Aisaya 37:23 - Yennu Gbouŋ Mɔɔr

²³ A dukii a tuu sukii ŋmee ki fiakitɔ na? A ki tur min Israel teeb kasii Yennu baakiri.

Aisaya 37:23 ပူးပေါင်းရင်းမြစ်များ

2 Kpanbara 19:22

A dukii a tuu sukii ki fiakit ŋmee na? A ki tur min Israel teeb kasii Yennu baakiri.

2 Kpanbara 19:4

Asiria kpanbar tun u saakawakitire, ki u baar sukii Yennu nba fo na. A Yomdaanɔ Yennu n gbat sukit na, ki dat binba sukii na tuba. Li paak, a miar Yennu ti niib nba tinn na paak.”

2 Barkperii 32:17

Kpanbar na bia din sɔb gbouŋ ki sukii Israel teeb Yomdaanɔ Yennu, ki gbouŋ na mɔmaan tee, “Digbana na niŋ tingbana nba ki fit tinn bi niib, ki nyinnib n nuu ni na, li paak, Hesekia tingbann kan fit fat u niib ki nyinnib n nuu ni.”

Yaŋ 44:16

Ki n gbia binba namin, nan n datai nba yisimin ki bia sukiin na.

Yaŋ 73:9

ki piak bonbiir ki jiint Yennu nba be yendɔuŋ ni na po, ki dia garuk ki want tingbouŋ na niib baa sii tuun biaŋinba,

Yaŋ 74:10

Yennu, ti datai saa sarika ki lin wei nlee? Datai na saa biir a sann mɔkmɔk nan mɔkmɔk-ee?

Yaŋ 74:18

Yennu, tiat nan a datai sarikitae, bi teen jatite ki biir a sann.

Yaŋ 74:23

A daa tammit a datai nba donn wutoa ki tian tintianii na, nan fuut nba ki a datai fu yoo kur na po.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Nyinu 5:2

Ki kpanbar na boib a, “Ŋmee tee Yennu? Bee ki n saa gbiint u maan ki te ki Israel teeb n nyi? N ki mi Yennu maŋ, li paak, n kan sak Israel teeb na n nyi.”

Nyinu 9:17

Ŋaan ki a teen garuk ki yêt fan chab n niib ki bin nyi saan.

Barjokit 30:13

Nisiab dukii a ŋamm mantik ŋan ki li paaka. Bi mɔk dont-n-mɔŋ bonchiann.

Aisaya 10:12

Ŋaan Yennu yet a, “Mi-i gbenn linba ki n tuun Sayɔnn kunkonn paak nan Jerusalem na yoo nba, n saa dat Asiria kpanbar tubir nan waa want u mɔŋ ki faa kpinkpant na.”

Aisaya 10:17

Yennu nba tee Israel yentu nae saa kpant muu. Israel teeb kasii Yennu na saa kpant muyeruk nba saa jii dayenn ki di bont kur, halii kunkonii nan jagotuk kur.

Aisaya 10:20

Yoo baat ki Israel teeb nba foor na ji kan gaan bi dindann digbann nba nyannib na paaki. Bi tan saa teen bi dindann Yennu nba tee Israel teeb kasii Yennu na nie.

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Aisaya 17:7

Li daar-i baar, niib saa ŋmant bi Naamii Daanɔ paak ki loon sommir. Ŋɔɔe tee Israel teeb kasii Yennu na.

Aisaya 2:11

Yoo baat ki nisaarik parbifaant saa gbenn, ki nisaarik garuk n biir. Tɔn, Yennu kɔɔe ji saa la baakir.

Aisaya 37:4

Asiria kpanbar tun u kunkɔnkɔnna saakawakitire, ki u baar sukii Yennu nba fo na. A Yomdaanɔ Yennu n gbat sukit na, ki dat binba sukii na tuba. Li paak, a miar Yennu ti niib nba daa tenn na paak.”

Aisaya 41:14

Ki Yennu bia yet a, “Yimm Israel teeb nba lek ki yab ki bia ki mɔk paŋ na, ŋaan i daa tiin jaŋmaanii, n saa sommiwa. Min nba tee yimm Israel teeb kasii Yennu nae tee i tinntɔɔ.

Aisaya 41:16

I saa faa donnib sanpaapo, ki wouŋ n pebirib ki yaat, ki wonpaaruk saa yatib. Ki i ji sii mɔk parpeenn, kimaan mine tee i Yennu; ki i saa dont min nba tee yimm Israel teeb kasii Yennu na sann.

Aisaya 43:14

Israel teeb kasii Yennu, wunba tinti na yeen a, “N saa tun kunkɔnkɔnnae Babilonn ki tinni, n saa biir doo maŋ tammɔi, ki li niib hootii na saa kpant mɔŋ.

Aisaya 43:3

Kimaan mine tee i Yomdaanɔ Yennu, Israel teeb kasii Yennu, wunba tinti na. N saa jii Ijipt nan Sudann nan Seba-e, ki lin teen i tinnu paatii.

Aisaya 5:15

Fei saa soor sɔɔ kur, ki binba dont bi mɔŋ na kur saa sik tiŋ ni.

Aisaya 5:21

I boonta. I dukii nan i sube, ki mɔk yan.

Jeremaya 48:42

Bi saa biir Moab, ki li ji kii tee digbanni, kimaan li niib yêt n mɔba.

Esekiel 28:2

“Nisaarik, betir Taya doo diarɔɔ maan nba ki min Yabint Yennu yeen na a: A donn a mɔŋ nan karinbaanii, ki jikit a mɔŋ ki tee yenbik, ki yeen nan a kar a naangbant paak, ki tee nan tingbann na, ki mɔkgbeŋa linta. A dukii a tee yenbike, ŋaan a kpan tee nisaarike.

Esekiel 28:9

Ki bi-i baar a bin kpi-a yoo nba, a bia sii yaa fine tee yenbiki-i? Li-i tee ki a tan took binba saa kpi-a na yoo nba, a sii tee nisaarike, ŋaan a kii tee yenbik kaa.

Esekiel 35:13

N gbat i dont-n-mɔŋ pinpakit nba ki i piak ki biirin nawa.”

Esekiel 39:7

N saa te ki n niib Israel teeb n bann n kasii sann, ki n mun ji kan ban te ki n sann n di fei. Ki digbana niib na saa bann nan min Yennu-e tee Israel teeb kasii Yennu.”

Daniel 7:25

Ki u saa pak biir Yabint Yennu, ŋaan te Yennu niib n di biak. U saa yabir a wun lebit Yenjiantu sennii nan li jaamm. Ki Yennu niib sii be u paŋ ni bina ŋantaa nan ŋmaarii ŋanloob.

Daniel 8:11

U din kɔn nan Yennu nba tee Yendɔuŋ ni kunkɔnkɔnna na tɔɔndaanɔ, ki gɔɔr daar kur maruŋ nba ki bi tuu mann ki teenɔ na, ki bia biir Yenjiantu ŋasaakak na.

2 Tesalonika teeb 2:4

U tan kan sak jiantbooru kur, ŋaan teen u mɔŋ yudaanɔ nba gar linba ki niib jiantir kura. U tan saa kɔɔ Yenjiantu ŋasaakak ni gbaa ki pur u mɔŋ Yennu.

1 Samuel 17:26

Ki Defid boi jab nba see ki kpiau na a, “Li-i tee ki wunba fit kpii Filistia jɔɔ na, ki nyinn Israel teeb fei na ni, bi saa turɔ bee? Ŋaan Filistia nirɔ nba ki waa Yennu na mun tee ŋmee ki saa fit pak biir Yennu nba fo na kunkɔnkɔnna?”

1 Samuel 17:36

Min a daabir ban kpii yanbɔra nan naamuuta, ki Filistia nirɔ nba ki waa Yennu na sii tee nan bi yenɔ nae, kimaan u butin Yennu nba fo na kunkɔnkɔnnawa.