Aisaya 37:17 - Yennu Gbouŋ Mɔɔr

¹⁷ Yennu, gotir linba tuun ki teent na. Gbiintir linba ki kpanbar Senakerib piak ki sukii fin Yennu nba fo na.

Aisaya 37:17 ပူးပေါင်းရင်းမြစ်များ

2 Samuel 16:12

Li pasiar u sii tee nnae ki Yennu n la n ninbaatir ki teen piisin n paak, ŋaan nyinn mɔtont nba ki n gaan na.”

2 Kpanbara 19:16

Yennu, gotir linba tuun ki teent mɔtana na. Gbiintir linba ki Senakerib piak ki sukii fin Yennu nba fo na.

2 Barkperii 6:40

“Yennu, ŋaant ki a ninbina-ii kpaa ti paak, ki bia gbiint taa meia nna na.

2 Barkperii 7:15

N sii guu ŋasaakak na, ki teen siir nan miaru nba kur sii mei nna na,

JOB labaar 36:7

U guu binba tee popeenn damm; u teemm yaak, ki bi dia niib nan kpanbara nba dia na, ki bia te niib teemm chɔruŋ mɔkmɔk nan mɔkmɔk.

Yaŋ 116:1

N loon Yennu, kimaan u gbia n fabinii, u gbiintir n miaru.

Yaŋ 17:6

Yennu, n meia, kimaan a teenin gatu, li paak, gbiintir n mɔbona.

Yaŋ 71:2

Kimaan faa tee popeendaanɔ na, a sommin ki bia fatin. Gbiintirin ki tinnin.

Yaŋ 74:10

Yennu, ti datai saa sarika ki lin wei nlee? Datai na saa biir a sann mɔkmɔk nan mɔkmɔk-ee?

Yaŋ 74:22

Yennu, fiit a tiɔŋ ki somm a niib, tiat nibiit nba sarikita biaŋinba daar kur na.

Yaŋ 79:12

Yennu, digbanlia nba sukii ki biira na, jiint pab taar munlore bi biit paak.

Aisaya 37:4

Asiria kpanbar tun u kunkɔnkɔnna saakawakitire, ki u baar sukii Yennu nba fo na. A Yomdaanɔ Yennu n gbat sukit na, ki dat binba sukii na tuba. Li paak, a miar Yennu ti niib nba daa tenn na paak.”

1 Piita 3:12

kimaan ti Yomdaanɔ kpaa u ninbina niŋamm paake, ki bia gbia bi miaru yoo kura; ŋaan kɔn nan toonbiit damm na.”