Aisaya 34:1 - Yennu Gbouŋ Mɔɔr

¹ Digbana niib kur, baat man. Tikit man ki gbiint. Ŋaant durinya kur, nan wunba kur be li ni n baar nna, ki tan gbiint.

Aisaya 34:1 ပူးပေါင်းရင်းမြစ်များ

Pinpiik 6:13

Ki u yet Nowa a, “N saa boont nisaarii kur tingbouŋ na niwa. N saa biirib, kimaan bi toonbiit nan mukisuk paake te ki n yaa n biir ŋamm nan tingbouŋ na.

Yaŋ 24:1

Durinya na nan linba kur be li ni tee Yennu yare. Li tingbouŋ nan wunba kur be li ni tee Yennu yare.

Yaŋ 50:1

Yabint daanɔ nba tee Yennu na piak. U yi tingbouŋ na kur, laa nyii yondo po ki saa tuu yonbaa po.

Yaŋ 96:10

Pakin ki tur digbana kur a, “Yennu-e tee kpanbar. Tingbouŋ na see-e kenken ki kan ban nyat; u saa jii mamɔmme ki bu niib buut.”

Aisaya 1:2

Ki Yennu yet a, “Tingbouŋ nan sanpaak, gbiintir linba ki n piak na. Waas nba ki n wubirib na yêt n mɔba.

Aisaya 18:3

Gbiintir man, yimm nba kur be durinya ŋaak na. Ii gorii nyinn fariŋ nba ki bi saa donn sanpaapo, kunkona paak na. Gbiintir naatunn mɔnii.

Aisaya 33:13

Ŋaant sɔɔ kur nba be banfɔkir, nan wunba naak n gbat linba ki n tun, ki bann n yiikoo nba tee.”

Aisaya 41:1

Yennu yet a, “Yimm digbanbanfɔka damm na, ii ŋmin man, ki gbiint turin. Ii teen siir ki saan nan i maan, barbuut boor, ki i saa la yaak ki pak. Ŋaant ki ti lakin taan ki la wunba mɔk mɔnii.

Aisaya 43:9

Tikit niib na, ki bin baar buut boor. Bi yenlanɔe saa fit bunt linba tan saa tumii? Bi ŋmee din bunt linba tan tuun mɔtana na? Ŋaant ki yennii maŋ n baar nan bi siara damm ki wann nan bi mɔk mɔnii, ki wann bi mɔnii bi mɔbona ni.

Aisaya 48:16

“Nakint n boor, ki gbat maa piak linba. Pinpiik niwa, n din piak paanu nie, ki tuu te ki n mɔbona na n mann mɔnii.” (Mɔtana, Yabint Yennu-e turin u Seek ki tumin.)

Aisaya 49:1

Yimm digbanbanfɔka damm, gbiintir man, yimm nba be banfɔka na. Bi din tan maarin na, ki sɔɔ Yennu gannin ki teenin u toontunnɔwa.

Aisaya 63:1

“Ŋmee nyii Bosra, doo nba be Edom tiŋ ni ki baat na? Ŋmee jia lia tamɔnt fanu ki somm nan paŋ nan yiikoo na?” “Li tee Yennu nba mɔk paŋ ki tinnit nae baat a wun mɔɔnt u nyannu po.”

Jeremaya 22:29

Juda tiŋ, mine tee Yennu. Gbiintir linba ki n piak na:

Jeremaya 49:7

Yabint Yennu nba pak linbae na ki jiin Edom teeb po a: “Edom teeb yanfoon na ji kaae-e? Bi ŋmakit-teeb na ji ki fit wantib linba ki bi sii tuuni-i? Bi subinii na kur mir bote-e?

Esekiel 38:17

Fine tee wunba ki n din tuu piak a po sianyoowa na. N din pak tur n sɔkiniinba nba tee n toontunna ki be Israel tiŋ ni na, a yoo baate, ki n saa te sɔɔ n baar ki tan lek Israel teeb. Min Yabint Yennu-e pak na.”

Obadia 1:1

Mɔmaan nba nae ki Yabint Yennu yet Obadia ki jiin Edom tingbouŋ po. Ti gbat mɔmaan ki li nyii Yennu boor, u tun tontii digbana ni ki yet a, “Teent siir man ki tin saan faa Edom teeb tɔb.”

1 Korint teeb 10:26

kimaan li sɔb Yennu gbouŋ ni a, “Tingbouŋ na nan li bont kur tee Yennu yare.”

Sennu 32:1

“Sanpaak nan tiŋ, gbatir n mɔmaan, gbiintir fanu linba ki n yeen.

Sennu 4:26

N yiin sanpaak nan tingbouŋ a bin di n siara dinna. Li-i tee ki i yêt n mɔb, i saa boonte yiama tiŋ na ni. I kan wei i manfoor ni, tiŋ nba ki i yaa yin kɔɔ Jɔɔdann mɔk-pootir po na, i saa boonte yiama.

Fiitu 2:7

“Wunba mɔk tubir, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu na, ŋɔɔe ki n saa turɔ sɔnu ki wun di manfoor tilɔɔna nba be Yennu boor, siaminba ki bi yir Paradais na.”

Barbuura 5:3

Gbiintir man, yimm batnba, gbiintir, yimm doo diara. N saa yin yaŋ ki tur Yennu. N saa yin yaŋ nan kunkɔmann ki tur Yennu, wunba tee Israel teeb Yomdaanɔ na.

Barbuura 5:31

“Yennu, ŋaant ki a datai kur n kpakin yann, ki ŋaan binba loona na, bii nyirii nan yonkpana na.” Li poor po parmaasir ji din be tiŋ na paak, bina piinna.