Aisaya 40:22 - Yennu Gbouŋ Mɔɔr

²² Wunba kar u naan gbant paak nae din nan durinya na. U be tingbouŋ nan sanpaak liik poewa, ki nisaarii nba be tingbouŋ na ni waar ki tee nan lannyanii na. Ŋɔɔe jɔnn sanpagbouŋ na nan jinjɔŋ na, ki li naan diiuk nba ki nirɔ sii be li ni.

Aisaya 40:22 ပူးပေါင်းရင်းမြစ်များ

Pinpiik 1:6

Ki Yennu yet a, “Ŋaant sanpagbouŋ n dɔɔr nyun nba be sanpaapo na, nan nyun nba be tiŋ ni na sinsuuk ni.”

JOB labaar 22:14

I dukii a sanpagbant na dɔkinɔe, ki u lin somm sanpaapo ki ki laati.

JOB labaar 26:7

Yennu-e tant sanpaak nba be niigaŋ po na, ki jɔnn tingbouŋ na, ki siar ki diari.

JOB labaar 36:29

Sɔɔ ki mi sanpagbant na nba chari biaŋinba, koo biaŋinba ki satianii na nyi sanpagbant na ni, siaminba ki Yennu be na.

JOB labaar 37:18

A saa fit somm Yennu ki wun lat sanpaak na, ki ŋammir ki lii wakii nan kut nawa-a?

JOB labaar 9:8

Sɔɔ ki somm Yennu ki u lat sanpagbanti, koo ki sommɔ ki u ŋmaat nyun ni bonsusoouk paaki.

Yaŋ 104:2

A gbee nan yabinte nan baakir, ki gbab yentu, ki li linta nan chinchenn na. A tant sanpagbouŋ nan nyungbouŋ nae,

Yaŋ 18:11

U jii bunbɔnne ki dɔkin u mɔŋ, ki sanpagboun-gbakisir nba gbee nan nyun na kaan lint u munn po.

Yaŋ 19:4

ŋaan ki mɔmaan nyi ki saa durinya kur po, ki sɔɔ kur gbia tingbouŋ na kur po. Yennu ŋamm binbeboor sanpagbouŋ ni ki tur yonnu;

Yaŋ 2:4

Yennu kar u naan binbintir paak yendɔuŋ ni, ŋaan laab nan bi lorkpeena maŋ.

Yaŋ 29:10

Yennu mɔk yiikoo mɔkgbeŋa na paak. Yennu-e tee kpanbar mɔkmɔk nan mɔkmɔk.

Yaŋ 68:33

ki tur ŋɔɔ nba jaak yaayoo ni sanpagbouŋ paak na. Gbiintir u satian-paarii.

Barjokit 8:27

N din be yoo nba ki u jɔnn sanpaak na, nan yoo nba ki u te ki yiar dɔɔr sanpaak nan mɔkgbeŋir sinsuuk ni na,

Aisaya 19:1

Mɔmaan na jiin Ijipt teeb poe. Yennu baat Ijipt-e, ki jaak sanpagbouŋ paak ki saa yian yian. Ijipt tingbana jekire u boor, ki Ijipt teeb na kɔŋ bi parcheenn.

Aisaya 37:16

“Yabint Yomdaanɔ, timm Israel teeb Yennu nba kar a naan binbintir paak, bona nba mɔk kpinkpant na paapo, fin kɔɔe tee Yennu, ki dia durinya na naan gbant kur. Fine nan tingbouŋ nan sanpaak.

Aisaya 40:15

Yennu boor, digbana tee yanne, li tee nan nyun nba tuu too kpek nae. Kunkona nba see mɔkgbeŋa ni na fukii nan tangbiruŋ nae.

Aisaya 40:17

Digbana na ki tee siar u boori.

Aisaya 42:4

U kan ŋaa tama, koo dindanni; u saa baar nan mamɔmme durinya paak. Digbanbanfɔka damm kpan guu u tumiiue.”

Aisaya 42:5

Yennu-e nan sanpaak ki jɔnnir, ki ŋamm tingbouŋ na nan linba kur be li ni, ki tur li niib kur manfoor nan foon. Ki mɔtana, Yomdaanɔ Yennu maŋe yet u toontunnɔ a,

Aisaya 44:24

“Mine tee Yennu, ki tee i tinntɔɔ. Mine tee wunba nami. Mine tee Yennu nba nan bont kur. Min kɔɔe din jɔnn sanpaak. Maa din naan tingbouŋ na yoo nba, sɔɔ ki sommin.

Aisaya 51:13

A tamm Yennu nba nama na poe, wunba tant sanpaak, ki bia nan tingbouŋ fiakir na poe-e? Bee ki a yɔɔ be jaŋmaanii ni ki jiin binba mukisa nan wutoor, nan binba teen siir a bin biira na po? Bi wutoor na kan ban siia ni.

Aisaya 66:1

Ki Yennu yet a, “Sanpaak tee n naangbouŋo, ki tingbouŋ na mun tee n taakpakitir. Ŋaboorbee ki i saa maa turimi? Binbebolanne ki n sii be leŋi?

Jeremaya 10:12

Yennu jii u yiikooe ki nan tingbouŋ na, ki jii u subinii ki nan durinya na, ki tant sanpaak.

Sekaria 12:1

Mɔmaan nba na nyii Yennu nba nan sanpaak nan tingbouŋ ki tur nisaarik manfoor na boore, ki teen Israel teeb. U yet a,

Nikant 13:33

Ti bia la niwakita leŋ, ki bi tee Anak teeb yaaboona, ki ti got ti mɔŋ ki ti naan nan naasulankpant na bi boor, ki bi mun goriit ki ti naan nna.”