Aisaya 40:2 - Yennu Gbouŋ Mɔɔr

² Turin Jerusalem teeb na parcheenn. Pakimm nan bi dii fara ki li yukir jaŋa, ki mɔtana bi biit la nyikinchaba. N dat bi tuba bi biit kur paaka.”

Aisaya 40:2 ပူးပေါင်းရင်းမြစ်များ

Pinpiik 34:3

U nian din kɔɔ Daina ni bonchiann, ki u loon wun dak ki nyannɔ,

2 Barkperii 30:22

Hesekia din kpakitir Liifai teeb na kur, binba din jii dudukŋant ki ŋmakitir ki bi jiantir Yennu na. Bi din ji daa ŋanlore ki di jeet bɔkitir nba ki bi turib na, ki bia tur weinanleeb Yenpiinii, ki pak Yennu nba tee bi yeejamm Yomdaanɔ na.

Yaŋ 32:1

Damm nba ki Yennu nyik chab bi yanbɔmm, ki bia piin bi biit na, parpeenn tee bi yare.

Yaŋ 85:3

A nyik ki ji ki dont wutoor nammi, ki soor a parbeenn na.

Banntɔɔ 3:4

ki senn ninbaatir yoo, ki bia senn kpinkpammuk yoo, ki senn fabinii yoo, ki bia senn sawaanu yoo,

Aisaya 12:1

Yoo baat ki niib saa yin yaŋ a, “N dontira, Yennu. A wutoor bo doo n paake, ŋaan mɔtana a maan n para, ki a wutoor bia ji ki do.

Aisaya 14:3

Yennu saa tur Israel teeb na foon, ki bin nyi bi gbananyekitir nan bi fara dinu nba ki bi miamm ki bi tuun ninmɔnn toonn na ni.

Aisaya 27:9

Israel teeb saa la nyikin chab, li-i tee ki bi nann bi tingbana maruŋ binbinta tana na ki li kpant yon, ki bi yenbis bonnunubit binbinta, nan chicherpook Asera ninnant na bia kaa.

Aisaya 33:24

Wunba kur be ti tiŋ na ni kan ban yet a u yiar, ki bi biit kur saa la nyikinchab.

Aisaya 35:4

Pakin wunba kur ki mɔk tama a, “Ii mɔk paŋ ki daa tiin jaŋmaanii, Yennu baate a wun tinna, u baate a wun dat a datai tuba.”

Aisaya 43:25

Ŋaan mine bia tee Yennu nba nyikin i biit ki chabiti; n tuun linba na, kimaan maa tee wunba na paake. N kan biiri, i biit paaki.

Aisaya 44:22

N wuur i biit ki li yaat nan sanpagbouŋ nba tuu gar biaŋinba nae. Jennin n boor man; mine tee wunba tinti.”

Aisaya 49:25

Yennu yeen a, “Linba saa tume na. Bi saa jii kunkɔnkɔntondaanɔ dansarii na ki yaat namm, ki bia fat kunkɔnkɔntondaanɔ bona. N saa kɔn nan wunba kur kɔn nani, ki saa tinn i waas.

Aisaya 51:17

Jerusalem, fiit gɔɔn ni, kutir fiir. A nyuu tubdatu nyubitik nba ki Yennu wutoor doo ki u tura, a fan nyu nawa. A nyuur, ki li sike, ki te ki a tukintir.

Aisaya 53:5

Ŋaan ti biit paake ki bi paanu daŋ, ki boou ti yanbɔmm paak. Ti la laafia u biak nba ki u dii na paake. Waa gaar tanpakii na paak, ki ti la laafia.

Aisaya 53:6

Ti kur din tee nan pei nba tuu bot nae, ki sɔɔ kur tɔk u sɔnu. Ŋaan ki Yennu te ki ti tubdatu na baa u paak, tubdatu nba bo kpaa ti kur na.

Aisaya 54:15

Li-i tee ki sɔɔ leka, u tun nna ŋaan ki n nuu kaa leŋ. Wunba kur kɔn nana, see ki u baa.

Aisaya 54:17

Ŋaan jatiɔk kaa ki saa fit paana daŋi, ki a sii mɔk gatu ki tur binba kur piak biira na. N saa kɔn n toontunna paak ki turib nyannu.” Yennu-e pak na.

Aisaya 55:7

Nitont n nyik binbeŋ nba ki bi be na, ki bia lebit dudukit nba ki bi dukii na. Ŋaant ki bin jen ti Yomdaanɔ Yennu boor. U mɔk ninbatinu, ki nyik chabit yian yian.

Aisaya 6:7

ki jii musankɔɔnn na ki suu n mɔgbana, ŋaan yet a, “Linba na sii a mɔgbanawa, ki mɔtana a biit piina, a yanbɔmm la nyikin chaba.”

Aisaya 61:7

I fei nan yukpiasir kur gbenna. I sii be i tiɔŋ tiŋ ni, ki i mɔkint saa pukin, ki i parpeenn sii be yoo kur.

Aisaya 66:13

N saa maan i para Jerusalem doo ni, nan binaa nba tuu maant u bik par biaŋinba na.

Jeremaya 16:18

N saa te bin pa bi biit, nan bi tonu toona paak taar munlee-e, kimaan bi biir n tiŋ nan bi pata nba ki manfoor kaa bi ni, nan nirɔ nba tuu kpo ki manfoor kaa u gbanant ni nae, ki gbeen n tiŋ na nan tingbana.”

Jeremaya 17:18

Yennu, baat nan fei binba mukisin na paak, ŋaan te ki n daa di fei. Gbeentib nan jaŋmaanchiɔŋ, ŋaan daa te ki n tiin jaŋmaanii. Baat nan biak bi paak, ki but butib.

Jeremaya 29:11

Min kuukɔɔe mi i paak lora nba ki n mɔk, lora nba saa turi mɔkint ki li ki tee biak kaa, lora nba saa baar nan linba ki i daan tɔɔnn po na.

Jeremaya 51:10

Yennu yet a, “N niib na hoot a, ‘Yennu wann nan timme mɔk mɔnii. Ŋaant ki tin saan pak niib nba be Jerusalem na, ti Yomdaanɔ Yennu nba tun linba.’ ”

Fabinii 4:22

Yennu dat Sayɔnn teeb tubawa, u kan te ki ti ji tee yommii boorganu tiŋ ni; ŋaan yimm Edom teeb, Yennu saa dat i tubawa; u saa fiit i toonbiit na ki nyinnir paanu.

Esekiel 16:42

Ŋann kɔɔe saa te ki n wutoor saa maak. Ki n bia kii mɔk funfunn jikii.

Daniel 11:35

Bi saa kpi yandamm nba tee saakab na siab, ŋaan linba na saa te ŋamm Yennu niib n ŋamm kii be fanu. Li sii kpan tuun nnae nan li joontu, yoo nba ki Yennu senn na.

Daniel 12:4

Ki u ŋamm yetin a, “Daniel, mɔtana, pɔbint gbouŋ na, ki bɔr li maan nan yoo na joontu. Tɔn, niib bonchiann sii lin yirib, ki bannu saa pukin.”

Daniel 12:9

Ki u jiin a, “Daniel, ii saa, kimaan mɔmaan na tee fan bekire, ki lii be bɔr ni, nan yoo na joontu.

Daniel 9:12

A tun linba ki a din yet a a saa tun tur timm nan ti doo diara nawa, ki baar nan biiru ti paak. Tingbouŋ na kur po, siar boor daa ki ban la tubdatu nan linba baar Jerusalem na na.

Daniel 9:2

U naan binsinsinn niŋe, ki min Daniel din karin Yennu gbouŋ, ki dukii bina piinlore nba ki Jerusalem saa kpant langbent na po, ki tee nan biaŋinba ki Yennu yet u sɔkinii Jeremaya na.

Hosea 2:14

“Li paak, mɔtana n ji yaa man jiiue ki saan nanɔ muuk ni. Leŋe ki n sa saa jii lomm ki fat u yan.

Hosea 2:16

Ki Yennu ŋamm yet a, “Daa maŋ ni, u saa yiinin u sɔrɔ, ki ji kan ban yiinin chanbaa, nan baa yi tingbann chanbaa na.

Habakuk 2:3

A ŋaan ki lii be sɔbinii ni, kimaan yoo daa ki jaŋ nan lin tun nna, ŋaan yoo baate yian yian, ki maa saa wanna linba na, li set saa tun nan barmɔniiwa. Li sii tee nan li taantire na, ŋaan guutir, li tan saa baara, li kan yukir nan baaru.

Sefania 3:15

Yennu nyik i tubdatu nawa, u nyinn i datai kura. Yennu nba tee Israel teeb kpanbar na be nani. I ji daa tiin jaŋmaanii.

Sekaria 1:13

Ki Yennu tur malaka na par-kpaŋir mɔbona.

Sekaria 1:15

Ŋaan n wutoor doo digbanlia nba be parmaasir nan bi yamani na paak bonchiann, kimaan yoo nba ki n wutoor doo waan, n niib paak na, digbana maŋe daan te ki n niib maŋ wahala ŋamii pukii.

Sekaria 9:12

Jenin man, yimm yommii nba ki mɔk dindann na, ŋmatir kun i doi ni, siaminba ki fat-n-mɔŋ be na, n beerie, n saa pa piisin ki jiini, ki lin gar biak nba ki i dii na taar munlee.

Toona 1:7

Ki Yiisa yetib a, “Li ki lai nan yin bann yoo nba ki n Baa Yennu senn a lin tun na; ŋɔɔe mɔk yaak ki senn u yoo.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ Bija, ki poo marɔ, ki u sak Juu teeb sennu,

Fiitu 18:6

Tɔn, bin mun tun ki jiinɔ nan waa tuu tuun biaŋinba na, ki pau u biit pann taar munlee, ki dat u tubir bonbiir, kimaan u te ki niib tun toonbiit bonchiann.