Aisaya 26:8 - Yennu Gbouŋ Mɔɔr

⁸ Ti waa a loomme, ki teen ti dindann a ni. A kuukɔɔe ki ti loon.

Aisaya 26:8 ပူးပေါင်းရင်းမြစ်များ

2 Samuel 23:5

Nna bannue ki Yennu saa teen piisin n maaru paak, kimaan u lor mɔlor nba kaa gbennu nanima, ki li tee lor nba kan ban biir, ki tee mɔsonn nba kan ban lebit. Maa loon linba kure na, ŋanne sii tee nyannu, ki Yennu set saa te ki lin teen mɔnii.

Yaŋ 106:3

Parmaasir be daansiab nba saak u mɔb, binba yɔɔ tuun linba ŋan na paak.

Yaŋ 130:5

N guu Yennu sommire nan n par kur, ki bia teen u maan yada.

Yaŋ 18:23

U mi nan n ki mɔk biiti, ki bia mi nan n soor n mɔŋ ki ki tun kpeti.

Yaŋ 42:2

Fin Yennu nba fo na, n niana. Nlee yooe ki n sii be a tɔɔnn ki jiantirani?

Yaŋ 65:6

Fine bir jɔjaana nan a paŋ, ki wann a yabint paŋ nba tee biaŋinba.

Yaŋ 73:25

N ji mɔk bee yendɔuŋ ni, li-i kii tee fini kaa? Ki tingbouŋ na paak, n kii loon siar ki pukin a po.

Yaŋ 84:2

N mantik loon ki mii be leŋ, n seek kur loon ki mii be Yennu ŋasaakak nie, kii yiin parmaasir yanii nan n par kur kii teen Yennu nba fo na.

Nyinu 3:15

Pakin Israel teeb na nan min Yennu, wunba tee bi yeejamm Abraham nan Aisak nan Jakɔb Yennu nae tuma bi boor. N sanne na yaayoo nan yaayoo. Sann nae ki nibooru nba waa kur sii yin.

Yankpaŋii 5:8

Jerusalem poob, ii sat mɔb nanin nan li-i tee ki i la n yɔɔk na, i saa betɔ nan u niɔŋ te ki n baŋa.

Aisaya 12:4

Daar baate ki niib saa yin yaŋ na a, “Turin Yennu niipoouk. Yiintɔ ki wun somma. Pakin digbana kur, waa tun linba. Wantib u yiikoo nba jan.

Aisaya 24:15

ki binba be yondo po na saa dont u sann. Niib nba kar kpia mɔkgbeŋir na saa dont Israel teeb Yomdaanɔ Yennu maŋ.

Aisaya 25:1

Yennu, fine tee n Yomdaanɔ, n saa tura baakir ki dont a sann. A tun yaarlituk toonawa; a gbeen lora nba ki a din lor sianyoo nawa.

Aisaya 25:9

Li-i tun nna yoo nba, sɔɔ kur saa yet a, “Ŋɔɔe tee ti Yennu. Ti teen ti dindann u nie, ki u fatit. Ŋɔɔ-i tee ti Yomdaanɔ. Ti teen ti dindann u nie, ki mɔtana ti mɔk parpeenn nan kpinkpammuk, kimaan u tinnita.”

Aisaya 26:13

Ti Yomdaanɔ Yennu, siabe tuu diat, ŋaan fin kuukɔɔe tee ti Yomdaanɔ.

Aisaya 30:18

Ŋaan Yennu lek guue a wun tini ninbaauk. U teen siir a wun tini ninbaauk, kimaan u yɔɔ tuun linba tooke. Parpeenn be daansiab nba teen Yennu yada na paak.

Aisaya 33:2

Yennu, ii mɔk ninbatinu nant. Ti teen ti dindann a nie. Ii guut daar kur, ki tinnit daamii yoo.

Aisaya 49:23

Kpanbara sii tee nan bi baanba nae ki turi, ki poobatnba tee nan bi naanba na. Bi saa baa fabin i tɔɔnn, ki turi baakir, ki sikin bi mɔŋ ki turi jirima, ki i saa bann nan mine tee Yennu, ki wunba guu n sommir kan di fei.”

Aisaya 51:4

“Gbiintir turin man, n niib, gbiintir linba ki n piak. N teen digbana n tumiiu, n sennu na saa turib yentu.

Aisaya 56:1

Ki Yennu yet u niib a, “Ii tuun linba ŋan ki bia took, kimaan li kan wei, ki n saa tinni.

Maika 4:5

Digbann kur jiantir ki bia mɔk mɔsaku nan u tiɔŋ tingbanne, ŋaan timm ŋarin saa jiant ki bia mɔk mɔsaku nan ti Yomdaanɔ Yennu-e mɔkmɔk nan mɔkmɔk.

Maika 7:7

Ŋaan min sii gorii Yennu-e. N sii guu Yennu-e nan parcheenn; ŋɔɔe saa tinnin. Yennu saa gbat n miaruwa.

Malakai 4:4

“Ii tian n toontunnɔ Moses sennii nan wannu nba ki n din turɔ, Sainai jɔɔr paak, a Israel teeb kur n sakir na.

Nikant 36:13

Yennu nba din tur Moses sennu nan wannu nbae na, a wun yet Israel teeb, yoo nba ki bi be Moab paanu nba poot Jɔɔdann mɔkir, ki jir Jeriko po na ni.

Barŋanii nba ki LUK din sɔb nae na 1:6

Bi banlee maŋ binbeŋ din ŋan Yennu boor, ki bi sak u wannu nan sennu kur nyiknyik;

Toona 1:4

Yosau yaann ki u tan lakin be namm, ki din tan turib mɔb a, “I daa nyi Jerusalem-i, ŋaan kii be kii guu piinii nba ki n Baa Yennu senn mɔsonn a u saa turi, nan maa poŋ beti li po na.

Rom Teeb 8:25

Ŋaan ti-i mɔk dindann linba ki ti ki laat paak, ŋann ti ji tuu guu nan sukurue.

2 Tesalonika teeb 3:5

Ti Yomdaanɔ maŋ n sommi ki yin bann Yennu nba loont biaŋinba, kii mɔk gbankur nba ki Masia teent na.