Aisaya 38:5 - Yennu Gbouŋ Mɔɔr

⁵ a wun ŋmat Hesekia boor ki saa pakɔ a, “Min Yennu nba tee a yeeja Defid Yomdaanɔ na gbat a miaru nawa, ki bia la a ninnyuut nawa. N saa te ki a manfoor n pukin bina piik nan ŋanŋmu.

Aisaya 38:5 ပူးပေါင်းရင်းမြစ်များ

1 Kpanbara 15:4

Ŋaan Defid paak, ki u Yomdaanɔ Yennu tur Abija bonjak nba tan saa gaar Jerusalem naan, ki dia Jerusalem fanu, u baa kuun poorpo.

1 Kpanbara 8:25

Ki mɔtana, Israel teeb Yomdaanɔ Yennu, n meia nan a bia dia mɔsonleer nba ki a din senn ki tur n baa, ki yet nan yoo kur u yaaboonne sii yɔɔ tee Israel kpanbar, li-i tee ki bi yɔɔ saak a mɔb nan waa din saak biaŋinba na.

2 Kpanbara 18:13

Kpanbar Hesekia naan bina piik nan ŋanna niŋe, ki Asiria kpanbar Senakerib lek Juda doi nba ki bi maa joona ki lint na, ki nyannib.

2 Kpanbara 18:2

ki mɔk bina piinlee nan ŋanŋmu, ki kar Jerusalem bina piinlee nan ŋanyia. U naa sanne tee Abija, ki tee Sekaria bipoo.

2 Kpanbara 19:20

Ki Aisaya nakin ki pak kpanbar Hesekia a Yennu yet a, “N gbat a miaru ki jiin kpanbar Senakerib powa.

2 Barkperii 34:3

Josaya naan bina ŋanniin niŋ nba ki u daa tee naasinbik na, ki u piin jiantir u yeeja kpanbar Defid Yennu, ki bina ŋanna gar, ki u piin bet tingbanjiantboa, nan chicherpook Asera ninnant, nan tingbana nba kur be.

JOB labaar 14:5

Yennu daan senn nisaarik manfoor ki jaŋ u ŋmaarii kann nba tee-e, ki u kan fit yakir.

Yaŋ 116:15

Yennu nirɔ yenɔkɔɔ-i kpo, li tuu yiar Yennu bonchiann.

Yaŋ 147:3

U teen binba para ni la daŋ nae laafia, ki lorin bi fiat.

Yaŋ 39:12

Yennu, gbiintir n miaru ki bia gbiint n fabinii; mi-i mɔ, fan baar ki tan sommin. N be a boor ki tee nan saamɔ nae, ki tee nan n yeejamm nba din tuu tee na; n kan wei.

Yaŋ 56:8

A mi n fabinii nba tee biaŋinba, ki la n ninnyuut kann nba tee biaŋinba, ki sɔb teen a gbouŋ ni.

Yaŋ 6:9

U gbiin n bubuuk ki jiin sommir po, ki saa gat n miaruwa.

Banntɔɔ 3:3

ki senn nikpinu yoo ki bia senn tebu yoo, ki senn yeeru yoo, ki bia senn maanu yoo,

Aisaya 37:21

Ki Aisaya nakin ki pak kpanbar Hesekia nan u miaru jiinue na,

Aisaya 38:4

Ki Yennu wann Aisaya

Fabinii 3:56

Yoo nba ki n tan barima, maa fan gbiint n mɔnii na, ki a gbat,

Matiu 22:32

a, ‘Mine tee Abraham Yennu, nan Aisak Yennu, nan Jakɔb Yennu.’ Niib na nba din poŋ kpo sianyoowa na, ŋaan bi bia lek daa fo, kimaan Yennu ki tee kpeemm Yennu kaa, u tee footib Yennu-e.”

Barŋanii nba ki LUK din sɔb nae na 1:13

Ki malaka maŋ betɔ a, “Sekaria, daa tiin jaŋmaanii. Yennu poŋ gbat a miaruwa, ki a ŋaapoo Elisabef tan saa mar bonjak ki tura, ki a saa pur u sann Jɔɔnn.

Toona 27:24

ki tan betin a ‘Pɔɔl, daa tiin jaŋmaanii. See ki bi tan jiia ki saan nana Kpanbar Siisa boor. A paake ki Yennu yaa wun tinn niib kur nba be nana ŋaruŋ na ni.’

2 Korint teeb 7:6

ŋaan Yennu nba maant binba mɔk parbiir para na daan te ki Taitus baar ti boor, ki tan maan ti parawa. U baaru ti boore daan te ki ti para maak.

Fiitu 7:17

ki Pegann nba be naangbouŋ tɔɔnn na sii guub, ki saan namm nyunbuur nba teen manfoor na boor, ki Yennu saa fiar bi ninnyuut kur.”