Aisaya 27:8 - Yennu Gbouŋ Mɔɔr

⁸ Yennu niib na tubdatu tee waa din saan namm digbangann ki bi saa tee yommii nae. U din jiib nan yondo po wonbiiuko, ki saan namm siar po.

Aisaya 27:8 ပူးပေါင်းရင်းမြစ်များ

JOB labaar 23:6

Yennu saa jii u paŋ na kur ki kɔn nanima-a? Aaii, u saa gbiint ki turime, li-i tee ki n pak.

Yaŋ 103:14

U mi waa jii linba ki nant, u mi nan ti tee tante.

Yaŋ 103:9

U ki yakii nan niib yoo kuri, u bia ki yɔɔ be nan wutoori.

Yaŋ 38:1

Yennu, a daa daar n tubir nan wutoori,

Yaŋ 6:1

Yennu, daa jikit wutoor ki yakii nanimi. Daa jikit wutoor ki daar n tubiri.

Yaŋ 76:10

Barmɔnii, a wutoor-i baa a datai paak, niib tuu tura dontire, ki niib nba nyii tɔb na ni saa tiar ki teen jaamm.

Yaŋ 78:38

Ŋaan Yennu lek bia din mɔk ninbatinu nan u niib na, ki nyik chab bi yanbɔmm, ki din ki biiribi. Yoo n tuu yoo u din tuu gɔɔr u wutoore, ki ki fiint u jati.

Aisaya 1:5

Bee ki i tukin tee mɔyêtuk dammi? I loon yin la tubdatu bonchianne-e? Israel teeb, i yura poŋ gbee nan fiate, ki i para nan i yan ji kaa laafia.

Aisaya 10:12

Ŋaan Yennu yet a, “Mi-i gbenn linba ki n tuun Sayɔnn kunkonn paak nan Jerusalem na yoo nba, n saa dat Asiria kpanbar tubir nan waa want u mɔŋ ki faa kpinkpant na.”

Aisaya 50:1

Ki Yennu yet a, “I dukii a n ber nyinn n niib nan jɔɔ nba tuu yêt u poo ki ber nyinnɔ nae? Ki li-i tee nnaie, yêtu gbant be lia. I dukii nan n kɔie, ki bi soori nan jɔɔ nba tuu kɔi u waas ki bin teenib daaba na-a? Aaii. Bi din teeni yommii, kimaan i toonbiit paake. Bi din yaat nani, kimaan i marinbiit paak.

Aisaya 54:7

“Yoo waaminnae ki n nyika, ŋaan n saa ŋamm gaara nan lonchiɔŋo.

Aisaya 57:16

N tur n niib manfoor, ki kan tukin kii piak kii biirib, koo kii dont wutoor namm yoo kuri.

Aisaya 64:5

A tuu gaar binba para mei toonŋana tumu paake, binba tian faa loon bii be biaŋinba. A wutoor bo doo ti paake, ŋaan ki ti tukin ki tuun linba bi; nan faa lek be a wutochiɔŋ na kur ni, ŋaan ti tuun biite, laa nyii sianyoowa.

Jeremaya 10:24

Yennu, ŋmakitirit, ŋaan a daa mantik ton nanti, koo ki dat ti tuba yoo nba ki a wutoor doo; fi-i tun nna, ti saa boonte.

Jeremaya 30:11

N saa baar i boor ki tan tinni. N saa biir digbana nba ki n yati ki saan nani na, ŋaan n kan biir yimmi. N saa dat i tubawa, ŋaan n saa dat i tuba nan lomme. Min Yennu-e pak na.”

Jeremaya 4:11

Yoo baat, ki Jerusalem teeb saa gbat nan wontouŋ da ki nyii kunkoouk paak, ki baat bi paak. Li kii tee wonŋauŋ nba jikit fouŋ kɔɔ kaa;

Jeremaya 4:27

Yennu poŋ pak nan tingbouŋ na kur saa kpant tanbiiuŋo, ŋaan u kan biirir fasi.

Jeremaya 46:28

N saa baar i boor ki tan tinni. N saa biir digbana nba kur ki n yati ki i saan leŋ na, ŋaan n kan biir i mɔŋi. N saa dat i tubawa, ŋaan mi-i daar yoo nba, n sii daar nan lommo. Min Yennu-e pak na.”

Fabinii 3:31

Yennu mɔk ninbatinu, ki kan nyikit fas fasi.

Fabinii 3:32

U saa fit te ki parbiir n baarit, ŋaan u lomm nba ki u be nant na tee barmɔniie, ki mɔk paŋ.

Esekiel 19:12

Ŋaan ki n donn wutoor, ki dat fukitɔ nan u jiina, ki lu-u tiŋ ni, siaminba ki wonfufuk da, ki koor li lɔɔna, ki n jint li yiinpaara, ki li koor, ki dii muu.

Hosea 13:15

Israel teeb-i lekii bint nan mɔɔt na, ŋaan n saa te ki yonput po wontouŋo n nyi kunkoouk paak, ki koor bi nyuntona nan bunbuna. Wouŋ na saa jii linba kur mɔk nyɔɔt.

Hosea 4:1

Yennu mɔk maan nba ki u yaa wun pak biir Israel teeb nba kɔɔ tiŋ na ni na. Israel teeb, gbiintir maan nba ki Yennu yete na, “Sɔɔ ki be tiŋ na ni ki waan fanu, koo ki mɔk lommu, niib na bia ki mi min Yennu binbeŋ nba tee.

1 Korint teeb 10:13

Bikinu nba kur baari, li tee linba yɔɔ baat niibe; ŋaan Yennu tee barmɔnii daanɔ ki kan te ki bikinu n baari ki gar i paŋ teriki; ŋaan yoo nba ki bikinu baari, u saa turi paŋ nba ki i saa nyannir ki nyi leŋ.

1 Piita 1:6

Li paak, ii mɔk parpeenn man; li-i lekii tee ki i mɔk parbiir yoo waaminna mɔtana, yaa la biakbooru booru na paak, ii mɔk parpeenn.