Aisaya 41:10 - Yennu Gbouŋ Mɔɔr

¹⁰ I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Aisaya 41:10 ပူးပေါင်းရင်းမြစ်များ

Pinpiik 15:1

Linba na poorpoe ki Yennu mɔmaan baar Abram, yirintu ni. Yennu maŋ din yetɔ a, “Abram, daa tiin jaŋmaanii. N saa nyinna ninmɔnn ni, ki bia tura paab bonchiann.”

Pinpiik 26:24

Li daar nyiɔk ki Yennu baar u boor ki tan yetɔ a, “Mine tee a baa Abraham Yennu. Daa tiin jaŋmaanii, kimaan n be nana. N saa teen piisin a paak ki tura yaaboona bonchiann, kimaan maa din senn mɔsonn nba ki tur n daabir Abraham na paak.”

Pinpiik 31:5

U din yetib a, “N la nan i baa ji ki loon n maan nan waa tuu loon n maan na; ŋaan n baanba Yennu be nanin.

Pinpiik 49:24

ŋaan u tɔrbann tuu biar ki waki, ki u kpinkpant bia daa tuu mɔk paŋ. Yabint daanɔ nba tee u baa Jakɔb Yennu-e teenɔ paŋ, ki li nyii ŋɔɔ Yennu, wunba tee Israel teeb gɔɔrtɔɔ, ki diab nan pekpaarik na boor.

2 Samuel 22:19

Daar nba ki n be parbiir ni na ki bi worin, ŋaan Yennu-e din guurin.

1 Barkperii 12:18

Ŋanne ki Yennu Seyeeŋ kɔɔ bi yenɔkɔɔ nba ki bi yiu Amasai na ni, wunba din tan tee niib piintaa na ni saakɔɔ na, ki u yet a, “Jese bija Defid, ti tee a yabe. Nyannu tee a yare nan binba saa somma na yar, kimaan Yennu saa sommawa.” Ki Defid gaarib, ki teenib kunkɔnkɔnna saakab.

2 Barkperii 20:17

Li ki tee yimm kaa n kɔn kɔnn na, yimm n lon sinsetboa, kii guu, ki i saa la nyannu nba ki Yennu saa turi. Juda nan Jerusalem teeb, i daa taantir koo ki tiin jaŋmaanii. Nyimin ki tookib man, ki Yennu sii be nani.”

2 Barkperii 32:8

U mɔk nisaarik paŋ kɔɔe, ŋaan timm ŋarin mɔk ti Yomdaanɔ Yennu, ki u saa sommit ki kɔn kɔnn na ki turit.” Kpanbar na mɔmaan din chekin niib na.

Yaŋ 144:11

Nyintin n databiit nuu ni, nyintin boorganu yiikoo ni; boorganu nba ki piak barmɔnii, ŋaan fa faak kuukɔɔ nan bi mɔpora niwa na.

Yaŋ 144:8

boorganu nba ki piak barmɔnii, ŋaan fa faak kuukɔɔ nan bi mɔpora niwa na.

Yaŋ 145:14

U sommit binba be daamii nie, ki fiint binba baa na.

Yaŋ 147:12

Jerusalem, pakin Yennu. Sayɔnn doo, pakin a Yennu.

Yaŋ 18:36

Fine bɔrin, ki bi ki fit soorin, ki n bia ki baa tiŋ ni,

Yaŋ 27:1

Yennu-e tee n yentu ki bia tee n tinntɔɔ; n kan tin sɔɔ jaŋmaanii. Yennu-e guun ki nyintin bonbiir kur ni; n kii mɔk jaŋmaanii.

Yaŋ 29:11

Yennu jikit paŋ ki teen u niib; Yennu tee piisin u niib paak, ki teemm parmaasir.

Yaŋ 33:12

Parpeenn be digbann nba ki Yennu tee bi Yomdaanɔ na paak. Parpeenn be niib nba ki u gannib ki bi tee u yab na paak.

Yaŋ 37:17

Kimaan Yennu saa nyinn nɔɔnbiit damm paŋa, ŋaan somm binba tuun toonŋana.

Yaŋ 37:24

Ki li-i tee ki u baa, u kan kpakin tiŋ ni, kimaan Yennu saa sommɔ ki wun fiir.

Yaŋ 41:12

A saa sommima, kimaan n tuun linba ŋan, ki a saa te ki mii be a boor yoo kur.

Yaŋ 46:11

Yabint daanɔ Yennu be nant, wunba tee Jakɔb Yennu na, ŋɔɔe tee ti gungurboor.

Yaŋ 46:7

Yabint daanɔ Yennu be nant, wunba tee Jakɔb Yennu na, ŋɔɔe tee ti gungurboor.

Yaŋ 63:8

N taab nana, ki a nuu dian ki tinnin.

Yaŋ 65:5

Yennu nba tee ti tinntɔɔ, a teent gatu, a bakitnauŋ toonŋana ni, Niib nba be durinya kur po, nan binba be mɔkgbeŋa pootir, banfɔkira na, bi kur maa a paake.

Yaŋ 99:4

Kpanbar-saakar, a loon linba tee mamɔmme; a baar nan mamɔmme Israel teeb boor; a baar nan kasiie nan ŋant.

Nyinu 14:13

Ki Moses jiin a, “I daa tiin jaŋmaanii. Setir i taajaa paak man, ki la linba ki Yennu saa tun ki tinni dinna. I ji kan ban la Ijipt teeb na.

Nyinu 20:20

Ki Moses jiin a, “Daa tiin jaŋmaanii. Yennu baar a wun bikinie ki lin te yii yɔɔ kii saak u mɔb, ki daa tuun biiti.”

Aisaya 12:2

Yennu-e tee n tinntɔɔ, n saa teen ŋɔɔe yada, ki kan tin jaŋmaanii. Yennu-e teenin yiikoo nan paŋ, ŋɔɔe tee n tinntɔɔ.

Aisaya 35:4

Pakin wunba kur ki mɔk tama a, “Ii mɔk paŋ ki daa tiin jaŋmaanii, Yennu baate a wun tinna, u baate a wun dat a datai tuba.”

Aisaya 37:6

ki u tur gatu na a, “Yennu beera nan a daa te ki Asiria teeb na jeenta, nan baa yeen a Yennu kan fit tinni na.

Aisaya 43:5

I daa tiin jaŋmaanii. N be nani. “N saa jii i niib yondo po nan yonbaa po, ki kpen namm.

Aisaya 44:2

Mine tee Yennu nba nami, ki sommiti i maaru niwa. I daa tiin jaŋmaanii, i tee n toontunnae, ki tee niib nba ki n gann ki looni.

Aisaya 49:8

Yennu yet u niib a, “Yoo-i baar nan man tinni, n saa sommi, ki saa gbat i mɔnii nba jiin sommir po na. N saa guuri ki nyinni, ki i paak, n saa lor mɔlor nan nibooru kur. N saa te ki yin ŋamm kar i tiŋ nba dɔɔ yann na ni.

Aisaya 50:9

Yabint Yennu tiɔŋo kɔn n paak, ki ŋmee mun saa yet a n mɔk kaati? Binba paantin maan na kur saa mir bote nan tintɔɔk nba tuu tɔɔ tiɔk biaŋinba na.

Aisaya 52:7

Li fan bonchiann nan ki a la toomii ki u nyii kunkona paak, ki baat nan labamann, ki li tee parmaasir barŋanii. U mɔɔntir nyannue ki piak Sayɔnn a, “A Yennu-e tee kpanbar.”

Aisaya 60:19

“Yonnu kaa ji sii tee a yentu, daar ni, ki ŋmaarik mun kii tee a yentu, nyiɔku. Min Yennu-e sii yɔɔ tee a yentu yaayoo siiyoo. N baakir yentu na sii yeen a paak,

Fabinii 3:57

ki gat turin, ki yetin a n daa tiin jaŋmaanii.

Daniel 10:12

Ki u ŋamm yet a, “Daniel, a daa tiin jaŋmaanii. Yennu gbat a miaru, daar nba ni ki a dukin ki sikin a mɔŋ ŋɔɔ Yennu boor a fan fit la yanfoon naewa. N baar a miaru maŋ poe.

Daniel 6:16

Li paak ki kpanbar na yet a bin soor Daniel ki lu-u bootuk nba gbee nan yanbɔra na ni. Kpanbar na din yet Daniel a, “Ŋaant Yennu nba ki a jiantirɔ fanu na n fata.”

Hosea 1:9

Ki Yennu yet Hosea a, “Purin u sann Lo-Ami, kimaan Israel teeb ki tee n niib, ki n mun ki tee bi Yennu.”

Hagai 1:13

Ki Hagai ji tur niib na Yennu maan na a, “N sii be nani, linba nae tee n mɔsonn.”

Hagai 2:5

Yoo nba ki i din nyii Ijipt na, n din senn mɔsonn nan n sii be nani yoo kura. N bia daa be nani; li paak, i daa tiin jaŋmaanii.

Sekaria 10:12

N saa te ki n niib na mɔk paŋ, bi saa jiantin ki sak n mɔb.” Yennu-e pak na.

Sekaria 10:6

“N saa te ki Juda teeb-ii mɔk paŋ. N saa fat Israel teeb na. N sii mɔk ninbatinu bi paak, ki jen kpen namm, ki bi sii tee nan n ki mi yêtib na. Mine tee bi Yomdaanɔ Yennu; n saa gat bi miaruwa.

Sekaria 13:9

Ki n saa bikin bɔkyenn nba biar bi manfoa ni na, ki ŋammib, nan biaŋinba ki bi tuu pur salimpeena muu ni ki ŋammir na. N saa bikimm nan baa tuu bikin salimmɔna biaŋinba nae, ki bi ji saa miarin, ki n gat bi miaru maŋ. N saa betib nan bi tee n niibe, ki bi saa jiin a mine tee bi Yennu.”

Barŋanii nba ki LUK din sɔb nae na 1:13

Ki malaka maŋ betɔ a, “Sekaria, daa tiin jaŋmaanii. Yennu poŋ gbat a miaruwa, ki a ŋaapoo Elisabef tan saa mar bonjak ki tura, ki a saa pur u sann Jɔɔnn.

Barŋanii nba ki LUK din sɔb nae na 1:30

Ki malaka na bia betɔ a, “Meeri, daa tiin jaŋmaanii, kimaan Yennu par mei a paak.

Rom Teeb 8:31

Ti-i got linba na kur, ti saa yet a bia? Li-i tee ki Yennu be ti po, ŋmee ji be ki saa biiriti?

2 Korint teeb 12:9

ŋaan u lek ki saki, ki betin a “N sommir na saa te ki a nyann mukisuk maŋa, kimaan wunba ki mɔk u mɔŋ paŋ na set saa la n paŋe.” Li paak, n sii faa parbiir n butuŋ na paak nan parpeenne, a Masia paŋ-ii be n ni.

Efesus teeb 3:16

Yennu paŋ nba yab bonchiann biaŋinba na, n meiɔ a wun turi paŋ maŋ u Seyeeŋ paak, ki paŋ maŋ-ii be i ni.

Sennu 20:1

“Li-i tee ki i nyii a yin faa i datai tɔb ki la bi taanii nan bi torit nan kunkɔnkɔnna yab ki garini, ŋaan i daa tiimm jaŋmaanii. I Yomdaanɔ Yennu, wunba nyinni Ijipt tiŋ niŋ na sii be nani.

Filipi teeb 4:13

Masia nba teenin paŋ na paak, n saa fit kii be binbeŋ kur niwa.

Joosua 1:9

Tiat nan n daan beta a ii mɔk paŋ nan parcheenn. A daa tiin jaŋmaanii koo ki ŋaan tama, kimaan min a Yomdaanɔ Yennu be nana siaminba kur ki a saa saan.”

Barbuura 6:16

Ki Yennu yetɔ a, “A saa fit tuma, kimaan n saa somma, ki a saa biir Midiann teeb yian, ki li sii tee nan niyenɔkɔɔe na.”