Aisaya 3:10 - Yennu Gbouŋ Mɔɔr

¹⁰ Niŋamm para sii peene, ki bona saa fanu ki turib. Bi saa di linba ki bi tun na nyɔɔte nan parmaasir.

Aisaya 3:10 ပူးပေါင်းရင်းမြစ်များ

Pinpiik 18:25

A kan sak biir niŋamm nan nibiit kur yommi. Li paar nan ki a tun nna. A kan teen nna. Li-i tee ki a teen nna, niŋamm nan nibiit na kur saa di biak yomme. Li paaka. Tingbouŋ na kur barbuurɔ tee wuu tuun bona fanue.”

Yaŋ 58:11

Ki niib ji saa yet a, “Barmɔniie, kasii damm gaan bi paatii; barmɔnii, Yennu nba bu tingbouŋ na buut na set be.”

Nyinu 1:20

Yennu par din mei maannaanba na paak, ki u turib niib, kimaan baa din tiinɔ na paak. Israel teeb na din ŋammit maar ki pɔt pukii, ki mɔk paŋ.

Barjokit 10:6

Niŋamme sii laat piisin. Toonbiit daanɔ mɔbona baat nan kpikpiruko.

Barjokit 12:14

A paauk saa nyi a toona nan a pinpakit nie; a saa la linba ŋan nana.

Barjokit 13:21

Toonbiit damm laat daamiie baa be siaminba kur, ŋaan niŋamm na saa la nyɔɔt nba tee bonŋana.

Barjokit 18:21

Linba ki a piak saa fit tinn koo ki nyinn manfoor, li paak, see ki a gaar a mɔbona paauk.

Banntɔɔ 8:12

Yanbɔndaanɔ saa fit biir toonn taar kobik, ŋaan bia mɔk manfoor. Nn, n mi baa yeen linba a: “Li-i tee ki a sak Yennu mɔb, bont kur sii ŋane ki tura,

Aisaya 54:17

Ŋaan jatiɔk kaa ki saa fit paana daŋi, ki a sii mɔk gatu ki tur binba kur piak biira na. N saa kɔn n toontunna paak ki turib nyannu.” Yennu-e pak na.

Jeremaya 15:11

Yennu, li-i tee ki n ki tun a toonn fanu, koo li-i tee ki n ki set n datai taar ni ki fabin nana, yoo nba ki bi bo be biak nan wahala ni na, fan ŋaan ki bi mɔpora maŋ n mann mɔnii.

Jeremaya 21:14

Ŋaan n saa dat i tuba, yaa tun linba na paaka. N saa joo i naan ŋei na muu, ki li saa di kpab linba kur lintir. Min Yennu-e pak na.”

Jeremaya 22:15

Li-i tee ki a jii kpek taabii ki maa ŋaak ki li fan gar leeb ŋei, li saa fit teena kpanbarmɔnɔwa-a? A baae la manfoor manu. U din ŋane ki tee nimɔnɔ, ki do linba kur ki u tuun ni.

Jeremaya 7:23

Ŋaan n din pakib nan bin sak n mɔb, ki n sii tee bi Yennu, ki bi mun tee n niib. N din betib a bii be nan maa wannib na, ki bona sii saa fanu ki teemm.

Esekiel 18:20

Li tee daanɔ nba tun biite n kpo. Bik kan kpo u baa toonbiit paaki, koo bibaa kan kpo u bik toonbiit paaki. Niŋanɔ saa gaar u paatii, u toonŋana paake. Ki nibiiuk n gaar tubdatu, u toonbiit paak.

Esekiel 9:4

“A lin Jerusalem doo kur po, ki lon binba be ninbaatir ni, ki bi para biir, kimaan toonbilankant nba tuun doo ni na, ki dɔk bi yugbia paak.”

Maika 7:13

Ŋaan tingbouŋ na tan sii tee tinkokirike, kimaan niib nba kɔɔ li ni na biit paak.

Sefania 2:3

Jenin man Yennu boor, yimm nba tee sikin-n-mɔŋ damm ki be tiŋ maŋ ni kura, ki sak u sennu na. Ii tuun linba took, ki sikin i mɔŋ Yennu boor. Li ki gar yimm n tan nyi tubdatu ni, daar nba ki Yennu saa wann u wutoor na.

Malakai 3:18

N niib saa ŋamm la linba saa tun ki tur binba tee popeendamm nan tondamm, li bɔkitu nba tee biaŋinba, ki bia bann daanɔ nba tuun n toonn nan daanɔ nba ki tuun n toonn na bɔkitu.”

Barŋanii nba ki LUK din sɔb nae na 19:19

Ki u chanbaa na yetɔ a ‘N saa tura doi ŋanŋmu yudante.’

Sennu 12:25

Li-i tee ki i sak gaar sennu na, Yennu sii mɔk parpeenn, ki bont kur saa somm fanu nani nan i yaaboona.

Hiibru teeb 6:10

Yennu-e ŋan, ki kan tamm yaa tun linba ki turɔ, koo yaa loonɔ biaŋinba ki somm Masiaweira, ki bia daa sommitib na.