Aisaya 30:25 - Yennu Gbouŋ Mɔɔr

²⁵ Daar nba ki bi saa nyann i datai doo, ki kpi li niib na, nyun sii puube ki nyi jɔjaana nan kunkona kur ni.

Aisaya 30:25 ပူးပေါင်းရင်းမြစ်များ

Aisaya 32:14

kimaan kpanbar ŋaak na saa nyint, ki digbansaakar na saa biar yann. Ŋei nan joonjaana nba tuu guur na saa kpant langbent yaayoo siiyoo. Bɔniie sii lin leŋ, ki pei sii ŋman mɔɔt leŋ.

Aisaya 37:36

Ŋanne ki Yennu malaka saan Asiria teeb kaaŋ ni, ki saa kpii jab tusaa kobik nan piinniin nan ŋanŋmu. Laa yent sanyiɔk ki bi dɔɔ ki kpowa.

Aisaya 48:21

Yennu nba din jii u niib ki gar namm wɔruk tinkorik paak na, ŋaan nyunnyukuru din ki soorib. U din te ki nyun nyii tanpiiuk ni, ki bi nyu; u din bɔkit tann nae, ki nyun nyii.

Esekiel 17:22

Dindasiar, min Yennu tan saa kɔnn kpek yiinu, ki saan nann kunkonn nba mantik fɔk, Israel tiŋ ni, ki bur li paak, ki li tee siaminba ki li saa kpaat, ki mɔk yiinpaara, ki bia lon lɔɔngbeŋaa.

Esekiel 34:13

N saa nyinnib boorganu doi na ni, ki tikirib bɔyennkɔɔ boor, ki te bin jen bi tiɔŋ tiŋ ni. N saa ŋmakitib ki bin jen Israel kunkona nan kpenii na ni, ki dinnib kpinkpaar boor nba ŋan ni.

Esekiel 34:26

“N saa teen piisin bi paak, ki te bii kɔɔ ki lint n kasii kunkonn na. Leŋe ki n saa teen piisin bi paak, kii teemm saak yoo nba ki bi loon.

Esekiel 47:1

Ki jɔɔ na jiin ki ŋmat nanin Yenjiantu Ŋasaakak na tammɔb boor. Ki nyun nyi tammɔb na ni, ki puub saa yondo po, Jiantu Ŋasaakak nba tor siaminba po na. Ki nyun na gɔnt ki siik ŋasaakak na diitu, ki gaar siik maruŋ binbintir na niidiitu po.

Joel 3:18

Ki daa maŋ ni, kunkona saa gbee nan daan tiiniie, ki bonkobit sii be kunkonn kur paak, ki nyun sii be Juda kpenii kur ni bonchiann. Ki kpenu saa pubir nyi Yennu ŋasaakak boor, ki li nyun saa maan Kpekii Baauk na.

Nahum 3:12

A ŋajaana na kur tan sii tee nan kinkaŋ nba mɔk kinkanmɔna nae; fi-i nik tiinii na, li lɔɔna na tuu baa a mɔb nie.

Nikant 24:7

Ki bi saa la saak bonchiann, ki saa bur bi bonbuburit siaminba kur mɔk maatuk, ki bi kpanbar sii mɔk yiikoo ki gar Agag, ki bi yent sii yarin ki bia fɔk.

Jɔɔnn 7:38

kimaan Yennu gbouŋ yet a ‘Wunba teenin yada, manfoor nyun sii tɔ nyunkpanae ki nyi u par ni.’ ”

2 Korint teeb 10:4

Li paak, ti ki jikit nisaarik paŋ kaa a ti kɔn li kɔnni, ti jikit Yennu paŋ nba saa biir Sintaanii paŋ kur nae ki kɔn. Ti piak ki nyant niib nba ki saak Yennu mɔmaan nae,

Fiitu 22:1

Li yoo ki malaka na wannin mɔkir nba mɔk manfoor nyun na, ki li nyi Yennu nan Pegann na naangbouŋ na ni, ki yeen nan mianu na,