Aisaya 40:24 - Yennu Gbouŋ Mɔɔr

²⁴ Bi tee nan bont nba tuu pia ki daa ki baa jiina nae. Yennu-i te ki wouŋ da yoo nba, bi tuu koore, ki wei wouŋ nan mɔɔt na.

Aisaya 40:24 ပူးပေါင်းရင်းမြစ်များ

2 Samuel 22:16

Ki mɔkgbeŋir tiŋ po ji dɔɔ yann, ki tingbouŋ na fiakir nyɔɔnt, yoo nba ki Yennu yakii nan u datai ki tantir bi paak nan wutoor na.

2 Kpanbara 10:11

Li yoo ki Jehu kpii binba kur din tee Ahab nikpiimm, ki be Jesreel doo ni na kur, nan u toona saakab, nan u yɔɔsnba, nan u patmannteeb kur. Nan yenɔkɔɔwa din ki biari.

JOB labaar 21:18

Taar munŋaae ki u pebirib nan wonpaaruk nba tuu yat mɔpont, koo nan biaŋinba ki wonpaaruk tuu pebir tanbiinii ki yaat nann na?

JOB labaar 4:9

Yennu saa donn wutoor ki biirib nan wonpaaruk nae.

JOB labaar 8:17

Ki bi jiina tuu lor lint tana, ki soor tann kur kenken,

Yaŋ 58:9

Bi tuu tan bant na, ki sɔɔ ki bi chɔɔb nan mɔɔt nawa; Yennu saa pebirib ki yaat namm nan u wutoor, baa lek be bi manfoor ni gbaa.

Yaŋ 83:13

Yennu, ŋaant ki bii tee nan tangbiruŋ na, kii biaki tee nan fouŋ nba ki wouŋ tuu pebir na.

Barjokit 1:27

Yoo nba ki daamii baar i paak nan wonpaaruk na, ki i be gbanantont nan parbiir ni na,

Aisaya 11:4

U saa bu tarii buut fanu, ki kɔn talas damm paak. U tuu saa tur mɔbe ki bin dat niib tuba, ki nibiit na saa kpo.

Aisaya 17:11

ŋaan bi-i lekii pia ki yinn puuk sanyiɔk nba ki i burib na ni, ŋaan i kan jaammi. Daamii nan tonu nba kaa tebuk kɔɔe sii be.

Aisaya 17:13

Niib na saa yian nan nyunpana nae, ŋaan ki Yennu kpaanib, ki bi ŋmat nan kunkonn paak tangbiruŋ na, nan sajaperinn nba tuu jii mɔpont na.

Aisaya 30:33

Sian yooewa ki bi din ŋamm siaminba ki muchiɔŋ tan saa di Asiria kpanbar na. Leŋ maŋ sumii, ki yarin, ki daat bia gbee. Yennu-e saa foont muyeruk ki lin joor.

Aisaya 37:7

Ŋɔɔ Yennu saa te ki Asiria kpanbar na n gbat biyaa maan, ki li saa te wun ŋmat kun u tiɔŋ tiŋ ni, ki Yennu n te bin kpiu leŋ.”

Aisaya 40:7

Mɔɔt tuu jɔɔke, ki puuk n koor, yoo nba ki Yennu tun wouŋ ki li da gar li paak. Nisaarii ki yukii nan mɔɔt nba ki yukii nae.

Aisaya 41:16

I saa faa donnib sanpaapo, ki wouŋ n pebirib ki yaat, ki wonpaaruk saa yatib. Ki i ji sii mɔk parpeenn, kimaan mine tee i Yennu; ki i saa dont min nba tee yimm Israel teeb kasii Yennu na sann.

Aisaya 41:2

“Ŋmee din nyii nan nyannu daanɔ na yondo po, ki turɔ nyannu siaminba kur ki u saani? Ŋmee din te ki u nyann kpanbara nan digbana? U takoobu na chɔɔ butib nan bi tee tangbiruŋ nae, ki u peenii yatib nan wouŋ nba tuu yat mɔɔt na.

Jeremaya 22:30

“Jɔɔ na saa kɔŋ u waasa, ki sii tee daanɔ nba kan ban nyann. U kii mɔk yaaboona nba saa dia Juda tiŋ ki tee binba set kpanbar Defid taaboouk ni. Min Yennu-e pak na.”

Jeremaya 23:19

U wutoor na tee wonpaaruko, wonpaaruk nba saa da biit damm paak.

Hosea 13:15

Israel teeb-i lekii bint nan mɔɔt na, ŋaan n saa te ki yonput po wontouŋo n nyi kunkoouk paak, ki koor bi nyuntona nan bunbuna. Wouŋ na saa jii linba kur mɔk nyɔɔt.

Hosea 13:3

Li paak, niib na saa bote nan sanyiɔk ni wunn na, ki bia bot nan sanyiɔk ni marin na. Bi sii tee nan fouŋ nba ki wouŋ tuu pebir jarik ni nae, ki bia tee nan munyuuk nba tuu nyi mɔpin-yerik ni biaŋinba na.

Nahum 1:14

Linba nae ki Yennu senn ki jiin Asiria teeb po: “Bi kii mɔk yaaboona nba ki bi sana sii gaa bi paaki. N saa biir pata nba be bi yenbis jiant diit ni na. N ŋamii kaate ki guunt Asiria teeb. Bi ki ŋan nan bii be bi manfoa ni.”

Hagai 1:9

“I tuu daan nan i saa jaan jeet bonchiann, ŋaan i tuu tan jaan waaminnae. I kun nan linba ki i jaan na yoo nba, n tuu pebir yatire. Bee ki n tuu tun nna? Kimaan n Ŋasaakak nba biar dɔɔ langbenn ŋaan ki i sɔɔ kur ninbinn mɔn u mɔŋ mɔŋ ŋaak toona paak na.

Sekaria 7:14

N din jiibe nan wonpaaruk na, ki saan namm digbangana ni. Tinŋaŋ na ji din biare ki dɔɔ yann, ki sɔɔ kaa leŋi.”

Sekaria 9:14

Yennu saa dɔkit ki be u niib yur paak. U saa tɔ u peenii nan sanyikintii nae. Yabint Daanɔ Yennu saa peb naatunn, ki sii be wonpaaruk nba saa nyi niidiitu po ki baar na ni.