Aisaya 40:10 - Yennu Gbouŋ Mɔɔr

¹⁰ Yabint Yennu baat a wun dia durinya na nan yiikoo. U baat ki dia niib nba ki u tinnib na.

Aisaya 40:10 ပူးပေါင်းရင်းမြစ်များ

Pinpiik 15:1

Linba na poorpoe ki Yennu mɔmaan baar Abram, yirintu ni. Yennu maŋ din yetɔ a, “Abram, daa tiin jaŋmaanii. N saa nyinna ninmɔnn ni, ki bia tura paab bonchiann.”

Yaŋ 110:6

U saa bu digbana buut, ki te ki nikpeena lar tɔb ni; u saa nyann kpanbara tingbouŋ na kur po.

Yaŋ 66:3

ki yet Yennu a, “Toona nba ki a tuun na teen bakitnauŋ. A paŋ yab bonchiann, ki li te ki a datai gbaa a tɔɔnn nan jaŋmaanii.

Aisaya 28:2

Yennu mɔk sɔɔ, ki u mɔk paŋ nan yiikoo, ki saa lekib. Daanɔ maŋ saa baar nan sakaana nae, koo sajakper matuŋ na, koo nyunmɔnpaarir na, ki yent tiŋ maŋ.

Aisaya 33:2

Yennu, ii mɔk ninbatinu nant. Ti teen ti dindann a nie. Ii guut daar kur, ki tinnit daamii yoo.

Aisaya 49:4

Ki n jiin a, “N tun toonn-a, ŋaan dindann kaa. N nyinn n paŋa ŋaan ki la siara nyɔɔt.” Ŋaan n saa teen Yennu-e yada ki wun sommin n toona ni; u saa pan, n toona paaka.

Aisaya 51:5

N saa baar yiame ki tinnib, n nyannu yoo na pera. N mɔŋe sii dia digbana. Digbanbanfɔka guu n baarue, ki guu nan dindann a man tinnib.

Aisaya 53:12

Li paak, n saa turɔ binbeboor nba mɔk baakir, ki li tee nijaana nan yiikoo damm sinsuuk ni. U yanbɔɔte ki u chab u manfoor, ki gaar yanbɔndamm bonchiann paak ki dii biak, ki miar Yennu a wun nyik chabib.”

Aisaya 59:15

Mamɔmm mantik waar, ki li te wunba nyik yanbɔntoona, ki bi dintɔ biak.” Yennu la linba nawa, ki u par biir nan niib nba ki laat bi mɔnii na paak.

Aisaya 59:16

Li bakitɔe nan waa la ki sɔɔ kaa ki saa somm binba ki bi dintib biak na. Li paak, u saa jii u tiɔŋ yiikooe ki nyinnib, ki te bin nyann.

Aisaya 59:18

U saa dat u datai tuba nan bi toona nba tee biaŋinba nae, nan binba be banfɔka na gbaa.

Aisaya 62:11

nan Yennu mɔɔntir teen tingbouŋ kure a, “Pakin Jerusalem teeb a, ‘Yennu baat a wun tinni, ki tɔk nan niib nba ki u tinnib na.’ ”

Aisaya 63:5

Li bakitime, yoo nba ki n got ki la nan sɔɔ kaa ki saa sommin na. Ŋaan n wutoor na turin paŋe, ki n mɔŋ kɔn ki nyann.

Jeremaya 31:16

Nyikin mɔnii ŋaan fiar a ninnyuut na. Linba kur ki a tun ki tur a waas na kan biar yann, ki kaa nyɔɔti. Bi saa nyi datai tiŋ ni ki jena.

Malakai 3:1

Ki Yabint Yennu na jiin a, “N saa tun n toomu ki wun ŋamm sɔnu na ki turin. Tɔn, ki Yennu nba ki i guu-u na saa baar yiama, u Ŋasaakak na ni. Toomu nba ki i gorii u sɔnu po na saa baar ki tan wanni n mɔlor na.”

Matiu 28:18

Ŋanne ki u chat nakimm, ŋaan yet a “Yennu turin sanpaak nan tiŋ yent kurawa.

Jɔɔnn 12:13

Ki bi ji ŋat biabfaat ki che a bin tookɔ, ki yikin sanpaapowa a, “Hosaana, Piisin-ii be wunba baat Yennu sann ni na paak. Yennu n teen piisin timm Israel teeb kpanbar paak.”

Jɔɔnn 12:15

“Sayɔnn doo teeb, i daa tiin jaŋmaanii. Gotir, i kpanbar jak bonpaaŋe ki baat.”

Hiibru teeb 2:14

Tɔn, Yennu waas nba tee nisaarii na paak, Yiisa mun din tee nisaarike nan ŋamm na, a u kuun ni wun tan biir Sintaanii nba mɔk kuun paŋ na,

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Yennu Bija Yiisa baar a wun biir Sintaanii toonae.

Fiitu 17:14

ki bi tan saa kɔn nan Pegann na, ki Pegann na saa nyannib, kimaan u tee yomdamm kur Yomdaanɔ, nan kpanbara kur Kpanbare, ki u poorpoweiteeb mun tee binba ki u yiinib ki gannib, ki bi bia tee nimɔmm.

Fiitu 20:11

Ki n bia la naangboungbeŋir nba peen bonchiann, nan wunba kar li paak na; ki tingbouŋ nan sanpaak mir bot u tɔɔnn, ki sɔɔ ji kan mi lar.

Fiitu 22:12

Yiisa yet a “Gotir man, n baate mɔtana, ki dia sɔɔ kur toona nyɔɔt, a n tan turɔ.