Aisaya 40:5 - Yennu Gbouŋ Mɔɔr

⁵ Ŋanne ki Yennu yiikoo saa dɔkit, ki nisaarii kur saa lar. Yennu tiɔŋo tur mɔsonn na.”

Aisaya 40:5 ပူးပေါင်းရင်းမြစ်များ

1 Kpanbara 14:11

A ŋaak nirɔ nba kpo doo ni, bɔie saa ŋmamɔ, ki wunba kpo muuk ni, juute saa diu. Min Yennu-e pak na.’ ”

Yaŋ 102:16

Yoo nba ki Yennu saa ŋamm maa Sayɔnn na u saa fiit u yabint ki wann.

Yaŋ 102:17

U saa gbat u niib nba ki u yêtib na, ki gbiint bi fabinii.

Yaŋ 72:19

Ii dont u baakir sann, nan yoo nba kaa gbennu. Tingbouŋ na kur n gbee nan u baakir. Mamɔmm nan mamɔmm.

Yaŋ 96:6

Dontir nan yabinte lintɔ, paŋ nan fante gbee u jiantu ŋasaakak na ni.

Yaŋ 97:6

Sanpaak mɔɔntir Yennu ŋante, ki nisaarii kur laat waa mɔk yiikoo biaŋinba.

Nyinu 16:7

Sanyiɔk ni, i won saa la yabint Yennu yentsaakar. U gbat yaa nyiirɔ biaŋinbawa. Nn, i nyiir ŋɔɔe, kimaan timm kpan tee u masɔkinteebe.

Aisaya 1:20

Ŋaan i-i yêtin, i saa kpoe. Min Yennu-e pak na.”

Aisaya 11:9

Siar sii kaa Yennu kasii kunkonn Sayɔnn paak ki tee daŋ, koo biiti. Tiŋ na tan saa gbee nan Yennu bannu, nan mɔkgbeŋir nba gbee nan nyun nae.

Aisaya 26:15

Yennu, fine te ki ti digbann yabitir, ki tantir li yent siar kur po, ki linba na tura baakir.

Aisaya 34:16

Gotir Yennu gbouŋ ni siaminba sɔb jiin bonfoa po na, ki karin laa yaa linba. Bonfoa na nan yenɔkɔɔwa kan boti, bonfoor kur sii mɔk u benanlɔɔe. Yennu-e wann a lii tee nna, u mɔŋe saa taamm boyennkɔɔ ni.

Aisaya 35:2

Kunkoouk na saa yin yaŋ ki hoot nan parpeenn; li saa faŋ nan Lebanonn kunkona nae, ki bia sii kpai nan Kamel nan Saronn sarwaat na. Sɔɔ kur saa la Yennu fant, ki la u yabint nan u yiikoo.

Aisaya 40:4

Gbeent baauk kur, ki yeer jɔɔr kur ki naa. Kunkona saa boor naa, ki digbann nba tee bongbetima na saa naa, ki ŋarik.

Aisaya 41:20

Niib saa la nna, ki bann nan min Yennu-e tumir. Bi saa bann nan Israel teeb kasii Yennu-e te ki li tun.”

Aisaya 49:6

Ki Yennu yetin a, “N toontunnɔ, n mɔk toonjaanne ki teena. Li ki tee nan a saa ŋamm teen Israel teeb nba ki n tinnib na kɔɔ kaa-ii yabii, ŋaan n saa te ki a tee yentue ki tur digbanlia, ki lin te tingbouŋ na niib kur n tinn.”

Aisaya 52:10

Yennu saa jii u kasii paŋ na ki tinn u niib, ki durinya niib kur saa lar.

Aisaya 58:14

ŋann i saa la n weiu manu nba tee. N saa te ki durinya teeb kur n turi baakir, ki i saa di manu, tiŋ nba ki n tur i yeeja Jakɔb na ni. Min Yennu-e pak na.”

Aisaya 6:3

Ki bi yeen bi leeb a: “Kasii, kasii, kasii. Yabint Yennu tee kasiie. U baakir gbee durinyawa.”

Aisaya 60:1

Jerusalem, fiit kii nyirii nan yonnu na; Yabint Yennu yentchiɔŋ na yentire a paak.

Aisaya 66:16

U saa jii muu nan banjiake ki dat durinya na niib nba kur mɔk biit na tuba, ki kpi bi bonchiann.

Aisaya 66:18

N mi bi dudukit nan bi marima. N baate a man taan digbana kur niib. Bi-i lakin yoo nba, bi saa la n yiikoo nba saa tun linba,

Aisaya 66:23

Ki ŋmaapaaŋ jaamm kur, nan foon daar kur, digbana kur niib saa baar Jerusalem na ki tan jiantin.” Yennu-e pak na.

Jeremaya 32:27

“Mine tee Yennu nba tee nisaarii kur Yomdaanɔ, siar kaa ki paar n boori.

Jeremaya 9:12

Ki n boi a, “Yennu, bee ki tiŋ na biir, ki bia koor nan kunkoouk na, ki sɔɔ ki gaar leŋi? Ŋmee sub fanu ki saa bann linba na paaki? A wann ŋmee li paak, ki u mun saa wann leebi?”

Joel 2:28

“Ki li poor po, n tan saa sikin n Seek, sɔɔ kur paak, ki i bonjai nan i bonpoi tan sii sɔkint n maan, ki i jakpera mun tan sii damii damiit, ki i naasimm tan sii laat yirintu.

Maika 4:4

Ki sɔɔ kur sii be nan parmaasir, ki kar u tiɔŋ tilontii nyaka, ki sɔɔ ji kan kɔɔmm jaŋmaanii. Yabint Yennu-e senn mɔsonn na.

Habakuk 2:14

Ŋaan tingbouŋ na tan saa gbee nan Yennu baakir bannu, nan biaŋinba ki nyun tuu gbee mɔkgbeŋa nae.

Sekaria 2:13

Sɔɔ kur-ii ŋmin soon nna Yennu tɔɔnn, kimaan u saa nyi u kasii binbeboor na ki baar.

Barŋanii nba ki LUK din sɔb nae na 2:32

U sii tee yentu ki fiit a sɔnu ki wann binba ki tee Israel teeb na, ki bia baar nan dontir ki tur a niib Israel teeb.”

Barŋanii nba ki LUK din sɔb nae na 3:6

ki tingbouŋ niib kur saa la biaŋinba ki Yennu saa tinnib.’ ”

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki gbee nan ninbatinu, nan barmɔnii wannu, ki timm nba din be nanɔ na laat u yentsaakar, ki li yentsaakar nyii u Baa Yennu boor, kimaan u tee u Biyemmir.

Jɔɔnn 12:41

Aisaya din yet nna, kimaan u din la Yiisa yentchiɔŋu, ki pak jiin u po.

Jɔɔnn 17:2

kimaan fine turin yiikoo niib kur paak, a man fit tur niib kur nba ki a turin maŋ manfoor nba kaa gbennu.

Toona 2:17

‘Yennu yet a: Durinya joontu yoo n tan saa tun linba nae: n tan saa sikin n Seek sɔɔ kur paak, ki i bonjai nan i bonpoi tan sii sɔkint n maan, ki i naasimm mun tan sii laat yirintu, ki i jakpera tan sii damii damiit.

2 Korint teeb 3:18

Li paak, chinchenn maŋ ji ki dɔɔk ti numm po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boore.

2 Korint teeb 4:6

Yennu nba din yet a “Yentu n yent bunbɔnn ni na,” ŋɔɔe te ki u yentu na yentir ti para ni, a ti bann u yentsaakar nba tee biaŋinba; li yentue yeen Yiisa Masia numm po.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu maŋ yentu na, ki dia durinya yaka kur nan u mɔmaan nba mɔk paŋ. Waa din tun linba saa te ki niib n la nyikinchab bi biit paak yoo nba na, ki u ji kar Yabint Yennu niidiitu po, Yendɔuŋ ni.

Fiitu 21:23

Ki doo maŋ ki loon ŋmaarik koo yonnu yentu, kimaan yabint Yennu baakchiɔŋ nae tee li yentu, ki Pegann na mun tee li fitir.