki niib kur saa bann nan mine tee Yennu nba tinti ki nyinti yann. Bi saa bann nan mine tee Israel teeb Yennu nba mɔk paŋ.”

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 54:5

A nantɔɔ sii tee nan sɔrɔ nae ki tura. U sanne tee Yabint Yennu. Israel teeb kasii Yennu saa tinna, ŋɔɔe tee durinya na munn diatɔɔ.

Aisaya 54:8

Yoo waaminnae ki n donn wutoor ki nyika, ŋaan n saa wanna n lomm yaayoo siiyoo.” Yennu nba tinta nae pak linba na.

Aisaya 59:20

Yennu yeen u niib a, “N saa baar Jerusalem ki kɔn i paak, ki tinn yimm nba kur nyik i toonbiit na.

Aisaya 60:16

Digbana niib nan kpanbara sii dinta nan binaa nba tuu dint u bik nae, ki a saa bann nan min Yennu-e tinna, a min Israel teeb Yabint Yennu-e nyinna ki ŋaa-a.

Aisaya 63:16

Fine tee ti baa. Ti yeejamm, Abraham nan Jakɔb ki gaariti, ŋaan fin Yennu-e tee ti baa nba yɔɔ tintit.

Jeremaya 46:27

“N niib, i daa tiin jaŋmaanii man. Israel teeb, i daa te ki i yan puti. N saa nyinni digbanbanfɔkir maŋ ni, siaminba ki i tee yommii na. I saa jen kpen ki sii be i yan ni; i sii be fanu, ki sɔɔ kan te ki jaŋmaanii n soori.

Jeremaya 50:34

Ŋaan wunba saa fatib na mɔk paŋ. U sanne tee Yabint Yennu. Ŋɔɔ tiɔŋo saa gaar bi paak, ki baar nan parmaasir tingbouŋ na paak, ŋaan bia baar nan biak Babilonn teeb paak.”

Fabinii 3:57

ki gat turin, ki yetin a n daa tiin jaŋmaanii.

Daniel 10:12

Ki u ŋamm yet a, “Daniel, a daa tiin jaŋmaanii. Yennu gbat a miaru, daar nba ni ki a dukin ki sikin a mɔŋ ŋɔɔ Yennu boor a fan fit la yanfoon naewa. N baar a miaru maŋ poe.

Hosea 11:9

N kan donn wutoor ki dat i tuba. N ji kan biir yimm Israel teebi, kimaan n tee Yennu-e, n ki tee nisaarik kaa. Mine tee kasii daanɔ, ki be nani. N kan baar i boor nan wutoori.

Matiu 7:14

Manfoor tammɔb na ŋarin tee bonyebike, ki li sɔnu bia paar nan tɔkinu; ki niib waaminnae kɔɔ tammɔb maŋ ni.

Barŋanii nba ki LUK din sɔb nae na 12:32

“Yimm n niib nba ki yab na, i daa tiin jaŋmaanii, kimaan i Baa Yennu-e yaa wun dinni naan, ki bia mɔk parpeenn nan waa saa dinni na paak.

Rom Teeb 9:27

Yennu sɔkinii Aisaya din pak jiin Israel teeb po ki yet a, “Israel teeb-i lekii yab nan mɔkgbeŋir tanbiinii na, ŋaan bi waaminnae saa tinn;

Galasia teeb 3:13

Ŋaan ti din be Yennu mɔtomm nie, kimaan ti din ki fit wei sennu maŋ fanu, ŋaan Masia tiɔŋo din gaar ti paak, ki be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak, Yennu mɔtomm be u paak.”

Sennu 7:7

“Yennu ki looni ki ganni yabint paak kaa. Yimme waar gar booru kur tingbouŋ na ni.

Taitus 2:14

ŋɔɔe din gaar ti paak ki kpo, a wun nyinnit biit kur daabisin ni, ki te ki ti tee popeendamm nba tee u kuukɔɔ yab, ki tee niib nba numm mɔn nan toonŋana tumu.

Joosua 17:18

Kunkona paak tiŋ na sii tee i yare. Laa lek tee fɔɔr na ŋaan i saa chɔɔe ki yentir, laa nyii li kpiŋ ki saa tuu li kpinleer. Keenann teeb na ŋarin, i saa fit ber nyinniba, nan baa lek mɔk kut taantorit, ki mɔk paŋ nawa.”

Fiitu 5:9

Ki bi yiin yanpaaŋ ki teen Pegann na ki yeen a: “A set jaŋ nan fan gaar gbanpɔɔbir na ki tabit li yiit ŋanlore nawa, kimaan a din kpoe ki jii a sɔn ki daa niib ki tur Yennu; niib maŋ nyii booru kur ni, nan mabooru kur ni, nan maaru kur ni, nan tingbouŋ na yent kur nie.