Aisaya 41:1 - Yennu Gbouŋ Mɔɔr

¹ Yennu yet a, “Yimm digbanbanfɔka damm na, ii ŋmin man, ki gbiint turin. Ii teen siir ki saan nan i maan, barbuut boor, ki i saa la yaak ki pak. Ŋaant ki ti lakin taan ki la wunba mɔk mɔnii.

Aisaya 41:1 ပူးပေါင်းရင်းမြစ်များ

JOB labaar 38:3

Mɔtana, teent siir na jɔɔ na, ki jiin n buboit nba ki n yaa n boia na.

Yaŋ 46:10

ki yet a, “Nyikin kɔnn man, ki bann nan mine tee Yennu, ki saa la dontir digbana kur ni, ki bia saa la dontir tingbouŋ kur po.”

Aisaya 1:18

Yennu ŋamm yet a, “Ŋaant ki tin ŋamm maan maŋ. I toonbiit bɔnniwa, ŋaan n saa wuuri ki yin penn nan ŋmaarik na. I biit nba lek te ki i bɔn bonchiann na, ŋaan n saa wuuri ki yin penn nan pegbonpeeŋ na.

Aisaya 11:11

Li daar-i baar, Yennu saa ŋamm jii u paŋ na ki jen nan u niib nba biar Asiria nan Ijipt nan Patros nan Sudann nan Elam nan Babilonn nan Hamaf tinii ni, nan mɔkgbiant nan nyun ni kunkona paak na, bi doi ni.

Aisaya 34:1

Digbana niib kur, baat man. Tikit man ki gbiint. Ŋaant durinya kur, nan wunba kur be li ni n baar nna, ki tan gbiint.

Aisaya 40:31

ŋaan binba teen bi dindann Yennu ni ki loon sommir na, ŋɔɔ Yennu-e saa ŋamm pant bi paŋ. Bi sii mɔk paŋ nan baakaa nae, ki do sanpaapo. Bi saa tin, ŋaan kan bakii, ki sii somm, ki ki baŋit.

Aisaya 41:5

“Digbanbanfɔka niib la maa tun linbawa; bi jekire ki jat baantir nan jaŋmaanii. Bi kur taan leebe ki baar.

Aisaya 43:26

“Ŋaant ki tin saan buut boor, baat nan i maan man. Pakin i maan, ki wann nan i mɔk mɔnii.

Aisaya 43:9

Tikit niib na, ki bin baar buut boor. Bi yenlanɔe saa fit bunt linba tan saa tumii? Bi ŋmee din bunt linba tan tuun mɔtana na? Ŋaant ki yennii maŋ n baar nan bi siara damm ki wann nan bi mɔk mɔnii, ki wann bi mɔnii bi mɔbona ni.

Aisaya 48:16

“Nakint n boor, ki gbat maa piak linba. Pinpiik niwa, n din piak paanu nie, ki tuu te ki n mɔbona na n mann mɔnii.” (Mɔtana, Yabint Yennu-e turin u Seek ki tumin.)

Aisaya 49:1

Yimm digbanbanfɔka damm, gbiintir man, yimm nba be banfɔka na. Bi din tan maarin na, ki sɔɔ Yennu gannin ki teenin u toontunnɔwa.

Aisaya 50:8

kimaan Yennu be nanin, ki saa wann nan n ki mɔk biiti. Sɔɔ mɔk par ki saa baar nan maan n paaki-i? Wun ŋaan tin tɔk saan barbuut boor. Wun baar nan u maan maŋ.

Habakuk 2:20

Yennu be u kasii Ŋasaakak ni; ŋaant ki sɔɔ kur nba be tingbouŋ na paak-ii tee soon nna u tɔɔnn.

Sekaria 2:13

Sɔɔ kur-ii ŋmin soon nna Yennu tɔɔnn, kimaan u saa nyi u kasii binbeboor na ki baar.