Aisaya 40:26 - Yennu Gbouŋ Mɔɔr

²⁶ Gotir sanpaak. Ŋmee nan ŋmaabira nba ki a laat na? Li tee wunba gar bi tɔɔnn nan nirɔ nba saa gar nibur tɔɔnn nae. U mi ŋmaabira maŋ kann nba tee, ki yi ŋmaabir kur nan u sann. U yiikoo yab bonchiann, ki nan ŋmaabir yennkɔɔwa ki boori.

Aisaya 40:26 ပူးပေါင်းရင်းမြစ်များ

Pinpiik 1:14

Ki Yennu yet a, “Ŋaant yentu-ii be yiar nba be sanpaapo na ni, ki bɔkit yonnu ni nan nyiɔk, kii tee nyina, kii want daa nan ŋmaarii nan bina nan marint saka.

Pinpiik 1:16

Ki ŋɔɔ Yennu nan yentii bongbeŋa ŋanlee, a yentu nba yab-ii dia yonnu ni, ki yentu nba waar-ii munii dia nyiɔk; ki u bia nan ŋmaabira,

Yaŋ 102:25

Sian yooewa ki a din nan tingbouŋ na, ki jii a tiɔŋ nii ki nan sanpaak.

Yaŋ 119:91

A sennu na paake te ki bona kur biar be, kimaan bi kur tee a daabae.

Yaŋ 121:1

N got jɔjaana paak; n sommir saa nyi lee ki baari?

Yaŋ 19:1

Sanpaak want Yennu baakir nba tee biaŋinbae; ki sanpagbant mɔɔntir u nii nba ŋamm linba.

Yaŋ 66:3

ki yet Yennu a, “Toona nba ki a tuun na teen bakitnauŋ. A paŋ yab bonchiann, ki li te ki a datai gbaa a tɔɔnn nan jaŋmaanii.

Aisaya 34:16

Gotir Yennu gbouŋ ni siaminba sɔb jiin bonfoa po na, ki karin laa yaa linba. Bonfoa na nan yenɔkɔɔwa kan boti, bonfoor kur sii mɔk u benanlɔɔe. Yennu-e wann a lii tee nna, u mɔŋe saa taamm boyennkɔɔ ni.

Aisaya 42:5

Yennu-e nan sanpaak ki jɔnnir, ki ŋamm tingbouŋ na nan linba kur be li ni, ki tur li niib kur manfoor nan foon. Ki mɔtana, Yomdaanɔ Yennu maŋe yet u toontunnɔ a,

Aisaya 44:24

“Mine tee Yennu, ki tee i tinntɔɔ. Mine tee wunba nami. Mine tee Yennu nba nan bont kur. Min kɔɔe din jɔnn sanpaak. Maa din naan tingbouŋ na yoo nba, sɔɔ ki sommin.

Aisaya 45:12

Mine nan tingbouŋ na, ki nan nisaarii a bii be leŋ. N jii n yiikooe ki jɔnn sanpaak, mine ŋmakitir yonnu nan ŋmaarik nan ŋmaabira.

Aisaya 45:7

Mine nan yentu nan bunbɔnn kura; mine baat nan piisin nan biiru kur. Min Yennu-e tuun linba na kur.

Aisaya 48:12

Yennu din yet a, “Gbiintir man, yimm Israel teeb nba ki n yiini na. Mine tee Yennu, ki tee piinu nan joontu, ki tee Yen-yemmir.

Aisaya 48:13

N niie din nan tingbouŋ na fiakir ki jɔnn sanpaak. Mi-i yiin tiŋ nan sanpaak, bi tuu baare yian, ki jii bi mɔŋ ki turin.

Aisaya 51:6

Gotir sanpaak, ki got tingbouŋ. Sanpaak saa bot nan munyuut nae; ki tingbouŋ n kpet nan kparchant na, ki li niib kur saa kpo nan kpajuut nba kpenn biaŋinba na. Ŋaan maa baat nan tinnu nba na sii yɔɔ be-e. N nyannu nae sii tee linba see.

Aisaya 66:2

N tiɔŋo nan durinya na kur. N par mei nan binba sikint bi mɔŋ ki mɔ kɔɔ bi biit paak nae, ki tee binba tiinin ki saak n mɔb na.

Sennu 4:19

I daa te ki sɔɔ kpanni nan yin gbaan ki jiant linba ki i laat sanpaapo na, laa tee yonnu koo ŋmaarik koo ŋmaabira. Ti Yomdaanɔ Yennu jiir ki tur nileeb nba tenn nae, a bii jiantir.