Aisaya 26:5 - Yennu Gbouŋ Mɔɔr

⁵ U sikin binba tuu dont bi mɔŋ nawa, ki biir digbanpaarir nba ki bi tuu be leŋ na, ki yeer bi joona ki lur tiŋ ni.

Aisaya 26:5 ပူးပေါင်းရင်းမြစ်များ

Yaŋ 79:8

A daa daar ti tuba, ti yeejamm yanbɔmm paaki, a tint ninbaauk mɔtana, ti ji ki mɔk dindanni.

Aisaya 13:11

Yennu yet a, “N saa baar nan biiru tingbouŋ na paak, ki dat yanbɔndamm kur tuba, bi biit paak. N saa sikin wunba kur want u mɔŋ, ki dat garuk damm nan tondamm na tuba.

Aisaya 14:13

A din dukii fan do sanpaapoe, ki saa maa a naan binbintir ŋmaabira paapo. A dukin nan a saa kar nan kpanbar nae, jɔjaann nba be gaŋ po, ki yenbis tikii na paak.

Aisaya 2:12

Daar maŋ ni, Yabint Yennu saa sikin wunba kur dont u mɔŋ, nan binba tee garit damm. Yennu kɔɔe tan saa la dontir, daar maŋ ni.

Aisaya 24:10

Doo na ni bont kur ji be ŋmatir nie, ki niib be bi ŋei ni, ŋaan kpar gana bi mɔŋ paak, a bin tinn.

Aisaya 25:2

A te ki doi kpant langbent, ki bia yeer li ŋapaara. Ti datai nba din maa naan ŋei nba na bote yaayoo siiyoo.

Aisaya 32:19

Sakaana-i lekii baa fɔɔr ni, ki doo na bit,

Aisaya 47:1

Yennu din yet a, “Babilonn, fiit a naan gbant paak, ki sik tiŋ ni, ki kar tanbiinii ni. Sianyoo, a din tee nan sapaanmunn nae, ki tee nan doo nba ki bi ki nyannir na, ŋaan a ji ki ban be a yamani, mɔtana a tee yommike.

Jeremaya 51:37

Tiŋ maŋ saa kpant langbent, ki muuk ni bonkobit sii be leŋ. Leŋ sii tee jaŋmaansooruk boore, ki sɔɔ kan kar leŋ, ki wunba kur lar, jaŋmaanii saa soorɔ.

Jeremaya 51:64

ŋaan yet a, ‘Linba saa tun ki tur Babilonn-e na. Li saa kpii ki kan ban pukiti, kimaan biiru nba ki Yennu saa baar nann na paak.’ ” Jeremaya mɔmaan na dian nnae.

Fabinii 2:2

Yennu biir Juda digbanbis kur, ki ninbatinu kaa; ki bit joonpaara nba guu doi na, ki te digbann na nan li diara dii fei.

Esekiel 26:11

U taanjakira saa lin i sɔnjot kur po, ki kpi i niib nan bi jukbanjai. Bi saa bet i joontoota na.

Esekiel 28:17

A fant na paak te ki a mɔk karinbaanii, ki a sann nba doo na, ki li te ki a tee nan jatuk na. Linba na paake teen ki n lua tiŋ ni, ki nyika, ki li sii tee kpaanii ki teen kpanbar leeb.

Fiitu 18:2

ki u yeen nan kunkɔsaakar a “Dogbeŋir Babilonn na baawa, li set baawa, ki ji kpant siaminba ki narinbiit kur, nan nɔɔnbiit nba mɔk sinsint na be.